याकूब 4:8 - Garhwali

⁸ तुम परमेस्वर का नजदीक आ, तब उ भि तुमरा नजदीक आलु। हे पापि मनखियों, खुद तैं पाप करण से रोका। हे दुई मन रखण वळा लोगु, तुम अपणा मन तैं पवित्र कैरा।

गढवली नयो नियम

⁸ पिता परमेश्वर का नजदीक आवा त पिता परमेश्वर भि तुमारा नजदीक आलो हे पापियों, अपड़ा जीवन तैं पाप बट्टी दूर रखा। अर हे दुछड़िया लुखुं अपड़ा मनों तैं पवित्र कैरा।

याकूब 4:8 ပူးပေါင်းရင်းမြစ်များ

मत्ती 12:33

फिर यीशु न इन भि बोलि, “अगर तुम कै डाळा कू अच्छु बुल्द्‍यां, त वेका फल कू भि अच्छु बोला, अगर तुम कै डाळा कू बेकार बुल्द्‍यां त वेका फल कू भि बेकार बोला, किलैकि डाळु अपणा फलों बटि ही पछ्याणे जान्दु।

मत्ती 15:2

“गुरुजी, तुमरा चेला पितरों की रीति-रिवाजों का खिलाप मा जैके बगैर हाथ धुयां खाणुक किलै खनदिन?”

मत्ती 27:24

जब पिलातुस न देखि कि कुई फैदा नि होणु, बल्किन मा हल्‍ला और भि जादा होणु च, त वेन पाणि ले अर भीड़ का समणि अपणा हाथ ध्वेके बोलि, “ये निरदोष मनखि का ल्वे मा मेरु कुई हाथ नि च येका बारा मा तुम ही जाणा।”

खास चेलों 15:9

अर इन कैरिके वेन हम यहूदी लोगु का अर ऊं लोगु का बीच मा कुई भि भेदभाव नि कैरी जु यहूदी जाति का नि छिन। अर यीशु पर बिस्वास करण से ही वेन ऊंका मनों तैं शुद्ध कैरियाली,

2 कुरिन्थि 7:1

हे मेरा प्यारा भै-बैंणो, जब हमरा पास पिता परमेस्वर का यू करार छिन, इलै हमतै अपणु जीवन पवित्र बणै के रखण चयेणु, अर हम इन्द्रयो कुछ भि नि कैरा ज्यां से कि वेतैं घिण औन्दी। अर हमतै परमेस्वर पर अपणी पूरि सरदा रखी के एक पवित्र जीवन जीण की पूरि कोसिस करण चयेणी।

1 तीमुथियुस 2:8

अर मि यू चान्दु छौं, कि बैख हर जगा मा गुस्सा अर घपरोळ तैं छोड़ि के पवित्र दिल से अपणा हाथों तैं उठे के प्रार्थना कैरो।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

याकूब 1:8

किलैकि इन्द्रया मनखि को मन एक बात पर नि लग्यूं रौन्दु, अर उ अपणी सब बातों मा टिक्यूं नि रौन्दु।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 पतरस 3:21

अर जै पाणि से वु आठ लोग बचयै गैनी वेको मतलब बपतिस्मा से च, जु कि तुमतै बचौन्दु। अर बपतिस्मा को मतलब यू नि च, कि वां से सरील की गन्दगी दूर ह्‍वे जौ, असल मा वांको मतलब इन च कि तुम लोग जमीर मा शुद्ध ह्‍वेके पिता परमेस्वर का अधीन ह्‍वे जा। अर यू सब यीशु मसीह का मुरदो मा बटि ज्यून्द होण से च।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।