इब्रानी 6:2 - Garhwali

² अर ना ही अब तुमतै ईं बात का बारा मा शिक्षा देण कि जरुरत च। जन कि, पाणि मा डुबकी लेके बपतिस्मा लेण का बारा मा, हाथ रखी के प्रार्थना करण का बारा मा या मुरदो मा बटि ज्यून्द होण का बारा मा, या फिर औण वळा बगत मा न्याय का बारा मा।

गढवली नयो नियम

² अर बपतिस्मा अर विश्वासियों पर हथ रखि के आशीष दींण की विधि, अर मुरयां लुखुं का ज्यून्दो हूंण, अर अनन्त विनाश की शिक्षारूपी बुनियाद, दुबरा नि डाला।

इब्रानी 6:2 ပူးပေါင်းရင်းမြစ်များ

मत्ती 28:19

इलै तुम जा, अर सब जाति का लोगु तैं चेला बणा, अर ऊंतैं पिता, पुत्र अर पवित्र आत्मा का नौ से बपतिस्मा द्‍या,

मत्ती 3:14

पर यूहन्‍ना इन बोलि के वेतैं रुकण लगि गै कि, “मितैं तुम बटि बपतिस्मा लेण की जरुरत च, अर तुम मेरा पास अयां छाँ?”

मरकुस 16:16

अर जु मनखि बिस्वास करलु, अर बपतिस्मा ल्यालु, वेतैं ही बचयै जालु, पर जु मनखि बिस्वास नि करलु, वु दोषी ठैरैये जालु।

मरकुस 7:4

जन कि, जबरि तक वु बजार बटि वापिस ऐके रीति-रिवाज का मुताबिक नहे नि जनदिन, तबरि तक वु खाणुक नि खै सकदिन, अर इन्‍नि और भि भौत सि बात छिन, जौं को पालन वु करदा छिन जन कि, कटोरों अर मगो तैं अर तांबो का भाँडो तैं धोण अर ऊंतैं मंजौण)।

मरकुस 7:8

अरे तुम लोग मनखियों कि रीति-रिवाजों पर ही चलणा छाँ, अर तुमुन परमेस्वर की आज्ञाओं तैं छोड़याली।”

लूका 11:38

तब फरीसी दल का मनखि न यू देखि अर हैरान ह्‍वे गैनी कि, वेन खाणुक खाण से पैलि अपणा हाथों तैं नि ध्वे।

लूका 12:50

अर मिन एक बपतिस्मा लेण, अर जबरि तक यू बपतिस्मा नि ले ल्यूं तबरि तक मिन इन्‍नि बेचैनी मा ही रौण?

लूका 14:14

तब त्वेतै परमेस्वर की तरफा बटि आसीस मिलेली, किलैकि ऊंका पास त्वेतै वापिस लौटाणु कू कुछ भि नि च। मगर मुरदो मा बटि ज्यून्द होण का दिन पर जब धरमी लोग ज्यून्दा होला, तब त्वेतै वेको फल मिली जालु।”

लूका 3:16

तब यूहन्‍ना न ऊं सभ्यों कू बोलि, “मि त तुमतै पाणिळ बपतिस्मा देणु छौं, पर उ औण वळु च, जु मिसे भि जादा ताकतबर च। अर मि ये लैख भि नि छौं कि वेका जुतों का तसमा भि खोली सैकु। अर उ तुमतै पवित्र आत्मा अर आग बटि बपतिस्मा द्‍यालु।

यूहन्ना 1:33

अर मि त वे मनखि तैं नि पछ्याणदु छौ, पर जै परमेस्वर न मितैं पाणि बटि बपतिस्मा देणु कू भेजि, वेन मिकू बोलि, कि ‘जै पर तू पवित्र आत्मा तैं उतरद अर ठैरिद दिखली, उई पवित्र आत्मा बटि बपतिस्मा देण वळु च।’

यूहन्ना 5:29

अर जथगा भि लोगु न भलै का काम करिनी, वु सब सदनि को जीवन जीणु खुणि ज्यून्दा होला। अर जथगा भि लोगु न बुरै का काम करिनी, वु सब दण्ड भुगणु खुणि ज्यून्दा होला।

खास चेलों 10:47

तब पतरस न बोलि, अब यों लोगु तैं पाणिळ बपतिस्मा लेण से कु रोकी सकदु? किलैकि जन हमतै पवित्र आत्मा दिये गै, ठिक उन्‍नि यों लोगु न भि पयेलि।

खास चेलों 13:3

अर जब ऊंकी उपवास प्रार्थना खतम ह्‍वे गै, त ऊंन बरनबास अर शाऊल पर हाथ रखी के आसीस देके बिदा कैरी।

खास चेलों 16:15

अर जब वींन अपणा घौर का सब लोगु समेत बपतिस्मा ले दिनी, त वींन हम से बिन्ती कैरी कि, “अगर तुम सच्‍चि मा मितैं प्रभु पर बिस्वास रखण वळी समझद्‍यां त आज मेरा घौर मा चलि के बासा रा।” अर वींन अपणा घौर औणु खुणि हमतै मणै दिनी।

खास चेलों 16:33

अर राति का वे ही बगत वु पतरस अर सीलास तैं अफ दगड़ा लि गै अर वेन ऊंका घौ ध्वेनि, अर वेका बाद जेलर न अपणा सब लोगु समेत तुरन्त बपतिस्मा लिनी।

खास चेलों 17:18

अर ये नगर मा इपिकूरी अर स्तोईकी नौ का दुई ज्ञानी दल छा, अर यों दलों मा बटि कुछ लोग पौलुस बटि मिलिनी। अर ऊं बटि कुछ लोगु न बोलि, “यू कचर-कचर करण वळु मनखि क्या च बोन्‍नु?” दुसरो न बोलि, “अरे यू त पता नि कौं द्‍यबतों का बारा मा बतौणु च।” (अर या बात त ऊंन इलै बोलि, किलैकि पौलुस यीशु का बारा मा, अर मुरदो मा बटि मा ज्यून्द होण का बारा मा बतौणु छौ)।

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

खास चेलों 23:6

अर पौलुस तैं ईं बात को पता चलि गै कि इख यहूदी लोगु को न्याय करण वळा लोगु का दुई दल जमा होयां छिन फरीसी अर सदूकी। तब वेन ऊँची मा बोलि, “हे मेरा भैयों, मि फरीसियों का वंश मदि छौं। अर मि मुरदो मा बटि ज्यून्द होण की आस रखदु, अर ईं बात का बानो मि पर मुकदमा चलणु च।”

खास चेलों 24:15

अर मि भि परमेस्वर पर अपणी आस रखदु, जन कि यू लोग खुद भि रखदिन, कि धरमी अर अधरमी लोग मुरदो मा बटि ज्यून्दा होला।

खास चेलों 24:21

हाँ, मि मणदु छौं कि मिन ऊं लोगु का बीच मा खड़ु ह्‍वेके ऊँची आवाज मा बोलि छौ, ‘मि मुरदो मा बटि ज्यून्द होण को बिस्वास करदु, बस ईं बात का खातिर ही मि पर मुकदमा चलणु च। अर अगर ईं बात का अलावा मि पर अगर कुई दुसरो इळजाम लग्यूं च त यू मितैं बता।’”

खास चेलों 24:25

अर जब पौलुस धरमी जीवन जीण का बारा मा, अर खुद तैं अपणा वश मा रखण का बारा मा, अर औण वळा न्याय का बारा मा बतौणु छौ, त फेलिक्स डौऽरी गै अर वेन बोलि, “अभि तू इख बटि चलि जा, अगर मौका मिललु त मि तुमतै बुलाणु खुणि रैबार भेजि द्‍यूलु।”

खास चेलों 26:8

महाराज मि एक सवाल पूछण चान्दु, आखिर तुम लोग ईं बात पर बिस्वास किलै नि करदिन? कि परमेस्वर मुरदो तैं ज्यून्दु करदु।

खास चेलों 4:2

अर वु लोग भौत गुस्सा मा छा किलैकि पतरस अर यूहन्‍ना यीशु को उदारण देके लोगु तैं सिखौणा छाँ, अर इन परचार कैरिके बतौणा छा कि उ मुरदो मा बटि ज्यून्द ह्‍वे गै।

खास चेलों 6:6

अर यों तैं यीशु का खास चेलों का समणि खड़ु किये गै। अर ऊंन यों सातों पर हाथ रखी के प्रार्थना कैरी।

रोमियों 2:16

अर यू सब कुछ आखिरी का दिन मा होलु, जब पिता परमेस्वर यीशु मसीह का द्‍वारा लोगु का गुप्‍त कामों को न्याय करलु। अर जै शुभ समाचार को परचार मि करदु उ यू ही च।

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

2 कुरिन्थि 5:10

किलैकि हम मा बटि हरेक तैं मसीह का न्याय आसन का समणि हाजिरा होण पोड़लु, ताकि हर मनखि जैन ये सरील मा रै के जन-जन काम कैरी होला, ऊंतैं ऊंका कामों का मुताबिक बदला दिये जौ अब चै वु अच्छा हो या बुरा।

फिलिप्पी 3:21

अर वेका पास सब कुछ अपणा वश मा करण की ताकत च, अर वांको इस्तेमाल कैरिके उ हमरा नास होण वळा सरील तैं कभि नास नि होण वळा सरील मा बदलि द्‍यालु।

कुलुसी 2:12

अर जब तुमुन बपतिस्मा ले, त तुमुन अपणा पापि सभौ तैं यीशु मसीह का दगड़ा मा दफनै दिनी। अर तुमतै पिता परमेस्वर की ताकत पर बिस्वास च जैन यीशु मसीह तैं मुरदो मा बटि ज्यून्दु कैरी, ठिक उन्‍नि वेन तुमतै भि वेका दगड़ा-दगड़ि नयू जीवन देके ज्यून्दु कैरी।

2 तीमुथियुस 2:18

जु इन बोलि के सच्‍चै का बाटा बटि भटक गैनी, कि हम त मुरदो मा बटि ज्यून्दा ह्‍वे ग्यां। इन बोलि के ऊंन कुछ लोगु का बिस्वास को नास कैरियाली।

इब्रानी 11:35

अर जु जनानियां पिता परमेस्वर पर बिस्वास करदी छै ऊंन अपणा मुरयां लोगु तैं फिर से ज्यून्द पै। मगर बिस्वास करण वळा भौत सा लोगु तैं सतयै गै अर कुछ तैं मरे गै, पर ऊंन बिस्वास करण नि छोड़ि ताकि परमेस्वर ऊंतैं मुरदो मा बटि ज्यून्द कैरो अर सदनि को जीवन द्‍यो।

इब्रानी 9:10

अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।