याकूब 1:8 - Garhwali

⁸ किलैकि इन्द्रया मनखि को मन एक बात पर नि लग्यूं रौन्दु, अर उ अपणी सब बातों मा टिक्यूं नि रौन्दु।

गढवली नयो नियम

⁸ उ आदिम दुचितो च, अर अपड़ी सैरी बातों मा भि चंचल च।

याकूब 1:8 ပူးပေါင်းရင်းမြစ်များ

मत्ती 6:22

यीशु न ऊंकू बोलि कि, “मनखि का सरील खुणि वेका आंखा द्‍यू का जन काम करदिन, अर अगर जु ऊ ठिक होला, त वेको पूरु सरील मा उज्याळु होलु।

मत्ती 6:24

तब यीशु न भीड़ का लोगु कू इन भि बोलि, “कुई भि मनखि दुई मालिकों की सेवा नि कैरी सकदु, किलैकि अगर वु करलु त एक बटि प्यार करलु अर दुसरा बटि नफरत, य त उ एक का दगड़ा मा वफादार रालु अर दुसरो को तिरिस्कार करलु। ठिक उन्‍नि तुम लोग भि परमेस्वर अर धन दुईयों की सेवा नि कैरी सकद्‍यां।

याकूब 1:7

अर इन्द्रया मनखि तैं या उम्मीद नि रखण चयेणी, कि वेतैं परमेस्वर बटि कुछ मिललु।

याकूब 4:8

तुम परमेस्वर का नजदीक आ, तब उ भि तुमरा नजदीक आलु। हे पापि मनखियों, खुद तैं पाप करण से रोका। हे दुई मन रखण वळा लोगु, तुम अपणा मन तैं पवित्र कैरा।

2 पतरस 2:14

त यों का आंखा हमेसा इन्दरि जनानि कि ताक मा रौनदिन, जिं का दगड़ा मा यू गळत काम कैरी सैका। अर इन कैरिके यों का आंखा पाप करण खुणि ही लग्यां रौनदिन। अर यू लोग चंचल मन वळो तैं भरमै देन्दिन, अर यों का मन मा भौत लालच भोरयूं च। असल मा यू वु लोग छिन जौं पर असगार पोड़्यूं च।

2 पतरस 3:16

जन कि वेन भि अपणी सब चिठ्‍ठी मा यों ही बातों का बारा मा लिख्यूं च, अर ऊं बातों मा बटि कुछ बातों तैं बिंगण बड़ु कठिन च। अर जौं लोगु तैं ज्ञान नि च, अर जु लोग चंचल छिन वु वेकी चिठ्‍ठी का शब्दों को मतलब तैं बिगाड़ि देन्दिन। अर जु बात पवित्रशास्‍त्र का दुसरा भागों मा भि लिखीं छिन, ऊं बातों का दगड़ा मा यू लोग इन्‍नि करदिन। अर इन कैरिके वु अपणा ही खुटों पर कुल्हड़े कि चोट मारी देन्दिन।