इब्रानी 8:5 - Garhwali

⁵ अर असली पवित्र जगा स्वर्ग मा च अर ईं धरती का पुरोहित जख सेवा करदिन वु सिरफ वेको एक नमूना च। इलै जब मूसा रैबर्या ईं धरती पर पवित्र तम्बू तैं बणौण वळु छौ, त तम्बू बणौण से पैलि ही पिता परमेस्वर न वेतैं चितै दिनी कि, “ईं बात को ध्यान रखी कि जु नमूना त्वेतै सीनै पाड़ पर दिखये गै तू तम्बू तैं वेका मुताबिक ही बणै।”

गढवली नयो नियम

⁵ जु याजक का रूप मा उ काम करदींनि, उ भस वेकी एक नकल च जु स्वर्ग म च, पर यु उन नि च जन स्वर्ग म च, किलैकि जब मूसा मिलाप वला तम्बू तैं बनांणु कु तैयार हूंणु छो, तब पिता परमेश्वर ल वे तैं या चेतावनी द्ये, “देख स्वर्गीय मन्दिर कु जु नमूना त्वे तैं पोड पर दिखै गै छो, वेका हिसाब से सभि कुछ बणौ।”

इब्रानी 8:5 ပူးပေါင်းရင်းမြစ်များ

मत्ती 2:12

तब परमेस्वर न जोतिसों तैं सुपन्या मा चितै के बोलि कि, “सुणा, हेरोदेस का पास फिर नि जयां।” इलै ऊ दुसरा ही बाटा बटि अपणा देस कू चलि गैनी।

खास चेलों 7:44

“अर साक्षी को तम्बू जु कि निर्जन जगा मा हमरा पितरों का पास छौ, अर जैतैं बणौण की आज्ञा परमेस्वर न मूसा तैं देई छै अर इन बोलि छौ कि, ‘तम्बू को जु नमूना त्वेतै दिखये गै, वेका मुताबिक वेतैं बणौ।’

कुलुसी 2:17

अर यू सब नियम त केवल औण वळा बगत खुणि केवल छैल का जन च, मगर सच्‍चै यीशु मसीह ही च।

इब्रानी 10:1

दगड़्यों, जु नियम-कानून परमेस्वर का रैबर्या मूसा का द्‍वारा दिये गैनी वु त औण वळा बगत मा भली चीजों को एक नमूना छौ। अर छैल वळी चीज खुद भली नि ह्‍वे सकदिन, किलैकि यहूदी लोगु द्‍वारा हरेक साल बलिदान चड़ये जनदिन, त फिर जु लोग पिता परमेस्वर का पास औन्दिन ऊ कनकै शुद्ध ह्‍वे सकदिन।

इब्रानी 11:7

अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।

इब्रानी 12:25

इलै ईं बात तैं याद रखा कि, जब पितर मूसा न इस्राएली लोगु तैं परमेस्वर को रैबार सुणै त ऊं लोगु न आज्ञा को पालन नि कैरी अर वु लोग नि बचि सकिनी, इलै चौकस ह्‍वे जा किलैकि अब जब परमेस्वर सीदा स्वर्ग बटि हम से बात करदु, अर अगर अब हम भि आज्ञा नि मणद्‍यां त हम कनकै बचि सकुला।

इब्रानी 13:10

सुणा, जब यहूदी धरम का पुरोहित पवित्र तम्बू मा बलिदान चड़ौन्दा छा, त वु वेमा बटि कुछ खै सकदा छा, मगर यीशु मसीह एक बलिदान का रुप मा ऐ अर वेन अपणी दया हम पर कैरी। अर या दया ऊं पुरोहितों खुणि ना, बल्किन मा हम बिस्वासी लोगु खुणि च।

इब्रानी 9:9

इलै आज का दिन पर ईं बात को मतलब इन च कि हम लोग अपणा दान-बलिदान चड़ै के परमेस्वर की नजर मा अपणा जमीर तैं शुद्ध नि कैरी सकद्‍यां।

दिब्य दरस 15:5

अर यों सब बातों का बाद मिन स्वर्ग मा परमेस्वर का मन्दिर तैं याने कि पवित्र तम्बू तैं खुलद देखि।