यूहन्ना 12:2 - Garhwali

² तब उख ऊंन यीशु खुणि खाणु बणै अर मारथा खातिरदारि मा लगि रै, अर लाजर भि ऊंका दगड़ा मा खाणुक खाणु कू बैठयूं छौ।

गढवली नयो नियम

² उख ऊंल वेको खांणु तैयार कैरी अर मार्था सेवा कनि छै, अर लाजर ऊंमा बट्टी एक छो जु यीशु दगड़ी खांणा खांणु कु बैठयूं छो।

यूहन्ना 12:2 ပူးပေါင်းရင်းမြစ်များ

मत्ती 26:6

बैतनिय्याह गौं मा शमौन नौ को एक मनखि छौ, जु कि पैलि कोड़ी छौ। अर एक दिन यीशु वेका घौर मा छौ।

मरकुस 14:3

अर ऊं ही दिनों मा यीशु बैतनिय्याह गौं मा शमौन नौ का एक मनखि का घौर खाणुक खाणु कू बैठयूं छौ, जु कि पैलि कोड़ी छौ। अर वे ही बगत एक जनानि संगमरमर की बोतल मा शुद्ध इतर लेके ऐ, जु कि बड़ु कीमती अर खुशबुदार छौ, अर जटामांसी पौद को बणयूं छौ। अर वींन बोतल का मुख तैं तोड़ि, अर यीशु का मुण्ड़ मा अखणै दिनी।

लूका 12:37

अर धन्य छिन ऊ नौकर जौं तैं ऊंको मालिक औन्द का बगत बिज्युं देखो, अर मि तुम बटि सच्‍च बोन्‍नु छौं, कि मालिक अपणी कमर कसी के ऊंकी सेवा करलु अर खाणुक खाणु कू बैठालु, अर ऊं खुणि खाणुक परोसलु।

लूका 14:12

तब यीशु न फरीसी मुखिया कू बोलि जैको यीशु तैं न्यूत्युं छौ, “जब तू दिन या राति को खाणुक करली, त अपणा दगड़्यों या भैयों तैं नि बुलै अर ना ही अपणा रिश्तेदारों अर सेठ पड़ोसीयों तैं बुलै। कखि इन नि हो कि ऊ भि बदला मा त्वेतै बुलै के खाणुक खिला अर इन कैरिके तब बात बराबर ह्‍वे जौ।

लूका 22:27

अब इन बता कि, बड़ु कु च, क्या उ जु खाणु कू बैठयूं च या उ जु बंटदु च? हाँ, खाणुक खाण वळु बड़ु च। पर मि त तुमरा बीच मा एक सेवक की तरौं छौं।

लूका 5:29

तब लेवी न अपणा घौर मा यीशु की बड़ी दावत कैरी। अर उख चुंगी लेण वळो कि, अर उन्‍नि दुसरा लोगु की भीड़ भि यीशु का दगड़ा मा खाणुक खाणु कू बैठि छै।

दिब्य दरस 3:20

देखा, मि द्‍वार पर खड़ु ह्‍वेके खखटाणु छौं, अगर कुई मेरी आवाज सुणी के द्‍वार तैं खोली द्‍यालु, त मि भितर औलु तब हम दगड़ा मा खाणुक खौला।