याकूब 1:26 - Garhwali

²⁶ अगर कुई भि खुद तैं धरमी समझदु, अर अपणी जीब तैं अपणा वश मा नि रखदु, त उ खुद तैं धोखा देन्दु, अर वेको परमेस्वर की नजर मा धरमी बणण बेकार च।

गढवली नयो नियम

²⁶ जु कुई अपड़ा आप तैं पिता परमेश्वर कु भक्त समझदु, पर बुरी बातों तैं बुल्ण मा अपड़ी जीभ पर काबू नि रखो, त उ अपड़ा आप तैं धोखा दींद, अर वेकी भक्ति बेकार ही च।

याकूब 1:26 ပူးပေါင်းရင်းမြစ်များ

मत्ती 15:9

अर यू लोग बेकार मा ही मेरी भक्‍ति करदिन, किलैकि यू लोग अपणा ही द्‍वारा बणईं आज्ञाओं तैं परमेस्वर की शिक्षा बतै के सिखौन्दिन।’”

मरकुस 7:7

अर यू लोग बेकार मा ही मेरी भक्‍ति करदिन, किलैकि यू लोग अपणा ही द्‍वारा बणईं आज्ञाओं तैं परमेस्वर की शिक्षा बतै के सिखौन्दिन।’

लूका 8:18

इलै ध्यान द्‍या, कि तुम क्या सुनणा छाँ। किलैकि जु कुई भि परमेस्वर का राज तैं बिंगणे की इच्छा रखदु, वेतैं वेका बारा मा बिंगण को और भि जादा ज्ञान दिये जालु। मगर जु मनखि इन सोचदु, कि मितैं भौत ज्ञान च, त वे बटि वु ज्ञान भि छिनै जालु।”

1 कुरिन्थि 15:15

अर अगर ज्वा या बात सच्‍च नि होन्दी, कि मुरयां लोगु न मुरदो मा बटि ज्यून्द होण, त यां को मतलब यू च कि पिता परमेस्वर न यीशु मसीह तैं मुरदो मा बटि ज्यून्दु नि कैरी। अर इथगा ही ना फिर त हम लोग भि झूठ्‍ठा गवा ठैरि ग्यां, जौन पिता परमेस्वर का खिलाप मा झूठ्‍ठी गवै दिनी।

1 कुरिन्थि 15:2

अर जु वचन तुमतै दिये गैनी ऊं वचनों तैं याद रखा। अर अगर जु तुम वामा मजबूत नि बणयां रैल्या, त फिर तुमतै कनकै बचयै जालु। अर अगर जु तुम इन नि करिल्या फिर त इन समझा कि तुमरो बिस्वास कन भि बेकार च।

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

गलातियों 2:6

अर मेरा दगड़्यों, शुभ समाचार को जु परचार मिन ऊं लोगु का बीच मा कैरी, जु कि यहूदी जाति का नि छिन। जब मिन ईं बात का बारा अध्यक्ष लोगु तैं बतै, त ऊंन मेरी बातों मा कुई फेर बदल नि कैरी, बल्किन उई बात मितैं वापस बतैनि। जब कि ऊ लोग त खास मणै जनदिन। (अर मितैं ईं बात से कुई फर्क नि पोड़दु, कि ऊंको पद क्या च, किलैकि पिता परमेस्वर कै भि मनखि का दगड़ा मा भेदभाव नि करदु)।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।

गलातियों 3:4

अर दुख-तकलीफ का बगत मा जु तजुर्बा तुमतै मिलिनी, क्या ऊ सब बेकार ह्‍वे गैनी? ना, सच्‍चि बात या च कि वु सब कुछ बेकार नि ह्‍वे।

गलातियों 6:3

अर अगर कुई मनखि अफ तैं दुसरो से जादा ठिक समझदु पर हो ना, त सुणी ल्या की इन्द्रयो मनखि खुद तैं ही धोखा देणु च।

इफिसुस 4:29

अर कुई भि गळत बात तुमरा गिच्‍चा बटि नि बुले जौ, पर सिरफ इन्दरि बात ही बुले जौ जु बगत का मुताबिक दुसरा लोगु की हिम्मत बढौणु खुणि अच्छी हो, ताकि वेका द्‍वारा सुनण वळो की भलै हो।

इफिसुस 5:4

अर नऽ त तुमरा बीच मा गळत बात बुले जौ, अर ना ही मूरखो की तरौं कुई बात, अर ना ही गळत मजाक हो, किलैकि यू सब बात तुम ठिक नि छिन, बल्किन मा तुमरा बीच मा त बस पिता परमेस्वर को धन्यवाद ही सुणै जौ।

कुलुसी 4:6

अर बात-चित करण मा तुमतै दीन होण चयेणु, ताकि तुमरि बात सभ्यों तैं अच्छी लगौ, अर तुमतै हरेक बात को जबाब देण भि औण चयेणु।

याकूब 1:19

हे मेरा प्यारा भै-बैंणो, तुम ईं बात तैं समझि ल्या, कि हरेक मनखि बात सुनणु कू तयार रौ, अर सोची समझि के बुलण वळु अर गुस्सा करण मा कम हो।

याकूब 1:22

अर तुम परमेस्वर का वचन तैं केवल सुनण वळा ही ना, बल्किन मा वेतैं सुणी के वेको पालन करण वळा भि बणा। किलैकि जु वचन तैं सुणी के वेको पालन नि करदु, उ खुद तैं धोखा देणु च।

याकूब 2:20

हे मूरख मनखियों, क्या तुमतै ईं बात को सबूत चयेणु, कि काम बिना बिस्वास करण बेकार च?

1 पतरस 3:10

किलैकि पवित्रशास्‍त्र मा इन लिख्यूं च कि, “जु अपणा जीवन से प्यार करदु हो, अर अच्छा दिन दिखण चान्दु हो, त उ मनखि अपणी जीब तैं बुरै करण से रोको, अर अपणा गिच्‍चा बटि छल कि बात नि बोलो।