यूहन्ना 12:1 - Garhwali

¹ अर यीशु फसह का त्योवार से छह दिन पैलि बैतनिय्याह गौं मा ऐ। अर जै लाजर तैं यीशु न ज्यून्दु कैरी छौ उ इखि रौन्दु छौ।

गढवली नयो नियम

¹ फिर यीशु फसह का त्यौहार बट्टी छै दिन पैली बैतनिय्याह मा ऐ जख वेल लाजर तैं मुर्दों मा बट्टी ज्यूँदो कैरी छो।

यूहन्ना 12:1 ပူးပေါင်းရင်းမြစ်များ

मत्ती 21:17

तब यीशु ऊंतैं छोड़ि के यरूशलेम नगर का भैर बैतनिय्याह गौं कू चलि गै, अर वीं राति उ उखि रै।

मरकुस 11:11

अर जब यीशु यरूशलेम नगर मा ऐ, त उ मन्दिर मा गै। अर वेन मन्दिर मा चौतरफि सब चीजों तैं देखि, अर वेका बाद वु अपणा बारह चेला का दगड़ा मा बैतनिय्याह गौं कू चलि गै किलैकि रुमुक ह्‍वे गै छै।

लूका 24:50

तब यीशु अपणा चेलों अर ऊंका दगड़ा मा जमा होयां लोगु तैं अफ दगड़ा बैतनिय्याह गौं से भैर लेके ऐ, अर अपणा हाथों तैं उठे के वेन ऊंतैं आसीस दिनी।

लूका 7:37

अर उखि नगर मा एक पापि जनानि छै। अर जब वींतैं इन पता चलि, कि यीशु फरीसी का घौर मा खाणुक खाणु कू बैठयूं च, तब वा संगमरमर की बोतल मा खुशबुदार इतर लेके ऐ।

यूहन्ना 11:1

यहूदिया मुलक का बैतनिय्याह गौं मा लाजर नौ को एक मनखि छौ अर उ बिमार पोड़्यूं छौ। वेकी दुई बैंण मरियम अर मारथा छै। (या वा ही मरियम च, ज्वा बाद मा प्रभु यीशु का खुटों मा खुशबुदार तेल डालि के अपणा बाळो से फुंजन्दी च)।

यूहन्ना 11:43

अर इन बोन्‍ना का बाद यीशु न धै लगै के बोलि, “हे लाजर, भैर अऽ।”

यूहन्ना 11:44

अर लाजर जु की मोरि गै छौ, उ भैर ऐ गै। अर वेका हाथ-खुटा कफनळ लपेट्यां छा, अर वेका मुख पर एक रूमाल लपेटयुं छौ। तब यीशु न ऊंकू बोलि, “येतैं खोली द्‍या अर जाण द्‍या।”

यूहन्ना 11:55

अर यहूदियों को फसह को त्योवार औण वळु छौ। अर फसह का त्योवार से पैलि भौत सरा लोग अफ तैं शुद्ध करणु कू ग्‍वोंऽ बटि निकळि के यरूशलेम नगर कू गैनी।

यूहन्ना 12:12

अर दुसरा दिन फसह का त्योवार मा अयां भौत सरा लोगु न सुणी, कि यीशु यरूशलेम नगर मा औणु च।

यूहन्ना 12:20

अर जु लोग उख त्योवार मा भक्‍ति करणु कू यरूशलेम नगर मा अयां छा, ऊंमा बटि कुछ लोग यहूदी जाति का नि छा।

यूहन्ना 12:9

जब भौत सरा यहूदी लोगु तैं पता चलि की यीशु उख च, त ऊ यीशु तैं दिखणु कू ऐनी। अर केवल वेतैं ही ना, बल्किन मा वे लाजर तैं भि दिखणु खुणि ऐनी, जैतैं वेन मुरदो मा बटि ज्यून्दु कैरी छौ।