याकूब 2:4 - Garhwali

⁴ त क्या इन कैरिके तुमुन आपस मा भेदभाव नि कैरियाली? अर क्या गळत विचार रखी के तुम न्याय करण वळा नि बणि ग्यां?

गढवली नयो नियम

⁴ त इन कैरी कै तुम आपस मा भेदभाव नि करद्यां, अर बुरा विचार कैरी के न्याय कन वला नि हुयां।

याकूब 2:4 ပူးပေါင်းရင်းမြစ်များ

लूका 18:6

तब प्रभु यीशु न चेलों कू बोलि, “अब ध्यान से सुणा, अर ये अधरमी न्याय करण वळा की ईं बात बटि सीखा?

यूहन्ना 7:24

अर तुम कै को मुख देखि के वेको न्याय नि कैरा, बल्किन सच्‍चु न्याय कैरा।”

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

याकूब 4:11

हे मेरा भै-बैंणो, एक-दुसरा का खिलाप मा नि बोला। अगर कुई अपणा बिस्वासी भै-बैंणो का खिलाप बुल्दु, या ऊं पर इळजाम लगौन्दु, त उ परमेस्वर का नियम-कानून पर इळजाम लगौन्दु अर अगर जु तुम नियम-कानून पर इळजाम लगौन्द्‍यां, त तुम नियम-कानून का पालन करण वळा नि छाँ, बल्किन मा तुम अफि ही न्याय करण वळा बणि ग्यां।