याकूब 3:13 - Garhwali

¹³ तुम मा बटि ज्ञानी अर समझदार कु च? अर अगर कुई छैई च, त उ अपणा अच्छा चाल-चलन अर ज्ञान से भलु बणु अर अपणु काम पूरु कैरिके दिखौ।

गढवली नयो नियम

¹³ तुम लुखुं मा बट्टी जु ज्ञानी अर समझदार हूंणो को दावा करदो, उ अपड़ा कामों अर अच्छा स्वभाव ल, अर वीं नम्रता का दगड़ा जु तुम्हरा ज्ञान बट्टी औंद, अच्छा काम कैरी कै दिखांण चयणु च।

याकूब 3:13 ပူးပေါင်းရင်းမြစ်များ

मत्ती 11:29

मेरा जुवा तैं अपणा मथि ले ल्या अर मि बटि सीखा, किलैकि मेरु सभौ नमर अर मन से मि दीन छौं अर तुमरा मन तैं चैन मिललु।

मत्ती 21:5

“सिय्योन की नौनि कू बोला, ‘देख तेरु राजा तेरा पास औणु च, अर वु दीन च, अर गधा पर, बल्किन मा गधी का बच्‍चा पर बैठयूं च।’”

मत्ती 5:5

“धन्य छिन ऊ, जु नमर सभौ का छिन, किलैकि ऊ ईं धरती का अधिकारी होला।

मत्ती 7:24

“इलै जु कुई मेरा यों वचनों तैं सुणी के वेका मुताबिक चलदु, उ वे अकलमन्द मनखि का जन च जैन अपणु घौर पौड़ पर बणै।

1 कुरिन्थि 6:5

अर या बात मि तुम खुणि इलै बोन्‍नु छौं, ताकि तुमतै खुद पर सरम अऽ। अर एक बात बता, क्या सच्‍चि मा तुमरा इख एक भि समझदार नि च, जु कि तुम बिस्वासी लोगु का वाद-विवाद तैं सुळझै सैको।

2 कुरिन्थि 10:1

हे मेरा दगड़्यों, मि पौलुस यीशु मसीह की तरौं दया करण वळु, अर दीन सभौ को बणि के हमेसा तुम से बिन्ती करदु, मगर तुमरा बीच मा कुछ लोग इन्द्रया छिन जु कि इन बुल्दिन कि, “अरे, जब पौलुस तुमरा बीच रौन्दु तब उ बिल्कुल सीदु-सादु बणि के रौन्दु, मगर जब उ तुम से दूर चलि जान्दु त अपणी चिठ्‍ठीयों मा इन लिखदु जन कि उ तुमतै धमकी देणु होलु।”

2 कुरिन्थि 8:24

इलै ऊंतैं अपणु प्यार को सबूत द्‍या, ताकि समुदाय का सब लोगु पर तुमरो प्यार परगट ह्‍वे जौ। अर ऊ इन भि जाणि जा कि आखिर हम लोग तुमरि खातिर किलै बड़ु मोन करद्‍यां।

गलातियों 5:23

दीन सभौ रखण, अर खुद तैं अपणा वस मा रखण, यों सब बातों को विरोध करण खुणि कुई भि नियम-कानून नि च।

गलातियों 6:1

हे मेरा बिस्वासी भै-बैंणो, अगर तुम लोगु मा बटि कुई मनखि पाप करद पकड़ै जान्दु, त तुम जु पवित्र आत्मा का मुताबिक चलद्‍यां, तुम वे मनखि तैं बड़ा प्यार से सच्‍चै का बाटा पर वापिस लौण की पूरि कोसिस कैरा। अर अपणु भि ध्यान रखा कखि तुम लोग भि वे ही पाप मा नि फंसी जा।

गलातियों 6:4

इलै हरेक मनखि तैं अपणा-अपणा काम की जाँच-पड़ताल करण चयेणी, अर अपणी तुलना दुसरो का कामों का दगड़ा मा नि करण चयेणी, तब जु कुछ भि तुमुन कैरी होलु वे काम पर तुमतै गर्व होलु।

इफिसुस 4:2

अर सच्‍चा मन से दीन अर नमर बणा, अर सबर रखण का दगड़ा-दगड़ि प्यार से एक-दुसरे की बातों तैं सौण वळा भि बणा।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

कुलुसी 3:12

हे मेरा भै-बैंणो, तुम पिता परमेस्वर का चुण्यां पवित्र अर प्यारा लोग छाँ, इलै अपणा-अपणा मनों मा एक-दुसरा खुणि भली मनसा रखा। अर दया करण, भलै करण, दीन अर नमर बणि के एक-दुसरे की सब बातों तैं सौण वळा भि बणा।

1 तीमुथियुस 4:12

हे तीमुथियुस, अभि तू ज्वान छैई, अर कुई भि तेरी ज्वानी तैं सुद्‍दी नि समझु। इलै तू बोन्‍न मा अर अपणा चाल चलण मा, प्यार करण मा, अर तेरा खुद का बिस्वासी जीवन मा, अर पवित्र जीवन जीण मा बिस्वासी लोगु खुणि तू एक नमूना बणि जा।

1 तीमुथियुस 6:11

पर हे तीमुथियुस परमेस्वर का सेवक, तू यों सब बातों बटि अलग रौ। अर धरमी मनखि बणणे की कोसिस कैर, अर हमेसा परमेस्वर की भक्‍ति कैर अर यीशु मसीह पर बिस्वास कैर, अर सभ्यों बटि प्यार कैर। अर सबर रखण अर नमर सभौ को ह्‍वेके जीवन बितौ।

2 तीमुथियुस 2:25

अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

तीतुस 3:2

अर कैतैं बदनाम करण वळा नि बणा, अर लड़ै-झगड़ा करण वळा ना हो पर शान्त सभौ का हो, अर नमर बणि के सब मनखियों का दगड़ा मा रा।

इब्रानी 13:5

अर तुम लोग धन को लालच नि कैरा, बल्किन मा जु कुछ भि तुमरा पास च तुम वेमा खुश रा, किलैकि परमेस्वर न खुद इन बोलि कि, “मि त्वेतै कभि भि नि बिसरलु अर ना ही कभि छुड़लु।”

याकूब 1:21

इलै सब बुरी आदतों तैं अर सब बुरा कामों तैं छोड़ा, अर परमेस्वर को जु वचन तुमतै सुणये गै, वेतैं तुम दीन सभौ को बणि के स्वीकार कैरा। किलैकि यू ही वचन तुमतै छुटकारु दे सकदु।

याकूब 2:18

पर इन ह्‍वे सकदु च कि, “एक मनखि बोलो कि मि बिस्वास करदु, अर दुसरो बोलो कि मि त भलै का काम करदु।” त इन्द्रया लोगु खुणि मि इन बुल्दु कि, “तू बिना काम कियां अपणु बिस्वास दिखौ, अर दुसरो अपणु बिस्वास भलै का काम कैरिके दिखालु।”

याकूब 3:1

हे मेरा भै-बैंणो, तुम मा बटि भौत लोग उपदेस देण वळा नि बणा। किलैकि तुम जणदा छाँ, कि हम उपदेस देण वळो को न्याय दुसरो से भि जादा सख्‍तै से होण।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

1 पतरस 1:15

इलै जन तुमतै बुलाण वळु परमेस्वर पवित्र च, ठिक उन्‍नि तुम भि पवित्र बणा।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।

1 पतरस 3:4

बल्किन मा तुमरो सौ-सिंगार त तुमरा जीवन मा होण चयेणु, जन कि शान्त सभौ, अर दीन होण की आत्मा, ज्वा कि कभि खतम नि ह्‍वे सकदी। अर यू ही पिता परमेस्वर का दिखण मा भौत कीमती च।