यूहन्ना 10:6 - Garhwali

⁶ यीशु न यू उदारण ऊं लोगु तैं सुणै पर जु कुछ वेन ऊं लोगु कू बोलि, वु ऊंका समझ मा नि ऐ, कि यीशु ऊंकू बोन्‍नु क्या च।

गढवली नयो नियम

⁶ यीशु ल ऊंमा यु मिसाल बोलि, पर उ नि समझिनि कि यांको क्य मतलब च।

यूहन्ना 10:6 ပူးပေါင်းရင်းမြစ်များ

मत्ती 13:34

अर यू सब बात यीशु न उदारण दे देके लोगु तैं बतैनि, अर बगैर उदारण दियां वु लोगु बटि कुछ भि बात नि करदु छौ।

मत्ती 13:51

यीशु न अपणा चेलों बटि पूछी, “क्या तुम यों बातों तैं समझि ग्यां?” त ऊंन बोलि, “हाँ गुरुजी।”

मरकुस 4:34

अर यीशु बगैर उदारण दियां लोगु बटि कुछ भि नि बुल्दु छौ, मगर जब यीशु अपणा चेलों का दगड़ा मा होन्दु छौ, त हरेक बात को मतलब ऊंतैं समझै देन्दु छौ।

यूहन्ना 16:25

“अर अभि तक मिन यू बात तुमतै उदारण देके बतैनि, पर इन्द्रयो बगत औण वळु च, कि तब मि तुम बटि उदारणों मा नि बोललु, पर पिता का बारा मा तुमतै साफ-साफ बतै द्‍यूलु।

यूहन्ना 16:29

तब यीशु का चेलों न वेकू बोलि, “गुरुजी, सच्‍चि ही मा अब तुम उदारण मा ना, बल्किन साफ-साफ बोन्‍ना छाँ।

यूहन्ना 6:52

तब ईं बात पर यहूदी आपस मा घपरोळ करण लगि गैनी कि, “यू मनखि कनकै हमतै अपणु बदन खाणु कू दे सकदु च?”

यूहन्ना 6:60

अर यीशु की बातों तैं सुणी के वेका पिछनै चलण वळा भौत सरा लोगु न बोलि, “यों बातों पर चलण त बड़ु कठिन च, यों तैं कु स्वीकार कैरी सकदु?”

यूहन्ना 7:36

अर या क्या बात च कि ज्वा वेन बोलि, कि ‘तुम मितैं खुजैल्या, पर मि तुमतै नि मिललु’ अर ‘जख मि रौलु उख तुम नि ऐ सकद्‍यां?’”

यूहन्ना 8:27

पर ऊ नि समझिनी, कि यीशु ऊंतैं पिता परमेस्वर का बारा मा बतौणु च।

यूहन्ना 8:43

जु मि बोन्‍नु छौं, तुम यों बातों तैं किलै नि समझणा? इन इलै च, किलैकि तुम मेरा वचनों तैं सुणी नि सकद्‍यां।

1 कुरिन्थि 2:14

अर जु लोग सरील की मनसा का मुताबिक चलदिन, ऊ परमेस्वर की पवित्र आत्मा की बातों तैं स्वीकार नि करदिन, इन्द्रया लोगु खुणि यू बात बेमतलब की छिन। मगर यों सब बातों तैं पवित्र आत्मा का द्‍वारा ही बिंगै जै सकदु।

2 पतरस 2:22

इलै ऊं पर या औखाण ठिक बैठणी च कि, “कुकर अपणी ही उल्टी तैं चटणु खुणि फिर वापस जान्दु,” अर “सुंगर तैं कथगा भि नह्‍वा-धुवा, फिर भि उ कीचड़ मा लतपत ह्‍वे जान्दु।”

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।