इब्रानी 8:3 - Garhwali

³ अर हरेक महा पुरोहित तैं इलै ठैर्युं जान्दु ताकि उ पिता परमेस्वर का समणि अरपण मा चड़ईं भेंट अर बलिदान तैं लेके अऽ। अर ईं बात का मुताबिक हमरा महा पुरोहित यीशु का पास भि चड़ौणु खुणि कुछ ना कुछ होण चयेणु।

गढवली नयो नियम

³ किलैकि हर एक महायाजक तैं पापों की माफ कु भेंट अर बलिदान चढ़ौणे की जरूरत च, इलै ही जरूरी च, कि हमारा महायाजक, यीशु मा भि कुछ चढ़ौणु कु हो।

इब्रानी 8:3 ပူးပေါင်းရင်းမြစ်များ

यूहन्ना 6:51

अर जीवन की रुट्‍टी ज्वा स्वर्ग बटि अईं च, वा मि छौं। अर जु कुई ईं रुट्‍टी मा बटि खालु, उ सदनि खुणि ज्यून्दु रालु। अर ज्वा रुट्‍टी मि दुनियां का लोगु तैं जीवन देणु खुणि देन्दु छौं, उ मेरु बदन च।”

रोमियों 4:25

अर यीशु मसीह ही च जु कि हमरा अपराधों का खातिर मरणु खुणि पकड़वै गै, अर पिता परमेस्वर न वेतैं मुरदो मा बटि ज्यून्द कैरी, ताकि हम वे पर बिस्वास कैरिके धरमी ठैरैये जा।

रोमियों 5:6

अर जब हम पिता परमेस्वर से दूर छा, त वे ही बगत मा यीशु मसीह हम सभ्यों का खातिर मरे गै ताकि हमरु मेल-जोल परमेस्वर का दगड़ा मा ह्‍वे जौ।

रोमियों 5:8

मगर पिता परमेस्वर अपणा प्यार तैं हम मनखियों का खातिर दिखान्दु, किलैकि जब हम वेका खिलाप मा पाप पर पाप कना छा, त वे ही बगत मा यीशु मसीह मरे गै, ताकि वेकी मौत से हमतै फैदा हो।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

इब्रानी 2:17

इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्‍वारा भकलै भि गै मगर फिर भि उ खरु निकळि अर इन इलै ह्‍वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्‍वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्‍वारा भकलयै जान्दु।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

इब्रानी 5:1

अर हम जणदा ही छां, कि यहूदी लोगु मा एक महा पुरोहित तैं मनखियों का बीच मा बटि ही चुणै जान्दु, ताकि उ मनखियों का खातिर पिता परमेस्वर की सेवा कैरो, अर लोगु का कियां पाप खुणि अरपण मा चड़ईं भेंट अर बलिदान तैं पिता परमेस्वर का समणि चड़ै सैको।

इब्रानी 7:27

अर जन दुसरा महा पुरोहित पैलि अपणा पापों खुणि, अर फिर परजा का लोगु खुणि हरेक दिन परमेस्वर का समणि बलिदान चडौन्दिन, यीशु मसीह तैं इन करण की जरुरत नि च किलैकि वेन एक बार मा ही सब मनखियों का खातिर पिता परमेस्वर का समणि एक बलिदान का रुप मा खुद तैं दे दिनी।

इब्रानी 8:4

अगर जु यीशु मसीह ईं धरती पर होन्दु, त उ पुरोहित का पद पर कभि भि काम नि कैरी सकदु छौ, किलैकि इख त पैलि ही दुसरा पुरोहित मौजूद छा जु की मूसा का दियां नियम-कानून का मुताबिक पिता परमेस्वर खुणि भेंट चडौन्दिन।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।