यूहन्ना 11:28 - Garhwali

²⁸ तब इन बोलि के मारथा उख बटि चलि गै अर अपणी बैंण मरियम तैं चुपचाप बुलै के वींकू बोलि, “गुरुजी, इख अयां छिन, अर त्वेतै बुलाणा छिन।”

गढवली नयो नियम

²⁸ इन बोलि के मार्था चलि गै अर मार्था की बैंण मरियम तैं चुपचाप बुलै के बोलि, “गुरु इखि छिनी त्वे तैं बुलांणा छिन।”

यूहन्ना 11:28 ပူးပေါင်းရင်းမြစ်များ

मत्ती 26:18

वेन ऊंकू बोलि, “नगर मा फलणा मनखि का पास जा, अर वेकू बोला, गुरुजी बोन्‍ना छिन, कि ‘मेरु बगत नजदीक ऐ गै। अर मि अपणा चेलों का दगड़ा तेरा घौर मा फसह को त्योवार मणौलु।’”

मरकुस 10:49

तब यीशु रुकी गै अर वेन बोलि, “वेतैं इख बुला।” अर लोगु न वेतैं जैके बुलै अर वे अन्धा मनखि कू बोलि, “हिम्मत रख, अर खड़ु हो किलैकि यीशु त्वेतै बुलाणु च।”

मरकुस 14:14

अर जै घौर मा उ जालु, तुम वे घौर का मालिक कू इन बुलयां कि, ‘गुरुजी को बुलयूं च कि मैमानों को उ कमरा कख च, जख मिन अपणा चेलों का दगड़ा मा फसह को खाणुक खाण?’

लूका 22:11

अर वे घौर का मालिक कू इन बुलयां कि, ‘गुरुजी को बुलयूं च कि मैमानों को वु कमरा कख च, जख मि अर मेरा चेला मेरा दगड़ा मा खाणु खाला?’

यूहन्ना 1:41

वेन पैलि अपणा सगा भै शमौन बटि मिली के वेकू बोलि, “हमतै ख्रीष्‍ट, याने कि ‘मसीह’ मिली गै।”

यूहन्ना 1:45

तब फिलिप्पुस नतनएल बटि मिली अर वेन वेकू बोलि, “जैका बारा मा मूसा न अपणा नियम-कानून मा अर परमेस्वर का रैबर्यों न अपणी किताबों मा लिख्यूं च, उ हमतै मिली गै। अर उ यूसुफ को नौनु नासरत गौं को यीशु च।”

यूहन्ना 10:3

अर पैरेदार वे खुणि द्‍वार तैं खोली देन्दु च, अर भेड़ वे चरवाह आवाज तैं पछ्याणदिन। अर उ अपणी भेड़ों को नौ ले लेके बुलान्दु अर ऊंतैं भैर लि जान्दु।

यूहन्ना 11:20

जब मारथा न सुणी, कि यीशु औणु च तब वा वेतैं मिलणु कू गै। पर मरियम त घौर मा ही बैठि रै।

यूहन्ना 11:29

अर जन्‍नि मरियम न इन सुणी, उन्‍नि वा झटपट उठी अर यीशु तैं मिलणु कू चलि गै।

यूहन्ना 11:30

अर तबरि तक यीशु गौं मा नि पौंछी छौ, पर वीं जगा मा ही छौ, जख मारथा वेसे मिली छै।

यूहन्ना 13:13

अर तुम मिकू गुरु अर प्रभु बुल्द्‍यां, अर तुम ठिक ही बुल्द्‍यां, किलैकि मि उई छौं।

यूहन्ना 20:16

तब यीशु न वींकू बोलि, “मरियम।” वींन पिछनै मुड़ि के इब्रानी भाषा मा बोलि, “रब्बूनी” (जैको मतलब च, गुरुजी)।

यूहन्ना 21:7

अर जै चेला बटि यीशु जादा प्यार करदु छौ, वेन पतरस कू बोलि, “अरे, यू त प्रभु छिन,” अर जन्‍नि शमौन पतरस न या बात सुणी कि, “यू त प्रभु छिन,” उन्‍नि वेन यीशु तैं मिलणु कू अपणा कपड़ा पैरिनी (किलैकि वेका पूरा कपड़ा नि पैरयां छा), अर झील मा फाल मारी दिनी।

1 थिस्सलुनीकी 5:11

इलै जन की तुम करदी औणा छाँ एक-दुसरा तैं दिलासा दिणा रा, अर एक-दुसरा की हिम्मत बढा।

इब्रानी 12:12

सुणा, खेल मा खिलाड़ी घैल भि होन्दु मगर तभि भि उ हार नि मणदु, बल्किन मा वे खेल मा अगनै बढणु रौन्दु, ठिक उन्‍नि तुम भि हार नि माणा बल्किन मा अगनै बढणा रा।