इब्रानी 6:4 - Garhwali

^4-6 अर जथगा भि लोग एक बार पिता परमेस्वर का उज्याळा मा ऐ गैनी, वेन ऊंतैं बयना का रुप मा पवित्र आत्मा अर वेका दगड़ा-दगड़ि दान-बरदान भि दिनी, अर जु लोग शुभ समाचार अर औण वळा बगत मा नई दुनियां का बारा मा जणदिन, अगर इन्द्रया लोग बिस्वास करण से दूर ह्‍वे जा, त इन्द्रया लोगु तैं फिर से बिस्वास मा वापस लौण बड़ु कठिन च। अर तुम ईं बात तैं भि जाणि ल्या कि इन्द्रया लोग परमेस्वर का पुत्र यीशु तैं फिर से क्रूस पर चडौन्दिन, अर सभ्यों का समणि वे पर कलंक लगौन्दिन।

गढवली नयो नियम

⁴ जु लोग अपड़ा विश्वास तैं छोड़ी दींदिनि, ऊं तैं फिर से पछतांणै की स्थिति तक वापिस नि लये जा सकद; ऊंल एक बार पिता परमेश्वर का सत्य तैं पछयांणी जु पिता परमेश्वर की तरपां बट्टी आंद अर स्वर्ग बट्टी वरदान पांद अर ऊंल दूसरों दगड़ी मिल कै पवित्र आत्मा पै,

इब्रानी 6:4 ပူးပေါင်းရင်းမြစ်များ

मत्ती 12:45

तब उ खबेस वापिस जैके अपणा दगड़ा मा सात और भि बुरा खबेसों तैं लेके औन्दु, अर ऊ वे मनखि मा रौण लगि जनदिन, अर तब वे मनखि की दसा पैलि से भि और बुरी ह्‍वे जान्दी। ईं पीढ़ी का बुरा लोगु की हालत भि इन्‍नि ह्‍वेलि।”

मत्ती 5:13

तब यीशु न भीड़ का लोगु कू इन बोलि कि, “तुम ईं दुनियां मा लूण का जन छाँ। अर अगर जु लूण को स्वाद बिगाड़ि जौ, त फिर वेतैं कनकै नमकीन किये जै सकदु? फिर उ कै काम को नि रौन्दु। तब लोग वेतैं भैर ढोळि देन्दिन, अर उ मनखियों का खुटों तौळ पितड़े जान्दु।

यूहन्ना 15:6

अर जु कुई मि मा बणयूं नि रालु, त वेतैं फौंकि की तरौं काटी के फुंन ढुळै जालु। तब उ सूखि जान्दु, अर लोग वेतैं बटोळि के आग मा डालि देन्दिन अर ऊ फुके जनदिन।

यूहन्ना 3:27

तब यूहन्‍ना न बोलि, “जबरि तक मनखि तैं परमेस्वर की तरफा बटि नि दिये जौ, तबरि तक उ कुछ नि पै सकदु।

यूहन्ना 4:10

अर यीशु न वींकू बोलि, “अगर तुम परमेस्वर का बरदान तैं जणदा, अर यू भि जणदा की उ कु च, जु तुम बटि बोन्‍नु च, ‘मितैं पाणि पिलै द्‍या।’ त तुम वे बटि मंगदा, अर उ तुमतै जीवन देण वळु पाणि देन्दु।”

यूहन्ना 6:32

तब यीशु न ऊंकू बोलि, “मि तुम बटि सच्‍चि ही बोन्‍नु छौं, कि वा रुट्‍टी स्वर्ग बटि तुमतै मूसा न नि देई, बल्किन मा मेरु पिता ही तुमतै स्वर्ग बटि सच्‍चि रुट्‍टी देन्दु च।

खास चेलों 10:45

अर खतना कियां बिस्वासी लोग जु कि पतरस का दगड़ा मा अयां छा ऊंन देखि, कि जु लोग यहूदी जाति का नि छिन ऊंतैं भि पवित्र आत्मा को दान दिल खोली के दिये गै। अर यू देखि के वु लोग हकदक ह्‍वे गैनी।

खास चेलों 11:17

अर जब हमुन प्रभु यीशु मसीह पर बिस्वास कैरी, त परमेस्वर न हमतै पवित्र आत्मा दान का रुप मा दिनी, अर उई दान वेन ऊंतैं भि दिनी, त फिर परमेस्वर तैं रुकण वळु मि कु होन्दु।”

खास चेलों 15:8

अर परमेस्वर जु की सब लोगु का विचारों तैं जणदु, जन वेन हमतै पवित्र आत्मा दिनी, ठिक उन्‍नि वेन ऊं लोगु तैं भि पवित्र आत्मा दिनी जु यहूदी जाति का नि छिन। अर वेन इन साबित कैरियाली कि वु ऊंतैं भि स्वीकार करदु।

खास चेलों 8:20

मगर पतरस न वेकू बोलि, “तेरु अर तेरा दगड़ा मा तेरा रुपयों को भि विणास ह्‍वे जौ, किलैकि तिन इन सोची कि परमेस्वर का दान तैं रुपयोंळ खरीद द्‍यूं,

रोमियों 1:11

किलैकि मितैं तुम बटि मिलण कि भौत मनसा च, ताकि तुमतै परमेस्वर की तरफा बटि कुई आसिरबाद दे सैकु, ज्यां से कि तुम और भि जादा मजबूत ह्‍वे जा।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

गलातियों 3:2

अर मि तुम बटि बस इथगा पूछण चाणु छौं, कि तुमुन पिता परमेस्वर का द्‍वारा दियां पवित्र आत्मा का दान तैं, मूसा का दियां नियम-कानूनों का कामों का मुताबिक पै, या शुभ समाचार पर बिस्वास कैरिके?

गलातियों 3:5

अर मि तुम लोगु बटि इन भि पूछण चाणु छौं, कि जु पिता परमेस्वर तुमतै पवित्र आत्मा को दान देन्दु, अर तुमरा बीच मा सामर्थ का काम करदु, क्या उ यू सब इलै करदु, किलैकि तुम नियम-कानूनों को पालन करद्‍यां? ना इन नि च बल्किन मा वु त इलै करदु, किलैकि तुम लोगु न वेका शुभ समाचार पर बिस्वास कैरी।

इफिसुस 1:18

अर मि इन प्रार्थना करदु कि पिता परमेस्वर तुमरा मनों का आंख्यों तैं खोली द्‍यो, ताकि तुम जाणि सैका कि वा आस क्या च, ज्यां खुणि पिता परमेस्वर न तुमतै बुलै। अर वा बेशुमार दौलत क्या च, ज्वा वेन बिस्वासी लोगु तैं विरासत मा देण खुणि रखी च।

इफिसुस 2:8

किलैकि बिस्वास का द्‍वारा ही तुमतै बचयै गै, अर यू तुमरि तरफा बटि नि होयुं, बल्किन मा यू त परमेस्वर को दान च।

इफिसुस 3:7

अर पिता परमेस्वर न अपणा सामर्थ का द्‍वारा मि पर अपणी महान किरपा को काम कैरी, ताकि मि एक सेवक बणि के वेका शुभ समाचार तैं फैलाण को काम कैरुं।

इफिसुस 4:7

हे मेरा भै-बैंणो, यीशु मसीह न अपणा दान का मुताबिक हम सभ्यों पर अपणी किरपा कैरी

1 तीमुथियुस 4:14

अर जब बिस्वासी समुदाय का अध्यक्ष लोगु न तेरा मुण्ड़ मा हाथ रखी के भविष्यबाणी कैरी छै, तब त्वेतै जु दान-बरदान मिली छा, ऊं पर ध्यान देणु रौ।

2 तीमुथियुस 2:25

अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

2 तीमुथियुस 4:14

अर सिकन्दर जु कि भाँडा बणाण वळो च, वेन मितैं भौत दुख देई। अर जु कुछ भि रोज वेन मेरा दगड़ा मा कैरी, वेको बदला प्रभु ही वे बटि ल्यालु।

इब्रानी 10:32

हे मेरा भै-बैंणो, अपणा पुरणा दिनों तैं याद कैरा, जब तुमुन परमेस्वर का उज्याळा तैं अपणा जीवन मा पै छौ अर वे बगत मा ईं दुनियां का द्‍वारा जु कुछ भि तुमुन सै वेका बदला मा तुमुन हार नि माणी, बल्किन मा बिस्वास मा बणयां रयां।

इब्रानी 2:4

अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।

1 यूहन्ना 5:16

अर अगर तुम मा बटि कुई कै भै या बैंण तैं इन पाप करद देखो, जु की वेतैं परमेस्वर बटि हमेसा खुणि दूर नि करदु, त तुमतै वे खुणि प्रार्थना करण चयेणी। अर परमेस्वर वेतैं जीवन द्‍यालु, जैन इन पाप नि कैरी जैकी वजै से उ मनखि परमेस्वर से दूर ह्‍वे जौ। मगर कुछ पाप इन्द्रया भि छिन जु कि ऊंतैं परमेस्वर बटि हमेसा खुणि दूर कैरी देन्दिन, अर इन्दरि बातों का बारा मा प्रार्थना करणु खुणि मि नि बुल्दु।