याकूब 5:7 - Garhwali

⁷ इलै हे मेरा भै-बैंणो, प्रभु का फिर से औण वळा दिन तक सबर रखा। अर सुणा, जन किसान पुंगड़ों मा होण वळी कीमती फसल को पैदा होणु खुणि इंतजार करदु। अर अपणु सबर पैलि अर आखिरी बरखा का होण तक बणै के रखदु,

गढवली नयो नियम

⁷ इलै हे विश्वासी भयों, प्रभु का औंण वला दिन तक सब्र रखा, जन किसान खेती की मूल्यवान फसल तैं कन जुगल्णु रौंदो अर पैली अर आखिर बरखा तक सब्र रखदो; कि फसल बढ़ौ अर कटणु कु तैयार हो।

याकूब 5:7 ပူးပေါင်းရင်းမြစ်များ

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

मत्ती 16:28

मि तुम बटि सच्‍च बोन्‍नु छौं कि जथगा लोग इख खड़ा छिन, ऊंमा बटि कुछ इन्द्रया भि छिन, जु कि तब तक नि मुरला जब तक की वु मनखि का पुत्र तैं वेका राज का दगड़ा मा औन्द देखि नि द्‍याला।”

मत्ती 24:27

“किलैकि जन बिजली आसमान मा पूरब बटि निकळि के पच्छिम तक चमकदी, ठिक उन्‍नि मनखि का पुत्र को भि औण होलु।

मत्ती 24:44

इलै तुम लोग भि तयार रा, किलैकि जै बगत का बारा मा तुमुन सोची भि नि होलु, वे बगत मनखि को पुत्र ऐ जालु।”

लूका 18:8

नऽ रे ना, मि तुमतै बतै देन्दु कि परमेस्वर तुरन्त ऊंको न्याय जरुर करलु। “पर अब बात या च कि जब मनखि को पुत्र आलु, त क्या उ धरती का लोगु मा बिस्वास पालु?”

लूका 21:27

तब वु लोग मनखि का पुत्र तैं बादळु मा अपणी बड़ी ताकत अर बड़ा आदर-सम्मान का साथ मा औन्द दिखला।

लूका 8:15

अर अच्छी जमीन मा पोड़यां बीज वु लोग छिन जु परमेस्वर का वचन तैं सुणी के वेतैं अपणा अच्छा अर आज्ञा मनण वळा मन मा समाळि के रखदिन, अर सबर रखी के अच्छा फल लेके औन्दिन।”

यूहन्ना 21:22

फिर यीशु न वेकू बोलि, “अगर जु मेरी इच्छा होलि, कि उ मेरा औण तक ठैर्युं रौ, त त्वेतै ईं बात से क्या मतलब? पर तू मेरा पिछनै अऽ।”

यूहन्ना 21:23

इलै बिस्वासी लोगु मा या बात फैली गै, कि यू चेला कभि नि मुरलु, पर यीशु न वे खुणि इन नि बोलि छौ कि, “वेन कभि नि मुरण” बल्किन इन बोलि छौ कि, “अगर जु मेरी इच्छा होलि, कि उ मेरा औण तक ठैर्युं रौ, त त्वेतै ईं बात से क्या मतलब?”

रोमियों 15:4

अर जु कुछ भि पुरणा जमना मा पवित्रशास्‍त्र मा लिखे गै, उ सब हमतै सिखौणु खुणि ही लिखे गै। अर पवित्रशास्‍त्र हमतै सबर रखण अर अपणु हौसला बणै के रखण का बारा मा ही बतौन्दु, ताकि हमरि आस बणि रौ।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

1 कुरिन्थि 1:7

अर अब तुम मा कैं भि आत्मिक दान-बरदान की कमी नि च, किलैकि वेन तुम पर किरपा कैरिके तुमतै सब कुछ दान का रुप मा दियाली। इलै तुम भि हमरा प्रभु यीशु मसीह का वापस औण को इंतजार कना छाँ।

गलातियों 5:5

मगर हम लोग यीशु मसीह पर बिस्वास करण का द्‍वारा परमेस्वर का समणि धरमी होण कि आसा रखद्‍यां। अर पवित्र आत्मा कि मददळ हम ईं बात को इंतजार बेसबरि से कना छां।

गलातियों 6:9

इलै हमतै भलै का काम करण मा पिछनै नि हटण चयेणु, किलैकि अगर जु हम सभ्यों का दगड़ा मा भलै कना रौला, त ठिक बगत पर लवै करुला।

कुलुसी 1:11

अर तुम पिता परमेस्वर की महान ताकत से अपणा आत्मिक जीवन मा और भि जादा मजबूत होन्दी जा, ताकि मुसीबत का बगत पर खुशी से अर हर बात मा सबर रखी के तुम सब मुसीबतों तैं सै सैका।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

1 थिस्सलुनीकी 2:19

अर फिर हमरि आस को कारण तुम ही त छाँ, किलैकि प्रभु यीशु का औण तक अगर जु तुम बिस्वास मा बणयां रैल्या त वेका समणि हिम्मत से खड़ा ह्‍वेल्या। तब तुम ही हम खुणि वु इनाम ह्‍वेल्या जौं तैं देखि के हमतै बड़ु गर्व होलु, अर तब हमरि खुशी को कुई ठिकाणु नि होलु।

1 थिस्सलुनीकी 3:13

अर हम तुम खुणि इन्‍नि भि प्रार्थना करद्‍यां, कि प्रभु यीशु तुमरा मनों तैं मजबूत कैरो, ताकि जब उ अपणा पवित्र लोगु का दगड़ा मा अऽ, त तुम हमरा पिता परमेस्वर का समणि वेकी नजर मा पवित्र अर निरदोष ठैरा।

इब्रानी 6:15

अर भौत इंतजार करण का बाद पितर अब्राहम तैं वु मिली जैको करार वेका दगड़ा मा परमेस्वर न कैरी छौ।

याकूब 4:11

हे मेरा भै-बैंणो, एक-दुसरा का खिलाप मा नि बोला। अगर कुई अपणा बिस्वासी भै-बैंणो का खिलाप बुल्दु, या ऊं पर इळजाम लगौन्दु, त उ परमेस्वर का नियम-कानून पर इळजाम लगौन्दु अर अगर जु तुम नियम-कानून पर इळजाम लगौन्द्‍यां, त तुम नियम-कानून का पालन करण वळा नि छाँ, बल्किन मा तुम अफि ही न्याय करण वळा बणि ग्यां।

याकूब 5:10

हे मेरा भै-बैंणो, जौं रैबर्यों न प्रभु का नौ से वचन सुणै, ऊंन जु दुख-तकलीफ झिलनी अर सबर रखी, ऊं सब बातों तैं तुम अफु खुणि एक नमूना समझा।

याकूब 5:3

अर तुमरा सोना-चांदी पर जंक लगि गै। अर वे पर लग्यूं जंक एक दिन तुमरा खिलाप गवै द्‍यालु अर आग की तरौं तुमरा मांस को नास कैरी द्‍यालु, किलैकि तुमुन आखिरी का दिनों मा धन जमा कैरी।

2 पतरस 3:4

अर इन बुलला कि, “अरे, यीशु मसीह न वापस औण को जु करार कैरी छौ वेको क्या ह्‍वे? किलैकि हमरा पितर त मोरि गैनी, अर जब बटि या दुनियां बणि तब बटि लेके अभि तक ठिक उन्‍नि होणु च जन पैलि होन्दु छौ।”