यूहन्ना 1:43 - Garhwali

⁴³ दुसरा दिन यीशु न गलील का मुलक मा जाणु को पक्‍कु इरादा कैरी। तब उ फिलिप्पुस बटि मिली अर वेकू बोलि, “मेरा पिछनै औंऽऽ।”

गढवली नयो नियम

⁴³ दुसरा दिन यीशु ल गलील जिला मा जांणु कु निर्णय कैरी अर फिलिप्पुस तैं मिली के बोलि, “मेरा पिछनै हवे जा।”

यूहन्ना 1:43 ပူးပေါင်းရင်းမြစ်များ

मत्ती 10:3

फिलिप्पुस, बरतुल्मै, थोमा, चुंगी लेण वळु मत्ती हलफई को नौनु याकूब अर तद्‍दै,

मत्ती 4:12

अर जब वेन सुणी की यूहन्‍ना तैं बन्धी बणयै गै, तब यीशु वापस गलील मुलक कू चलि गै।

मत्ती 8:22

पर यीशु न वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू मेरा पिछनै अऽ।”

मत्ती 9:9

अर जब यीशु उख बटि अगनै जाणु छौ, त वेन मत्ती नौ का एक मनखि तैं चुंगी लेण वळो की चौकी मा बैठयूं देखि। तब यीशु न वेकू बोलि, “मेरा दगड़ा मा चल अर मेरु चेला बणि जा।” अर उ उठी के वेका पिछनै चलि गै।

लूका 19:10

किलैकि मनखि को पुत्र हरच्यां लोगु तैं खुजै के बचौणु खुणि ही अयूं च।”

यूहन्ना 1:28

यू सब कुछ त यरदन गाड का पल्या छाला, याने की पूरब दिसा का बैतनिय्याह गौं मा ह्‍वेनि, जख यूहन्‍ना बपतिस्मा देन्दु छौ।

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 1:35

अर दुसरा दिन फिर यूहन्‍ना अपणा दुई चेलों का दगड़ा मा उखि खड़ु होयुं छौ।

यूहन्ना 1:37

जब ऊं दुई चेलों न वेतैं यू बुल्द सुणी, तब वु यीशु का पिछनै चलि गैनी।

यूहन्ना 1:44

फिलिप्पुस त बैतसैदा नगर को रौण वळु छौ, जख अन्द्रियास अर पतरस भि रौन्दा छा।

यूहन्ना 12:21

अर यू लोग गलील मुलक का बैतसैदा नगर का रौण वळा फिलिप्पुस का पास गैनी, अर वे बटि बिन्ती कैरी कि, “श्रीमान, हम तुमरा गुरु यीशु बटि मिलण चन्द्‍यां।”

यूहन्ना 14:8

तब फिलिप्पुस न वेकू बोलि, “प्रभु हमतै पिता का दरसन करै द्‍या, हम खुणि त इथगा ही काफी च।”

यूहन्ना 2:11

अर यीशु न गलील का काना गौं मा अपणु पैलु चमत्कार कैरिके अपणी महानता दिखै। अर वेका चेलों न वे पर बिस्वास कैरी।

यूहन्ना 6:5

जब यीशु न देखि, की एक बड़ी भीड़ वेकी तरफा औणी च, तब वेन अपणा चेला फिलिप्पुस कू बोलि, “यों खुणि खाणु खुणि रुट्‍टी हम कख बटि मोल लाँ?”

यूहन्ना 6:7

तब फिलिप्पुस न वेतैं जबाब देई, “दुई सौ दीनार की रुट्‍टी भि यों खुणि पूरि नि होलि जु की हरेक तैं जरा-जरा भि मिली जौ।”

फिलिप्पी 3:12

हे मेरा भै-बैंणो, मि ईं बात को दावा नि करदु, कि मि यों बातों मा सफल ह्‍वे ग्यों, या फिर पैलि बटि ही सिद्ध छौं मगर मि त बस वे इनाम तैं पाणु खुणि मेनत कनु छौं, ज्यां खुणि यीशु मसीह न मितैं पैलि बटि ही चुण्यूं च।

1 यूहन्ना 4:19

अर हम लोग इलै प्यार करद्‍यां, किलैकि पैलि परमेस्वर न हम से प्यार कैरी।