यूहन्ना 11:33 - Garhwali

³³ अर यीशु न देखि की मरियम रुंणी च, अर जु यहूदी लोग वींका दगड़ा मा अयां छा, ऊ भि रुंणा छिन। तब उ आत्मा मा भौत उदास ह्‍वे गै अर हकबकै गै।

गढवली नयो नियम

³³ जब यीशु ल वीं को अर ऊं यहूदियों कु जु वेका दगड़ी ऐ छा रूंण देखि, वेल गैरि आह भौरि उ भौत दुखी हवे

यूहन्ना 11:33 ပူးပေါင်းရင်းမြစ်များ

मरकुस 3:5

अर ऊंका निठुर पराण तैं देखि के यीशु तैं बड़ु दुख ह्‍वे, अर गुस्सा मा चौतरफि देखि के वेन सुख्यां हाथ वळा मनखि कू बोलि, “अपणु हाथ अगनै बढ़ो।” अर जब वेन अपणु हाथ अगनै बढै, तब वेकू हाथ खूब ह्‍वे गै।

मरकुस 9:19

अर ईं बात तैं सुणी के यीशु न ऊंकू बोलि, “हे बिस्वास नि करण वळा पीढ़ी का लोगु, आखिर मि कब तक तुमरा दगड़ा मा रौलु? अर कब तक तुमरि सौलु? तुम वे नौना तैं इनै लेके आ।”

यूहन्ना 11:19

तब मारथा अर मरियम का घौर ऊंका भै की मौत पर पस्तौ करणु कू भौत सरा यहूदी लोग अयां छा।

यूहन्ना 11:31

तब जु यहूदी लोग मरियम का घौर मा वींतैं दिलासा देणा छा, ऊंन देखि, कि मरियम झटपट उठी के भैर चलि गै। तब ऊंन समझि, कि वा रुंणु खुणि कबर पर जाणि च। इलै ऊ भि वींका पिछनै गैनी।

यूहन्ना 11:34

अर वेन पूछी, “तुमुन वेतैं कख रखी?” ऊंन वेकू बोलि, “प्रभु, तुम ऐके देखिल्या।”

यूहन्ना 11:35

अर यीशु रुंण लगि गै।

यूहन्ना 11:38

तब यीशु फिर से मन मा भौत उदास ह्‍वे अर कबर पर गै। अर वा कबर एक उड़्यार छै, अर वेका मुखा समणि एक डांग लग्यूं छौ।

यूहन्ना 12:27

“मेरु ज्यू घबराणु च। अब मिन क्या बोन्‍न? ‘हे पिता दुख का ये बगत से मितैं बचै द्‍या,’ इन बुलण क्या? ना, इन नि बोन्‍न। किलैकि येका बानो ही मि अयूं छौं।

यूहन्ना 13:21

अर इन बोन्‍ना का बाद यीशु हकबकौण लगि गै। अर वेन बोलि, “मि तुम बटि सच्‍चि ही बोन्‍नु छौं, कि तुम मा बटि एक न मितैं पकड़ौण च।”

रोमियों 12:15

अर खुशी मनौण वळो का दगड़ा मा तुम भि खुशी मणा, अर जु दुख मा रुंणा छिन तुम भि ऊंका दगड़ा मा रुवा।

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।