यूहन्ना 10:32 - Garhwali

³² पर यीशु न ऊंकू बोलि, “मिन त अपणा पिता की तरफा बटि भौत सरा भला काम कैरिके दिखैनि। अर ऊं मदि कौं कामों का बानो तुम मि पर ढुंगे मरण चन्द्‍यां?”

गढवली नयो नियम

³² ईं बात पर यीशु ल बोलि, मिल तुम तैं पिता परमेश्वर कि तरपां बट्टी भौत सी भला काम दिखेनि ऊंमा बट्टी कै कामों कु तुम मि पर ढुंग्यो करदां?

यूहन्ना 10:32 ပူးပေါင်းရင်းမြစ်များ

मत्ती 11:5

‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

यूहन्ना 10:25

यीशु न ऊंकू बोलि, “मिन तुम मा बोलियालि छौ, पर तुम बिस्वास नि करद्‍यां। अर जौं कामों तैं मि अपणा पिता का दियां अधिकार से करदु छौं, उई मेरा गवा छिन।

यूहन्ना 10:31

तब यहूदियों न फिर से वे पर मरणु कू ढुंगा उठैनि।

यूहन्ना 10:33

तब यहूदियों न वेतैं जबाब देई, “कै भला काम का बाना ना पर तू परमेस्वर की बुरै करदी, अर तू मनखि ह्‍वेके अफ तैं परमेस्वर बतौन्दी, इलै हम त्वे पर ढुंगे मरण चन्द्‍यां।”

यूहन्ना 10:37

अगर जु मि अपणा पिता का कामों तैं नि करदु, त तुम मेरु बिस्वास नि कैरा।

यूहन्ना 5:36

पर ज्वा मेरी गवै च, या यूहन्‍ना की गवै से भि बड़ी च, किलैकि जु-जु काम मि मा पिता का द्‍वारा सौंप्यां छिन, याने कि जु-जु काम मि करदु वु मेरा गवा छिन, अर वु इन साबित करदिन कि पिता न मितैं भेज्यूं च।

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

खास चेलों 2:22

“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्‍वारा तुमरा बीच मा बड़ा-बड़ा चमत्कार का चिन्‍न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ।

1 यूहन्ना 3:12

हमतै कैन का जन नि बणण चयेणु, जैन अपणा सगा भै तैं जान से मार दिनी। अरे, वु त शैतान की औलाद छौ, अर वेन अपणा सगा भै तैं जान से इलै मारी, किलैकि वेका भै न पिता परमेस्वर की नजर मा भलै का काम कैरी छा मगर कैन न बुरै का काम कैरी छा।