यूहन्ना 1:51 - Garhwali

⁵¹ अर यीशु न वेकू यू भि बोलि, “मि तुम लोगु बटि सच्‍चि ही बोन्‍नु छौं, कि तुम स्वर्ग तैं खुल्यूं अर परमेस्वर का स्वर्गदूतों तैं उब जान्द अर जख मनखि को पुत्र, याने मि छौं, उख उतरद दिखल्या।”

गढवली नयो नियम

⁵¹ फिर वे बट्टी बोलि, मि तुम मा सच-सच बुल्णु छौं कि तुम स्वर्ग तैं खुल्यूं अर परमेश्वर का स्वर्गदूतों तैं मथि जांदा अर मि मनिख कु नौंनो का मथि उतरद दिखली।”

यूहन्ना 1:51 ပူးပေါင်းရင်းမြစ်များ

मत्ती 25:31

अर यीशु न ऊंकू बोलि, “जब मनखि को पुत्र अपणी पूरि सामर्थ का दगड़ा मा आलु अर सब स्वर्गदूत वेका दगड़ा होला। तब उ बड़ा आदर-सम्मान की राजगद्‍दी पर बैठलु,

मत्ती 26:24

अर जन कि पवित्रशास्‍त्र मा मनखि का पुत्र का बारा मा लिख्यूं च, वेका मुताबिक वेकी मौत को होण जरुरी च। मगर हाय च वे मनखि पर जैका द्‍वारा मनखि को पुत्र पकड़वै जान्दु, वे मनखि खुणि त भलु यू ही छौ कि वेको जनम ही नि होन्दु।”

मत्ती 3:16

अर यीशु न बपतिस्मा ले अर जन्‍नि उ पाणि बटि भैर निकळि ठिक उन्‍नि स्वर्ग खुलि गै, अर वेन परमेस्वर का आत्मा तैं कबूतर का रुप मा उतरद देखि अर अपणा मथि औन्द देखि।

मत्ती 4:11

अर तब शैतान यीशु तैं छोड़ि के चलि गै, अर स्वर्गदूत ऐके यीशु की सेवा करण लगि गैनी।

मत्ती 8:20

यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च जख उ रुकी के आराम कैरो।”

मत्ती 9:6

मगर मि यू इलै बोन्‍नु छौं, ताकि तुम लोग या बात जाणि जा कि मनखि का पुत्र का पास धरती पर पाप माफ करणु को अधिकार च।” तब यीशु न लकवा पोड़यां रोगी कू बोलि, “उठ, अर अपणा बिस्तर का फंचा तैं उठौ, अर अपणा घौर चलि जा।”

मरकुस 1:10

अर जब यीशु पाणि बटि निकळि, त तुरन्त वेन स्वर्ग तैं खुल्यूं अर पवित्र आत्मा तैं कबूतर का रुप मा अपणा मथि उतरद देखि।

मरकुस 14:62

तब यीशु न बोलि, “मि छौं, तुम लोग मनखि का पुत्र तैं बड़ा आदर का साथ ताकतबर परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

लूका 2:13

तबरि अचानक वे स्वर्गदूत का दगड़ा मा स्वर्गदूतों को एक दल ऐ, अर परमेस्वर की बडै करण लगि गै, अर ऊंन बोलि कि,

लूका 2:9

तबरि प्रभु को एक स्वर्गदूत ऊंतैं दिखै, अर प्रभु को तेज ऊंका चौतरफि चमकण लगि गै। तब ऊ भौत जादा डौऽरी गैनी।

लूका 22:43

तब स्वर्ग बटि एक स्वर्गदूत वेका पास ऐ जैन वेकी हिम्मत बढै।

लूका 22:69

पर सुणा, अब बटि मनखि को पुत्र ताकतबर परमेस्वर का दैंणी तरफा बैठयूं होलु।”

लूका 24:4

अर यू देखि के वु बड़ी उळझण मा पोड़ि गैनी, कि तबरि दुई मनखि ऊंका समणि ऐके खड़ा ह्‍वे गैनी, अर ऊंका चमकिला कपड़ा पैरयां छा।

लूका 3:21

यूहन्‍ना का जेलखाना मा डळै जाण से पैलि, जब सब लोग बपतिस्मा लिणा छा, तब यीशु न भि बपतिस्मा लेई, अर जब उ प्रार्थना कनु छौ तब आसमान खुलि गै।

यूहन्ना 1:50

फिर यीशु न वेतैं जबाब देई, “मिन जु त्वेकू बोलि कि, ‘मिन त्वेतै तिमला डाळा का तौळ देखि,’ क्या इलै ही तू मि पर बिस्वास करदी? मि तुमतै बतै देन्दु, कि तुम येसे भि बड़ा-बड़ा कामों तैं दिखल्या।”

यूहन्ना 10:1

तब यीशु न फिर से बोलि, “मि तुम बटि सच्‍चि ही बोन्‍नु छौं, कि जु भेड़ों का गुठ्‍यार का भितर द्‍वारा बटि नि जान्दु, बल्किन मा कै हैंकी तरफा बटि जान्दु, उ त चोर-डाकु च।

यूहन्ना 10:7

इलै यीशु न ऊंकू फिर से बोलि, “मि तुम बटि सच्‍चि ही बोन्‍नु छौं, कि भेड़ों खुणि द्‍वार मि ही छौं।

यूहन्ना 13:16

अर मि तुम बटि सच्‍चि बोन्‍नु छौं, कि नौकर अपणा मालिक से बड़ु नि होन्दु, अर जैतैं भेज्यूं च उ अपणा भेजण वळा से बड़ु नि होन्दु।

यूहन्ना 13:38

तब यीशु न वेतैं जबाब देई, “क्या तू मेरा खातिर अपणी जान दे दिली? मि त्वे बटि सच्‍चि ही बोन्‍नु छौं, कि मैर का बसण से पैलि तिन मितैं तीन दौं नकारी देण कि, मि वेतैं नि जणदु।”

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

यूहन्ना 16:20

अर मि तुम बटि सच्‍चि ही बोन्‍नु छौं, कि तुम रुविल्या अर विलाप करिल्या, पर दुनियां का लोग खुशी मणाला। अर तुम दुखी ह्‍वेल्या, पर तुमरो दुख खुशी मा बदलि जालु।

यूहन्ना 16:23

अर वे दिन तुम मि बटि कुछ भि नि पूछील्या, पर जु कुछ भि तुम पिता बटि मंगिल्या उ सब पिता मेरा नौ से तुमतै द्‍यालु। अर यू मि तुम बटि सच्‍चि ही बोन्‍नु छौं।

यूहन्ना 21:18

अर मि त्वे बटि सच्‍चि ही बोन्‍नु छौं, जब तू ज्वान छे, त तू खुद तयार ह्‍वेके जख चान्दी छे, उख जान्दी छे। पर जब तू बुढ्या ह्‍वे जैली त तू अपणा हाथ फैलैली, अर कुई दुसरो त्वेतै तयार करलु अर जख तू नि जाण चैलि, उख उ त्वेतै लि जालु।”

यूहन्ना 3:3

तब यीशु न वेतैं जबाब देई, “मि तुम से सच्‍चि बोन्‍नु छौं, जबरि तक कुई नई रीति बटि जनम नि ल्यालु, तबरि तक कुई भि परमेस्वर का राज तैं देखि नि सकदु।”

यूहन्ना 3:5

अर यीशु न बोलि, “मि तुम से सच्‍चि बोन्‍नु छौं, कि जबरि तक कुई मनखि पाणि अर पवित्र आत्मा से जनम नि ल्यालु, तबरि तक उ परमेस्वर का राज मा दाखिल नि ह्‍वे सकदु।

यूहन्ना 5:19

फिर यीशु न ऊं खुणि बोलि, “मि तुम बटि सच्‍चि ही बोन्‍नु छौं, कि पुत्र अपणी तरफा बटि कुछ नि कैरी सकदु, पर उ पिता तैं जन काम करद दिखदु, ठिक उन्‍नि कामों तैं वु भि करदु, किलैकि जु कुछ भि पिता करदु, उ पुत्र भि करदु।

यूहन्ना 5:27

अर इख तक की वेन वेतैं न्याय करण को भि अधिकार दियूं च, किलैकि उई मनखि को पुत्र च।

यूहन्ना 6:26

तब यीशु न ऊंतैं जबाब देई, “मि तुम बटि सच्‍चि ही बोन्‍नु छौं, तुम मितैं इलै नि खुज्याणा छाँ कि तुमुन चमत्कार का काम दिखिनी, पर इलै किलैकि तुमुन रुट्‍टी खै के अपणी भूक मिटै।

यूहन्ना 6:32

तब यीशु न ऊंकू बोलि, “मि तुम बटि सच्‍चि ही बोन्‍नु छौं, कि वा रुट्‍टी स्वर्ग बटि तुमतै मूसा न नि देई, बल्किन मा मेरु पिता ही तुमतै स्वर्ग बटि सच्‍चि रुट्‍टी देन्दु च।

यूहन्ना 6:47

मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, सदनि को जीवन वेकू च।

यूहन्ना 6:53

फिर यीशु न ऊंकू बोलि, “मि तुम बटि सच्‍चि ही बोन्‍नु छौं, कि जब तक तुम मनखि का पुत्र का बदन तैं नि खैल्या, अर वेका ल्वे तैं नि पील्या, तब तक तुम मा सदनि को जीवन नि होलु।

यूहन्ना 8:34

यीशु न ऊंतैं जबाब देई, “मि तुम बटि सच्‍चि ही बोन्‍नु छौं, कि जु कुई पाप करदु, उ पाप को ही गुलाम च।

यूहन्ना 8:51

मि तुम बटि सच्‍चि ही बोन्‍नु छौं, कि अगर कुई मेरा वचनों का मुताबिक चलदु, त उ कभि नि मुरलु।”

यूहन्ना 8:58

अर यीशु न ऊंकू बोलि, “मि तुम बटि सच्‍चि बोन्‍नु छौं, कि जब अब्राहम पैदा भि नि ह्‍वे छौ, वेसे पैलि बटि मि छौं।”

खास चेलों 10:11

अर वेन देखि की आसमान खुलि गै, अर एक बड़ा चदरा का जन कुई चीज मूड़ी औणी च अर वेतैं चौतरफि बटि पकड़ी के धरती पर लये जाणु छौ।

खास चेलों 7:56

“सुणा, मि स्वर्ग तैं खुल्यूं अर मनखि का पुत्र तैं परमेस्वर की दैंणी तरफा खड़ु होयुं दिखणु छौं।”

2 थिस्सलुनीकी 1:7

अर ज्वा खैरि तुम अर हम अभि खाण छां ऊं सभ्यों बटि उ हमतै जरुर छुटकारु द्‍यालु। अर यू तब होलु, जब प्रभु यीशु अपणा ताकतबर दूतों का दगड़ा मा स्वर्ग बटि खतरनाक आग का दगड़ा मा आलु, अर ऊं लोगु बटि बदला ल्यालु।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

इब्रानी 1:14

अर, यू सब स्वर्गदूत त सेवा करण वळी आत्मा छिन, जु कि बचयै जाण वळा लोगु की सेवा खुणि भिजे जनदिन।

यहूदा 1:14

अर पितर आदम की सातवीं पीढ़ी मा जनम्यां पितर हनोक न भि, इन भविष्यबाणी कैरिके बोलि छौ कि, “देखा, प्रभु अपणा बिजांम पवित्र स्वर्गदूतों का दगड़ा मा औणु च,

दिब्य दरस 19:11

फिर मिन स्वर्ग तैं खुल्यूं देखि, अर एक सफेद घोड़ा छौ अर जु वेमा सवार च वेकू भरोसेमन्द अर सच्‍चु बुले जान्दु। अर वेको न्याय सच्‍चु च अर वेको युद्ध करण को तरीके सही च।

दिब्य दरस 4:1

यों सब बातों का बाद मिन देखि, कि स्वर्ग मा एक द्‍वार खुल्यूं च अर एक बिगुला का जन आवाज, ज्वा कि मिन पैलि सुणी छै वेन मिकू बोलि, “इख मथि अऽ, मि त्वेतै वु बात दिखौलु जु येका बाद होण वळी छिन, अर वु जरुर पूरि ह्‍वेलि।”