याकूब 5:10 - Garhwali

¹⁰ हे मेरा भै-बैंणो, जौं रैबर्यों न प्रभु का नौ से वचन सुणै, ऊंन जु दुख-तकलीफ झिलनी अर सबर रखी, ऊं सब बातों तैं तुम अफु खुणि एक नमूना समझा।

गढवली नयो नियम

¹⁰ हे विश्वासी भयों, जौं परमेश्वर का तरपां बट्टी बुल्ण वला लुखुं ल प्रभु का नौं बट्टी बात कैरी, ऊं तैं दुःख उठौण मा अर सब्र रखण मा तुम अफ कु एक नमूना समझा।

याकूब 5:10 ပူးပေါင်းရင်းမြစ်များ

लूका 13:34

तब वेन इन बोलि, “हे यरूशलेम का लोगु, तुम जु रैबर्यों तैं मारी देन्द्‍यां, अर जौं लोगु तैं परमेस्वर न तुमरा बीच मा भेजि ऊंतैं तुम ढुंग्यौन्दा छाँ। अर मिन कथगा ही दौं इन चै कि जन कुखडि अपणा बच्‍चों तैं अपणा फाँकुड़ो का तौळ इकट्‍ठा कैरिके रखदी, ठिक उन्‍नि मि भि तुमतै इकट्‍ठा कैरुं, पर तुम लोगु न इन नि चै।

लूका 6:23

“तब वे दिन पर तुम आनन्द मणया अर खुशी का बाना उछल्यां, किलैकि सुणा, स्वर्ग मा तुम खुणि बड़ु इनाम रख्युं च। अर ऊंका पितरों न परमेस्वर का रैबर्यों का दगड़ा मा इन्‍नि त कैरी छौ।

खास चेलों 3:21

अर या बात जरुरी च कि यीशु स्वर्ग मा तब तक रौ जबरि तक की परमेस्वर सब चीजों तैं फिर से नयू नि कैरी द्‍यो, जौं बातों का बारा मा परमेस्वर न अपणा पवित्र रैबर्यों का द्‍वारा भौत साल पैलि ही बुलवैयालि छौ।

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

इब्रानी 13:7

अर जौन तुमतै परमेस्वर को वचन सुणै, तुम ऊं शिक्षा देण वळो तैं याद रखा। अर तुम ऊंका अच्छा चाल-चलन पर ध्यान द्‍या अर वेका मुताबिक ऊंका बिस्वास तैं देखि के तुम ऊंका जन जीवन भि ज्या।

याकूब 4:11

हे मेरा भै-बैंणो, एक-दुसरा का खिलाप मा नि बोला। अगर कुई अपणा बिस्वासी भै-बैंणो का खिलाप बुल्दु, या ऊं पर इळजाम लगौन्दु, त उ परमेस्वर का नियम-कानून पर इळजाम लगौन्दु अर अगर जु तुम नियम-कानून पर इळजाम लगौन्द्‍यां, त तुम नियम-कानून का पालन करण वळा नि छाँ, बल्किन मा तुम अफि ही न्याय करण वळा बणि ग्यां।

याकूब 5:13

जब तुम मदि कुई दुखी हो, त उ प्रार्थना कैरो। अर अगर कुई खुश हो, त उ भक्‍ति का गीत गौ।

याकूब 5:7

इलै हे मेरा भै-बैंणो, प्रभु का फिर से औण वळा दिन तक सबर रखा। अर सुणा, जन किसान पुंगड़ों मा होण वळी कीमती फसल को पैदा होणु खुणि इंतजार करदु। अर अपणु सबर पैलि अर आखिरी बरखा का होण तक बणै के रखदु,

याकूब 5:9

हे मेरा भै-बैंणो, तुम एक-दुसरा पर नि कुड़कुड़ावा, ताकि तुम पर इळजाम नि लगये जौ। सुणा, न्याय करण वळु प्रभु द्‍वार पर ही च।