यूहन्ना 11:25 - Garhwali

²⁵ तब यीशु न वींकू बोलि, “मुरदो मा बटि ज्यून्दु कन वळु, अर मनखियों तैं जीवन देण वळु मि ही छौं। अर जु कुई मि पर बिस्वास करदु, अगर उ मोरि भि जालु, फिर भि ज्यून्दु होलु।

गढवली नयो नियम

²⁵ यीशु ल वीं मा बोलि, मि ऊई छों जु मुरयां लुखुं तैं जीवन मा वापिस लांदु छों अर जु कुई मि पर विश्वास करदु जु उ मोरि भि जालो तब भि ज्यून्दो रालो।

यूहन्ना 11:25 ပူးပေါင်းရင်းမြစ်များ

लूका 23:43

अर यीशु न वेकू बोलि, “मि त्वे बटि सच्‍च बोन्‍नु छौं, कि आज ही तू मेरा दगड़ा स्वर्ग मा होलि।”

यूहन्ना 1:4

यू वचन जीवन देण वळु छौ अर यू जीवन ही मनखियों खुणि उज्याळु लेके ऐ।

यूहन्ना 14:19

अब कुछ देर बाद दुनियां का लोग मितैं नि दिखला पर तुम मितैं दिखल्या, किलैकि मि ज्यून्दु छौं अर तुम भि ज्यून्दा रैल्या।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

यूहन्ना 5:21

जन कि पिता मुरदो तैं उठौन्दु अर ऊंतैं जीवन देन्दु च, ठिक उन्‍नि पुत्र भि जैतैं चान्दु ऊंतैं जीवन देन्दु।

यूहन्ना 5:26

किलैकि जन पिता खुद जीवन देण वळु च, ठिक उन्‍नि वेन पुत्र तैं भि यू अधिकार दियूं च, कि उ भि जीवन दे सैको।

यूहन्ना 6:35

तब यीशु न ऊंकू बोलि, “जीवन देण वळी रुट्‍टी मि छौं। जु मि मा आलु, उ कभि भूकों नि रालु, अर जु मि पर बिस्वास करलु, उ फिर कभि नि तिसालु।

यूहन्ना 6:44

मेरा पिता न मितैं भेज्यूं च अर उई लोगु तैं मि मा लेके औन्दु। जबरि तक उ लेके नि अऽ, तबरि तक कुई मि मा नि ऐ सकदु। अर जौं लोगु तैं उ मि मा लेके औन्दु, ऊंतैं मि आखिरी का दिन मा फिर से ज्यून्दु कैरी द्‍यूलु।

खास चेलों 3:15

अर तुमुन जीवन का दाता तैं मारी दिनी, मगर परमेस्वर न वेतैं मुरदो मा बटि ज्यून्दु कैरी, अर ईं बात का गवा हम छां,

रोमियों 4:17

अर जन कि पवित्रशास्‍त्र मा भि लिख्यूं च कि, “मिन त्वेतै भौत सा जाति का लोगु खुणि ऊंको बुबा ठैर्युं च।” अर यू करार पिता परमेस्वर न पितर अब्राहम का दगड़ा मा इलै कैरी किलैकि वेन वे पर बिस्वास कैरी। हाँ, वे परमेस्वर पर जु की मुरदो तैं ज्यून्द करदु, अर अपणा बोन्‍न का मुताबिक सब कुछ बणौन्दु।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

1 कुरिन्थि 15:29

अर पिता परमेस्वर मुरयां लोगु तैं जरुर मुरदो मा बटि ज्यून्द करलु। अर अगर तुम लोग ईं बात पर बिस्वास नि करद्‍यां, त तुम लोगु मा बटि जु मुरयां लोगु खुणि बपतिस्मा लिणा छिन वु कैं आस की वजै से इन करणा छिन?

2 कुरिन्थि 4:14

अर हमतै यू भि यकीन च कि जै पिता परमेस्वर न प्रभु यीशु तैं ज्यून्दु कैरी, उ हमतै भि वेका दगड़ा मा ज्यून्दु करलु, अर उ हम सभ्यों तैं यीशु का दगड़ा मा रौण खुणि अपणा समणि खड़ु भि करलु।

फिलिप्पी 1:23

अर मि यों दुई बातों तैं लेके बड़ा घंघतोळ मा पोड़्यूं छौं, मोन त मेरु इन बोन्‍नु च कि ईं दुनियां बटि विदै लेके मि यीशु मसीह का पास चलि जौ, किलैकि या ही बात मि खुणि सबसे जादा खूब च।

फिलिप्पी 3:10

अर मि बस इथगा ही चान्दु छौं, कि मि यीशु मसीह तैं अर वेका मुरदो मा बटि ज्यून्द होण की ताकत तैं जाणि सैकु। अर जु दुख अर मौत वेन सै वेमा मि भि भागी ह्‍वे सैकु,

1 थिस्सलुनीकी 4:14

किलैकि हम यू बिस्वास करद्‍यां, कि यीशु मोरि अर फिर ज्यून्दु भि ह्‍वे गै। इलै हम इन भि बिस्वास करद्‍यां, कि जब यीशु मसीह वापस आलु तब जु लोग वे पर बिस्वास कैरिके मोरि गैनी, ऊं बिस्वासियों तैं भि परमेस्वर मौत बटि ज्यून्दु करलु, अर वु भि यीशु का दगड़ा मा आला।

दिब्य दरस 1:18

अर मि ज्यून्द छौं। मि मोरि गै छौ मगर देख, अब मि हमेसा-हमेसा खुणि ज्यून्दु छौं, अर मि मा मौत अर अधलोक की चाबी छिन।

दिब्य दरस 20:5

अर मुरदो मा बटि ज्यून्द होण को यू ही पैलु बगत च, अर यू लोग धन्य अर पवित्र छिन किलैकि यों पर दुसरि मौत को कुई अधिकार नि च। अर यू लोग पिता परमेस्वर अर यीशु मसीह का पुरोहित होला, अर एक हजार साल तक वेका दगड़ा मा राज करला। अर जब तक की एक हजार साल पूरा नि ह्‍वे गैनी, तब तक दुसरा मुरयां लोग ज्यून्दा नि ह्‍वेनि।

दिब्य दरस 21:4

अर परमेस्वर ऊंका आंख्यों का सब आंसुओं तैं फुंजी द्‍यालु, फिर नऽ त मौत रैलि, ना शोक, नऽ रुंण-धुण अर ना ही कुई पीड़ा, किलैकि जु बात पैलि छै अब वु सब खतम ह्‍वे जालि।”

दिब्य दरस 22:1

अर वेका बाद वे स्वर्गदूत न मितैं जीवन देण वळी गाड दिखै, ज्वा की साफ काँच की तरौं छै, अर या गाड परमेस्वर अर यीशु की राजगद्‍दी बटि निकळि के बुगणी छै।

दिब्य दरस 22:17

पवित्र आत्मा अर ब्यौलि इन बिन्ती करदी, “अऽ” अर सुनण वळा भि बोला, “अऽ” जु तिसळु च, उ “अऽ” अर जु मेरा पास औण चान्दु वु भि “अऽ” अर मुफत मा जीवन को पाणि लेके जौ।