यूहन्ना 1:12 - Garhwali

¹² पर जथगा लोगु न वेतैं स्वीकार कैरी, याने कि जथगा वे पर बिस्वास करदिन, वेन ऊंतैं परमेस्वर की औलाद होण को अधिकार दियूं च।

गढवली नयो नियम

¹² पर जथगो ल वे तैं स्वीकार कैरी वेल ऊं तैं परमेश्वर कि सन्तान हूंणो कु अधिकार दींनि मतलब ऊं तैं जु वे पर विश्वास करदींनि।

यूहन्ना 1:12 ပူးပေါင်းရင်းမြစ်များ

मत्ती 10:40

अर यीशु न ऊंकू इन भि बोलि, “जु तुमतै स्वीकार करदु उ मितैं स्वीकार करदु। अर जु मितैं स्वीकार करदु उ वेतैं स्वीकार करदु जै पिता परमेस्वर न मितैं भेजि च।

मत्ती 12:21

देखा अर सुणा, देस-देस का लोग वेका नौ पर अपणी आस बणै के रखला।”

मत्ती 18:5

अर जु कुई मेरा नौ से इन्द्रया एक बच्‍चा तैं स्वीकार करदु उ मितैं स्वीकार करदु।”

यूहन्ना 1:11

उ अपणा निज लोगु का बीच मा ऐ, पर वेका अपणा लोगु न वेतैं स्वीकार नि कैरी।

यूहन्ना 1:7

उ गवै देणु खुणि ऐ, ताकि उ उज्याळा का बारा मा गवै दे सैको अर वेका द्‍वारा सभि मनखि बिस्वास करण लगि जां।

यूहन्ना 11:52

अर सिरफ यहूदी लोगु खुणि ही ना, बल्किन परमेस्वर की औलाद जु कि तितर-बितर होईं छिन, ऊं सभ्यों तैं भि एकजुट करणु खुणि मुरलु।

यूहन्ना 2:23

अर फसह का त्योवार का बगत पर यीशु यरूशलेम नगर मा छौ, अर वेका द्‍वारा जु चमत्कारिक काम किये जाणा छा, ऊंतैं देखि के भौत सरा लोगु न वे पर बिस्वास कैरी।

यूहन्ना 20:31

पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

यूहन्ना 3:18

“अर जु कुई भि वे पुत्र पर बिस्वास करदु, उ दोषी नि ठैरैये जालु, पर जु बिस्वास नि करदु, उ दोषी ठैरैये गै। किलैकि वेन परमेस्वर का इकलौता पुत्र पर बिस्वास नि कैरी।

खास चेलों 3:16

अर यीशु पर बिस्वास करण से, अर वेकी ताकत से, ये मनखि तैं खड़ु होण की ताकत मिली, अर तुम येतैं दिखणा अर जणदा भि छाँ। अर सच्‍च त यू च कि यीशु पर बिस्वास करण से ही यू मनखि तुम सभ्यों का समणि पूरि तरौं से तन्दुरुस्त ह्‍वे गै।

रोमियों 8:14

इलै जथगा लोग परमेस्वर की पवित्र आत्मा का मुताबिक अपणु जीवन तैं चलौन्दिन, वु लोग पिता परमेस्वर की औलाद छिन।

रोमियों 8:16

अर तब पवित्र आत्मा हमरि आत्मा का दगड़ा मा मिली के इन गवै देन्दी, कि हम परमेस्वर की औलाद छां।

रोमियों 8:19

अर पूरि धरती सबर रखी के परमेस्वर का परगट होण को इंतजार कनि च, कि कब उ अपणा औलादों तैं आदर-सम्मान द्‍यालु।

गलातियों 3:26

अर यीशु मसीह पर बिस्वास करण का द्‍वारा ही तुम सब लोग परमेस्वर की औलाद छाँ।

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

कुलुसी 2:6

हे मेरा भै-बैंणो, तुमुन यीशु मसीह तैं प्रभु का रुप मा स्वीकार कैरियाली, इलै वेका मुताबिक ह्‍वेके भि चला।

2 पतरस 1:4

अर वे आदर-सम्मान अर वीं अच्छी भावना का मुताबिक ही वेन हमतै कीमती अर अच्छा दान-बरदान दियां छिन, ताकि ये बरदान का द्‍वारा हम दुनियां मा होण वळा गळत सम्बन्ध रखण से, अर गन्दा काम करण से बचि जा, अर पिता परमेस्वर का सभौ का जन चलि सैका।

1 यूहन्ना 3:1

सुणा, पिता परमेस्वर न हम बटि भौत जादा प्यार कैरी, ईं वजै से ही आज हम खुणि वेकी औलाद बुले जान्दु अर हम छैई भि छां। अर ईं दुनियां का लोग पिता परमेस्वर तैं नि जणदिन, इलै वु हमतै भि नि पछ्याणदिन।

1 यूहन्ना 3:10

अर पिता परमेस्वर की औलादों अर शैतान की औलादों की पछ्याण यां से ही होन्दी, अर हरेक उ मनखि जु परमेस्वर की नजर मा धरमी जीवन नि जीन्दु उ वेकी तरफा बटि नि च, अर जु मनखि सब लोगु से प्यार नि करदु उ भि परमेस्वर की तरफा बटि नि च।

1 यूहन्ना 3:2

हे मेरा प्यारा लोगु, अब हम परमेस्वर की औलाद छां, अर औण वळा बगत मा क्या जि होला वेका बारा मा परगट नि किये गै। मगर हम त बस इथगा ही जणद्‍यां, कि जब यीशु मसीह परगट होलु त हम भि वेका जन बणि जौला, किलैकि हम वेतैं ठिक उन्‍नि दिखुला जन उ छैई च।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।