यूहन्ना 11:43 - Garhwali

⁴³ अर इन बोन्‍ना का बाद यीशु न धै लगै के बोलि, “हे लाजर, भैर अऽ।”

गढवली नयो नियम

⁴³ इन बोलि, के ऊंल जोर से धै लगै के बोलि, “हे लाजर भैर निकली के औ।”

यूहन्ना 11:43 ပူးပေါင်းရင်းမြစ်များ

मरकुस 4:41

तब यू देखि के चेला भौत डौऽरी गैनी अर आपस मा बोन्‍न लगि गैनी, “अरे, आखिर मा यू छैई कु च? जु कि आंधी अर पाणि तैं आज्ञा देन्दु, अर ऊ वेकी मणदिन।”

यूहन्ना 11:42

अर मि जणदु छौं, कि तुम सदनि मेरी सुणद्‍यां। फिर भि जु लोग इख चौतरफि खड़ा छिन, ऊंका बानो मिन इन बोलि। ताकि यू बिस्वास कैरा, कि तुमुन ही मितैं भेजि च।”

यूहन्ना 11:44

अर लाजर जु की मोरि गै छौ, उ भैर ऐ गै। अर वेका हाथ-खुटा कफनळ लपेट्यां छा, अर वेका मुख पर एक रूमाल लपेटयुं छौ। तब यीशु न ऊंकू बोलि, “येतैं खोली द्‍या अर जाण द्‍या।”

यूहन्ना 12:1

अर यीशु फसह का त्योवार से छह दिन पैलि बैतनिय्याह गौं मा ऐ। अर जै लाजर तैं यीशु न ज्यून्दु कैरी छौ उ इखि रौन्दु छौ।

यूहन्ना 12:9

जब भौत सरा यहूदी लोगु तैं पता चलि की यीशु उख च, त ऊ यीशु तैं दिखणु कू ऐनी। अर केवल वेतैं ही ना, बल्किन मा वे लाजर तैं भि दिखणु खुणि ऐनी, जैतैं वेन मुरदो मा बटि ज्यून्दु कैरी छौ।

खास चेलों 3:12

अर यू देखि के पतरस न ऊं लोगु कू बोलि, “हे इस्राएल का लोगु, तुम ये काम तैं देखि के किलै ताजुब कना छाँ? अर टक लगै के हमतै इन किलै दिखणा छाँ? तुम त इन दिखणा छाँ जन कि हम लोगु न ये मनखि तैं खुद की ताकत अर भक्‍ति की वजै से खूब कैरी हो।

खास चेलों 3:6

अर पतरस न बोलि, “सोना अर चांदी त मि मा नि च, मगर जु मेरा पास च वु मि त्वेतै देन्दु, नासरत गौं का यीशु मसीह का नौ से उठ अर चलण-फिरण लगि जा।”

खास चेलों 9:34

तब पतरस न वेकू बोलि, “हे ऐनियास उठ, अर अपणु बिस्तर उठौ, किलैकि यीशु मसीह त्वेतै खूब कनु च।” अर वु तुरन्त उठी के खड़ु ह्‍वे गै।

खास चेलों 9:40

तब पतरस न सब लोगु तैं उख बटि भैर भेजि, अर घुंडा टेकी के प्रार्थना कैरी। अर लांश जनै देखि के बोलि, “तबीता उठ जा,” तब वींन अपणा आंखा खुलीनि अर पतरस तैं देखि के वा उठी अर बैठि गै।