यूहन्ना 12:13 - Garhwali

¹³ तब ऊ लोग स्वागत करणु कू खजूर की फौंक्यों तैं हाथ मा लेके वेतैं मिलणु कू गैनी। अर ऊ जोर-जोर से बोन्‍न लगि गैनी, “होसन्‍ना, धन्य च उ जु प्रभु का नौ से औन्दु, उई इस्राएल को राजा च।”

गढवली नयो नियम

¹³ इलै ऊंल खजूर कि फौंकि हथ मा रखिनि अर ऊंका दगड़ा भेंट कनु कु चलि गैनी अर बुल्ण लगि गैनी “होशाना” धन्य च उ जु इस्राएल का लुखुं का घराना जु परमेश्वर की सामर्थ से औंदु

यूहन्ना 12:13 ပူးပေါင်းရင်းမြစ်များ

मत्ती 23:39

अर मि तुमतै बतै देन्दु कि अब बटि तुम मितैं तब तक नि देखि सकद्‍यां, जब तक तुम नि बोलिल्या कि, ‘धन्य च उ जु प्रभु का नौ से औन्दु।’”

मत्ती 27:42

“अरे येन दुसरो तैं बचै पर अब खुद तैं नि बचै सकणु रे, अर यू च ‘इस्राएल को राजा,’ अर अगर यू क्रूस बटि उतरि जौ त हम भि ये पर बिस्वास करुला।

यूहन्ना 1:49

अर नतनएल न वेकू बोलि, “गुरुजी, तुम परमेस्वर का नौना छाँ अर तुम ही इस्राएल का राजा छाँ”

यूहन्ना 12:14

तब यीशु तैं गधा को एक बच्‍चा मिली, अर उ वे पर बैठि गै। अर यू इलै ह्‍वे कि पवित्रशास्‍त्र की बात पूरि हो, जन कि लिख्यूं च,

यूहन्ना 12:15

“हे सिय्योन की नौनि, नि डौऽर। देख तेरु राजा गधा का बच्‍चा पर बैठि के औणु च।”

यूहन्ना 19:15

पर ऊ चिलाण लगि गैनी, “वेतैं लि जा, वेतैं लि जा, वेतैं क्रूस पर चड़ै द्‍या।” पिलातुस न ऊंकू बोलि, “त क्या मि तुमरा राजा तैं क्रूस पर चड़ै द्‍यूं?” तब मुख्य पुरोहितों न जबाब देई, “महाराजा का अलावा हमरु कुई दुसरो राजा नि च।”

दिब्य दरस 15:3

अर वु परमेस्वर का सेवक मूसा को गीत अर मेम्‍ना जु की यीशु च वेको यू गीत गाणा छा, “सर्वसक्‍तिमान प्रभु पिता, हे हमरा प्यार प्रभु यीशु, छाँ महान पवित्र तुम ही, एकमात्र बाटु तुमरो सच्‍चु, भरोसा का लैख केवल तुम ही, काम अदभुत महान सब ही। सदनि को राजा केवल तुम ही, आदर-सम्मान लोग करला सब ही आला तुमरा समणि, देस-देस का सभि झुकला तुमरा समणि, करला भक्‍ति अर बडै भि जाहीर ह्‍वे गै ऊं सभ्यों पर, करदा छाँ तुम सब कुछ सच्‍चै पर।”

दिब्य दरस 19:16

अर वेका कपड़ों पर अर जंगुड़ा पर जु नौ लिख्यूं च, उ इन च, “राजाओं को राजा, प्रभुओं को प्रभु।”

दिब्य दरस 7:9

अर येका बाद मिन भौत सा लोगु तैं देखि, जौं तैं गिणै नि जै सकदु। अर वु अलग-अलग देसों, गोत्रों अर जातियों का छा जु कि अलग-अलग भाषा बुल्दिन। अर ऊंका सफेद कपड़ा पैरयां छा अर अपणा हाथों मा खजूर का फौंकों तैं लेके राजगद्‍दी अर मेम्‍ना का समणि खड़ा होयां छा,