यूहन्ना 10:4 - Garhwali

⁴ जब उ अपणी सभि भेड़ों तैं भैर ले औन्दु, तब चरवाह ऊंका अगनै-अगनै चलदु च, अर भेड़ वेका पिछनै-पिछनै। किलैकि भेड़ वेकी आवाज तैं पछ्याणदिन।

गढवली नयो नियम

⁴ अर जब उ अपड़ी सभि ढिबरों तैं भैर निकाली दींद त ऊंका अगनैं-अगनैं चलद अर ढिबरा वेका पिछनै-पिछनै हवे जंदींनि किलैकि उ वेको शब्द पैछणदींनि।

यूहन्ना 10:4 ပူးပေါင်းရင်းမြစ်များ

मत्ती 16:24

तब यीशु न अपणा चेलों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

यूहन्ना 10:16

“मेरी और भि भेड़ छिन, जु कि ये गुठ्‍यार की नि छिन। अर यू जरुरी च, कि मि ऊंतैं भि अपणा गुठ्‍यार मा लेके औंऽऽ। तब ऊ भि मेरी आवाज तैं सुणला, अर तब एक ही झुण्ड अर एक ही चरवाह होलु।

यूहन्ना 10:27

मेरी भेड़ मेरी आवाज तैं पछ्याणदिन, मि ऊंतैं जणदु छौं। अर ऊ मेरा पिछनै-पिछनै चलदिन।

यूहन्ना 10:3

अर पैरेदार वे खुणि द्‍वार तैं खोली देन्दु च, अर भेड़ वे चरवाह आवाज तैं पछ्याणदिन। अर उ अपणी भेड़ों को नौ ले लेके बुलान्दु अर ऊंतैं भैर लि जान्दु।

यूहन्ना 10:5

पर ऊ दुसरो का पिछनै नि जालि, बल्किन वेकी आवाज तैं सुणी के दूर भगेली। किलैकि ऊ वेकी आवाज तैं नि पछ्याणदिन।”

यूहन्ना 10:8

अर जथगा भि मिसे पैलि ऐनी, ऊ सभ्या का सभि चोर अर डाकु छिन, पर भेड़ों न ऊंकी आवाज नि सुणी।

यूहन्ना 12:26

अगर कुई मेरी सेवा करदु, त उ मेरा पिछनै चलो। अर जख मि रौलु उख मेरु सेवक भि होलु। अर जु कुई मेरी सेवा करदु, वेतैं मेरु पिता आदर-सम्मान द्‍यालु।

यूहन्ना 13:15

किलैकि मिन तुमरा समणि एक उदारण कैरिके देखैलि, कि जन मिन तुमरा दगड़ा मा कैरी, उन्‍नि तुम भि कैरा।

यूहन्ना 18:37

तब पिलातुस न यीशु तैं पूछी, “त क्या फिर तू राजा छैई?” वेन जबाब देई, “तुम ठिक ही बोन्‍ना छाँ, कि मि राजा छौं, अर मि त इलै ही जनमियूं अर ईं दुनियां मा मि इलै अयूं, कि सच्‍चै का बारा मा लोगु तैं बतौ। अर हरेक जु सच्‍चै का छिन, ऊ मेरी आवाज तैं सुणदिन।”

यूहन्ना 3:29

अर ब्यौला उ च जैतैं ब्यौलि मिलदी च, पर ब्यौला को खास दगड़्या जु कि वेका समणि खड़ु ह्‍वेके वेकी सुणदु। अर उ ब्यौला की आवाज सुणी के बिजांम खुश होन्दु, ठिक उन्‍नि मेरी खुशी को भि कुई ठिकाणु नि च।

1 कुरिन्थि 11:1

हे मेरा भै-बैंणो, मेरु चाल-चलन यीशु मसीह का जन च, इलै तुमरो चाल-चलन भि मि जन हो।

इफिसुस 5:1

इलै हे मेरा प्यारा भै-बैंणो, पिता परमेस्वर की औलाद होण का नाता, तुम वेका मुताबिक चला,

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

इब्रानी 6:20

अर हमरु यीशु मसीह उख पैलि ही पौंछी गै, अर पिता परमेस्वर न वेतैं मलिकिसिदक की तरौं सदनि खुणि महा पुरोहित ठैरैयालि।

1 पतरस 2:21

अर जन यीशु मसीह न हमरा खातिर दुख झेली, अर हम खुणि एक उदारण बणि गै, ठिक उन्‍नि हमतै भि भला काम करणु खुणि बुलये गै, अर पिता परमेस्वर का मुताबिक हमतै यीशु मसीह का बाटा पर चलण चयेणु, अब चै वेमा कथगा ही दुख किलै नि हो।

1 पतरस 4:1

अर हम जणदा छाँ, कि यीशु मसीह न अपणा सरील मा दुख तैं झेली, इलै हमतै भि वेका जन ही विचार रखण चयेणा, अर हरेक दुख तैं झिलणु खुणि तयार रौण चयेणु, किलैकि जैन शरीर मा दुख झेली उ पाप करण छोड़ि देन्दु।

1 पतरस 5:3

अर जु लोग तुमरा सुपुर्द कियां छिन तुम ऊं पर अधिकार नि जमा, बल्किन मा तुम खुद दल का लोगु खुणि एक उदारण बणा।