यूहन्ना 1:47 - Garhwali

⁴⁷ यीशु न नतनएल तैं अपणी तरफा औन्द देखि के वेका बारा मा बोलि, “देखा, यू सच्‍चु इस्राएली च जैमा कुई कपट नि च।”

गढवली नयो नियम

⁴⁷ यीशु ल नतनएल तैं अपड़ी तरपां औंण देखि कै वेका बारा मा बोलि, देखा यु इस्राएल का लुखुं का घराना कु विश्वासयोग्य वंशज च जु पूरा ढंग से ईमानदार च।

यूहन्ना 1:47 ပူးပေါင်းရင်းမြစ်များ

यूहन्ना 2:25

अर वेतैं कुई जरुरत नि छै, कि कुई भि वेतैं मनखियों का बारा मा बतौ। किलैकि उ खुद ही जणदु छौ, कि मनखियों का मनों मा क्या च।

यूहन्ना 4:16

अर यीशु न वींकू बोलि, “जा, अपणा पति तैं इख बुलै के लौ।”

यूहन्ना 8:31

तब यीशु न ऊं यहूदियों बटि जौन वे पर बिस्वास कैरी, ऊंकू बोलि, “अगर तुम मेरा वचनों का मुताबिक जीवन बितैल्या, त सच्‍चि मा मेरा चेला ह्‍वेल्या।

यूहन्ना 8:39

तब ऊंन यीशु कू बोलि, “हमरु बुबा त अब्राहम च।” पर यीशु न ऊंकू बोलि, “अगर जु तुम अब्राहम का नौना होन्दा, त वेका जन काम भि करदा।

रोमियों 9:4

अर या बात मि इलै बोन्‍नु छौं, किलैकि हम लोग इस्राएली छां, अर पिता परमेस्वर न हमतै अपणी औलाद होणु खुणि चुण्यूं च। अर हमरा पितरों न निर्जन जगा मा पिता परमेस्वर का बड़ा-बड़ा कामों तैं होन्द देखि। अर वेन ऊंका दगड़ा मा कई करार करिनी, अर मूसा रैबर्या का द्‍वारा हमरा पितरों तैं नियम-कानून दिनी, अर इन भि सिखै की कै तरीका से हमतै पिता परमेस्वर की भक्‍ति करण चयेणी, जु कि वेकी नजर मा सही च। अर वेन ऊंका दगड़ा मा भौत सा करार भि करिनी।

रोमियों 9:6

हे मेरा भै-बैंणो, मि तुमतै इन बतौण चान्दु कि भौत सा इस्राएली लोग इन छिन जु कि पिता परमेस्वर का दण्ड से बचि नि सकिनी, त यां को मतलब यू नि च कि पिता परमेस्वर को वचन रद्‍द ह्‍वे गै, किलैकि इस्राएली लोगु का पीढ़ी मा जनम लेण वळा सब लोग सच्‍चा इस्राएली नि छिन।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

1 पतरस 2:1

इलै हे मेरा भै-बैंणो, अपणा जीवनों मा बटि हरेक किसम कि बुरै, छल-कपट अर ढोंग तैं, अर एक-दुसरा बटि जलन रखण अर दुसरो तैं बदनाम करण छोड़ि द्‍या।

1 पतरस 2:22

अर पवित्रशास्‍त्र मा वेका बारा मा इन लिख्यूं च कि, “वेन कुई पाप नि कैरी, अर ना ही वेका गिच्‍चा बटि कुई छल की बात निकळि।”

दिब्य दरस 14:5

अर ऊंन कभि झूठ्‍ठ नि बोलि अर वु निरदोष छिन।