इब्रानी 4:16 - Garhwali

¹⁶ इलै आ, हम भि अपणा दया करण वळा पिता परमेस्वर की राजगद्‍दी का समणि निस फिकर ह्‍वेके जा, ताकि हम सभ्या का सभि वेसे मदद पौण खुणि वेकी दया अर किरपा तैं हासिल कैरी सैका।

गढवली नयो नियम

¹⁶ इलै आवा हम साहस का दगड़ी पिता परमेश्वर का संमणी आं, जु दयालु च, कि हम पर कृपा हो अर हम वीं कृपा तैं पां, जु जरूरत का बगत मा हमारी मदद करदी।

इब्रानी 4:16 ပူးပေါင်းရင်းမြစ်များ

इफिसुस 2:18

अर यीशु मसीह का द्‍वारा ही हम दुई दल का लोग, एक ही पवित्र आत्मा का द्‍वारा पिता का समणि जै सकद्‍यां।

इफिसुस 3:12

अर यीशु मसीह पर बिस्वास करण की वजै से ही हम लोग यकीन कैरिके, अर बिन डऽरयां पिता परमेस्वर का समणि ऐ-जै सकद्‍यां।

इब्रानी 13:6

इलै हम हिम्मत रखी के बुल्द्‍यां कि, “प्रभु मेरु मददगार च, मि कभि नि डऽरलु, अब कुई भि मनखि मेरु कुछ नि बिगाड़ि सकदु।”

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

इब्रानी 9:5

अर वे बक्सा का मथि दिब्य चमक वळा दुई स्वर्गदूत बणयां छा, जौं का दुई फाँकुड़ बक्सा से लेके पस्ताप करण वळी जगा तक फैल्यां छा। मगर अभि इथगा बगत नि च कि यों सब चीजों को बखान एक-एक कैरिके किये जौ।

1 पतरस 2:10

अर पैलि त तुम कुछ नि छा, मगर अब परमेस्वर का अपणा लोग छाँ। पैलि त तुम पर दया नि ह्‍वे छै, मगर अब तुम पर दया ह्‍वे गै।