याकूब 4:3 - Garhwali

³ तुम मंगदा त छाँ, पर उ तुमतै नि मिलदु। किलैकि तुम बुरी इच्छाओं तैं पूरु करणु खुणि मंगद्‍यां, याने कि तुम अपणी मौज-मस्ती मा उड़ौणु खुणि मंगद्‍यां।

गढवली नयो नियम

³ तुम मंगदा छा अर पांदा नि छा, इलै कि बुरी इच्छा बट्टी मंगदा, कि अपड़ा भोग-विलास मा उड़ै द्या।

याकूब 4:3 ပူးပေါင်းရင်းမြစ်များ

मत्ती 20:22

ईं बात तैं सुणी के यीशु न बोलि, “तुम नि जणद्‍यां कि तुम मंगणा क्या छाँ। क्या तुम वे दुख तैं झेली सकद्‍यां, जु मि झिलण वळु छौं?” तब ऊं दुईयों न वेकू बोलि, “हाँ गुरुजी, हम झेली सकद्‍यां।”

मरकुस 10:38

यीशु न ऊंकू बोलि, “तुम नि जणद्‍यां कि तुम मंगणा क्या छाँ? क्या तुम वे दुख तैं झेली सकद्‍यां, जु मि झिलण वळु छौं? अर जै तरीके से मेरी मौत होण वळी च क्या वे तरीके से तुम मोरि सकद्‍यां?”

लूका 11:10

किलैकि जु कुई मंगदु च वेतैं मिलदु च, अर जु खुज्यान्दु च उ पौन्दु च, अर जु खखटान्दु च वे खुणि खुलै जान्दु।

लूका 15:13

“अर अभि कुछ दिन ही ह्‍वे छा कि, छुटो नौनु अपणु सब कुछ इकट्‍ठा कैरिके एक दूर मुलक मा चलि गै, अर उख वेन अपणी मौज-मस्ती मा पूरि धन-दौलत तैं उड़ै दिनी।

लूका 15:30

पर जन्‍नि तुमरो यू नौनु ऐ, त तुमुन वे खुणि बड़िया बखरु कटवै, जैन तुमरि जैजाद तैं वेश्याओं का पिछनै उड़ै दिनी।’

याकूब 4:1

हे मेरा भै-बैंणो, तुमरा बीच मा लड़ै-झगड़ा कख बटि औणा छिन? अरे, यू सब त ऊं बुरी इच्छाओं बटि औणा छिन, जु कि तुमरा सरील का अंगो मा लड़ै करदिन।

1 यूहन्ना 3:22

अर जु कुछ भि हम मंगुला पिता परमेस्वर हमतै दयालु, किलैकि हम वेकी आज्ञाओं को पालन करद्‍यां। अर हम उन्‍नि करद्‍यां, जु वेकी नजर मा अच्छु च।

1 यूहन्ना 5:14

अर हमतै पिता परमेस्वर पर पूरु यकीन च कि हम वेकी मनसा का मुताबिक जु कुछ भि वेसे मंगद्‍यां, त उ हमरि बात तैं सुणदु च।