इब्रानी 9:1 - Garhwali

¹ हे मेरा दगड़्यों, पिता परमेस्वर न पैला करार मा भक्‍ति करण का नियम-कानून दिनी, अर एक पवित्र तम्बू बणौणु कू बोलि।

गढवली नयो नियम

¹ व पैली वाचा जु भौत बगत पैली, मूसा का द्वारा इस्राएल देश का लुखुं तैं दिये गै छै। वेमा परमेश्वर की आराधना कनु कु पूरा नियम-कानून छा अर ईं धरती पर आराधना कु लुखुं का द्वारा बणये गै मिलाप कु एक पवित्र तम्बू भि छो।

इब्रानी 9:1 ပူးပေါင်းရင်းမြစ်များ

लूका 1:6

अर यू दुईया का दुई परमेस्वर की नजर मा धरमी छा, अर यू प्रभु की सब आज्ञाओं अर विधिओं को बिन गळती कर्यां पालन करदा छा।

रोमियों 9:4

अर या बात मि इलै बोन्‍नु छौं, किलैकि हम लोग इस्राएली छां, अर पिता परमेस्वर न हमतै अपणी औलाद होणु खुणि चुण्यूं च। अर हमरा पितरों न निर्जन जगा मा पिता परमेस्वर का बड़ा-बड़ा कामों तैं होन्द देखि। अर वेन ऊंका दगड़ा मा कई करार करिनी, अर मूसा रैबर्या का द्‍वारा हमरा पितरों तैं नियम-कानून दिनी, अर इन भि सिखै की कै तरीका से हमतै पिता परमेस्वर की भक्‍ति करण चयेणी, जु कि वेकी नजर मा सही च। अर वेन ऊंका दगड़ा मा भौत सा करार भि करिनी।

कुलुसी 2:8

अर चौकस रा, कखि कुई अपणी बेकार की बातों अर मन से बणईं शिक्षा का द्‍वारा तुमतै धोखा देके अपणु सिकार नि बणै द्‍यो, अर या शिक्षा मनखियों की बुलिं औखाणों अर दुनियां कि पुरणि शिक्षाओं का मुताबिक च, इन्दरि शिक्षा यीशु मसीह का मुताबिक नि च।

इब्रानी 8:13

अर इनकै एक नया करार तैं ठैरै के परमेस्वर न पैला वळा करार तैं पुरणु ठैरै दिनी। किलैकि जु चीज पुरणि अर कमजोर ह्‍वे जनदिन ऊ रद्‍द ह्‍वे जनदिन अर इनकै ऊंको नास ह्‍वे जान्दु।

इब्रानी 8:2

अर वीं पवित्र जगा मा उ महा पुरोहित बणि के पिता परमेस्वर की सच्‍चि सेवा कनु च। अर यू वे तम्बू का जन नि च जख पुरोहित लोग पैलि सेवा करदा छा, किलैकि वेतैं लोगु का द्‍वारा बणयै गै मगर जख यीशु मसीह च वीं जगा तैं स्वर्ग मा खुद पिता परमेस्वर न बणै।

इब्रानी 8:7

अर अगर जु पैला करार मा कुई कमी नि होन्दी, त फिर दुसरा करार की भि कुई जरुरत नि छै।

इब्रानी 9:24

इलै यीशु मसीह मनखियों का द्‍वारा बणयां मन्दिर की पवित्र जगा मा नि गै, जु कि असली चीजों को एक नमूना च, मगर उ वेका बदला स्वर्ग मा गै जख उ हमरि खातिर पिता परमेस्वर का समणि हाजिर रौन्दु।