यूहन्ना 12:26 - Garhwali

²⁶ अगर कुई मेरी सेवा करदु, त उ मेरा पिछनै चलो। अर जख मि रौलु उख मेरु सेवक भि होलु। अर जु कुई मेरी सेवा करदु, वेतैं मेरु पिता आदर-सम्मान द्‍यालु।

गढवली नयो नियम

²⁶ जु कुई मेरी सेवा कैर, त उ मेरा चेला बण मेरा पिछनैं चलो, तब जख मि छों उख मेरा सेवक भि होलो जु कुई मेरी सेवा करद, त बुबा वेको आदर करलो।

यूहन्ना 12:26 ပူးပေါင်းရင်းမြစ်များ

मत्ती 16:24

तब यीशु न अपणा चेलों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

मत्ती 25:21

मालिक न वेकू बोलि, ‘सबास, मेरा अच्छा अर भरोसा लैख नौकर, तू कम मा भि इमानदार रै, इलै मि त्वेतै भौत सि चीजों को अधिकारी बणौलु। आ जा, अपणा मालिक की खुशी मा सामिल हो।’

मरकुस 8:34

तब यीशु न भीड़ तैं अपणा चेलों समेत पास बुलै के बोलि, “अगर कुई मेरा पिछनै औण चान्दु, त उ अफ तैं नकारी द्‍यो, अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

लूका 12:37

अर धन्य छिन ऊ नौकर जौं तैं ऊंको मालिक औन्द का बगत बिज्युं देखो, अर मि तुम बटि सच्‍च बोन्‍नु छौं, कि मालिक अपणी कमर कसी के ऊंकी सेवा करलु अर खाणुक खाणु कू बैठालु, अर ऊं खुणि खाणुक परोसलु।

लूका 6:46

तब यीशु न इन भि बोलि कि, “तुम मिकू ‘हे प्रभु, हे प्रभु,’ बुल्द्‍यां, पर जु मि बुल्दु, तुम वेतैं किलै नि मणद्‍यां?

लूका 9:23

तब यीशु न ऊं सभ्यों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो, अर दुख अर मौत तैं झिलणु खुणि हर रोज तयार ह्‍वेके मेरा पिछनै चलु।

यूहन्ना 10:27

मेरी भेड़ मेरी आवाज तैं पछ्याणदिन, मि ऊंतैं जणदु छौं। अर ऊ मेरा पिछनै-पिछनै चलदिन।

यूहन्ना 13:16

अर मि तुम बटि सच्‍चि बोन्‍नु छौं, कि नौकर अपणा मालिक से बड़ु नि होन्दु, अर जैतैं भेज्यूं च उ अपणा भेजण वळा से बड़ु नि होन्दु।

यूहन्ना 14:15

फिर यीशु न चेलों खुणि इन भि बोलि, “अगर जु तुम मि बटि प्यार करद्‍यां, त मेरी आज्ञाओं तैं भि मणिल्या।

यूहन्ना 14:3

अर जब मि जैके तुम खुणि जगा तयार कैरी द्‍यूलु, त फिर ऐके तुमतै भि अपणा इख लि जौलु ताकि जख मि रौ उख तुम भि रा।

यूहन्ना 15:20

“इलै मिन जु तुम बटि बोलि, वेतैं याद रखा कि, ‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्‍नि अगर ऊंन मेरी बात माणी त वु तुमरि बात भि मणला।

यूहन्ना 17:24

“हे मेरा पिता, मि चान्दु छौं, कि जु लोग तुमुन मि मा सौंप्यां छिन, ऊ भि मेरा दगड़ा मा उख रा, जख मि रौलु। ताकि दुनियां की शुरुवात से पैलि तुमुन मि बटि प्यार कैरिके जु आदर-सम्मान मितैं देई, वेतैं वु देखि सैका।

यूहन्ना 21:22

फिर यीशु न वेकू बोलि, “अगर जु मेरी इच्छा होलि, कि उ मेरा औण तक ठैर्युं रौ, त त्वेतै ईं बात से क्या मतलब? पर तू मेरा पिछनै अऽ।”

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

रोमियों 14:18

अर जु मनखि ये तरीका से अपणा जीवन तैं चलौन्दु, अर वेका दगड़ा-दगड़ि यीशु मसीह की सेवा करदु, उ मनखि पिता परमेस्वर तैं खुश करदु, अर दुसरा लोग भि वेकी तारीफ करदिन।

2 कुरिन्थि 4:5

अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

2 कुरिन्थि 5:8

इलै ही मि इन बुल्दु कि हम लोग हिम्मत नि छुड़द्‍यां, बल्किन मा हम त ये सरील तैं छोड़ि के प्रभु यीशु का दगड़ा मा रौण चाणा छां।

गलातियों 1:10

अर तुमतै क्या लगदु, कि क्या अब मि लोगु तैं मनौण की कोसिस कनु छौं? ना, मि त परमेस्वर तैं मनौण चान्दु। अर तुमतै क्या लगदु कि मि मनखियों तैं खुश कनु छौं? नऽ रे ना, अगर जु मि अभि तक मनखियों तैं खुश कनु रौन्दु, त मि परमेस्वर को सेवक नि होन्दु।

फिलिप्पी 1:23

अर मि यों दुई बातों तैं लेके बड़ा घंघतोळ मा पोड़्यूं छौं, मोन त मेरु इन बोन्‍नु च कि ईं दुनियां बटि विदै लेके मि यीशु मसीह का पास चलि जौ, किलैकि या ही बात मि खुणि सबसे जादा खूब च।

कुलुसी 3:24

किलैकि तुमतै पता च, कि येका बदला मा प्रभु तुमतै अपणी विरासत मा से द्‍यालु जैको करार वेन कैरी। अर तुम लोग हमरा प्रभु यीशु मसीह की सेवा करद्‍यां,

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

2 पतरस 1:1

हे मेरा भै-बैंणो, मि शमौन पतरस यीशु मसीह को सेवक अर एक खास चेला छौं। मि या चिठ्‍ठी तुम सभ्यों खुणि लिखणु छौं, जौं तैं पिता परमेस्वर की तरफा बटि यू कीमती मौका मिल्यूं च, कि हम सब छुटकारा देण वळा यीशु मसीह पर बिस्वास कैरा। अर यीशु मसीह ही च, जु कि परमेस्वर की नजर मा धरमी च।

1 यूहन्ना 5:3

किलैकि परमेस्वर को प्यार यां मा ही च कि हम वेकी आज्ञाओं को पालन कैरा, अर वेकी आज्ञा को पालन करण कुछ जादा कठिन नि च।

यहूदा 1:1

हे मेरा भै-बैंणो मि यहूदा छौं, अर मि यीशु मसीह को सेवक अर याकूब को भै छौं। मि या चिठ्‍ठी तुम लोगु खुणि लिखणु छौं जौं तैं पिता परमेस्वर न बुलै, किलैकि पिता परमेस्वर तुम लोगु से भौत प्यार करदु। अर वेन तुम सभ्यों तैं यीशु मसीह की हिफाजत मा रख्युं च।

दिब्य दरस 14:4

अर यू ऊ लोग छिन जु अणविवाक ही रैनी अर यों न खुद तैं जनानियों का दगड़ा मा अशुद्ध नि कैरी। किलैकि यीशु जु कि मेम्‍ना च अर जख-जख वु जान्दु यू वेका पिछनै-पिछनै चलदिन, इलै परमेस्वर की सेवा खुणि यों लोगु तैं धरती का सब लोगु मदि सबसे पैलि चुणी के खरीदे गै।