इब्रानी 3:12 - Garhwali

¹² इलै हे मेरा प्यारा भै-बैंणो, चौकस रा कखि तुमरो मन बुरु अर बिस्वास करण मा कमजोर नि ह्‍वे जौ, किलैकि इन होण पर लोग ज्यून्दा परमेस्वर का पिछनै चलण छोड़ि देन्दिन।

गढवली नयो नियम

¹² हे विश्वासी भयों, चौकस रावा, कि तुम मा इन बुरो अर अविश्वासी मन नि हो, अर पिता परमेश्वर जु ज्यूँदो च वेका अनुसरण कन से मना नि कैरा।

इब्रानी 3:12 ပူးပေါင်းရင်းမြစ်များ

मत्ती 16:16

तब शमौन पतरस न जबाब देई, “गुरुजी, ज्यून्दा परमेस्वर का पुत्र मसीह तुम ही छाँ।”

मत्ती 24:4

तब वेन ऊंतैं जबाब दिनी, “चेतन रा, कुई भि तुमतै भरमै नि सैको।

मरकुस 13:23

पर तुम लोग चौकस रा, सुणा, यू सब कुछ मिन तुमतै पैलि ही बतैयालि।

मरकुस 13:33

इलै चौकस रा अर बिज्यां रा, किलैकि तुम नि जणद्‍यां कि उ बगत कब ऐ जालु।

मरकुस 13:9

“पर तुम अपणा बारा मा चौकस रा, किलैकि लोग तुमतै न्याय समितियों का हवाला करला अर तुमतै प्रार्थना भवनों मा पिटला, अर मेरा खातिर लोग तुमतै अधिकारीयों अर राजाओं का समणि खड़ा करला, अर यू वु अवसर होलु, जब तुम मेरा बारा मा बता।

लूका 21:8

तब यीशु न ऊंकू बोलि, “जब तुम लड़ै अर दंगों का बारा मा सुणिल्या, त घबरै नि जयां, किलैकि यों सब बातों को पैलि होण जरुरी च। पर वे बगत भि अन्त तुरन्त नि आलु, अर भौत सरा लोग मेरा नौ से आला अर बुलला कि, ‘मि उई छौं,’ अर इन भि बुलला कि उ ‘बगत नजदीक ऐ गै।’ पर मि तुमतै बतै देन्दु कि, तुम कै का पिछनै नि जयां, इलै चौकस रा कखि कुई तुमतै भरमै नि द्‍यो।”

रोमियों 11:21

किलैकि जब पिता परमेस्वर न डाळा का असली फौंक्यों तैं नि छोड़ि, त तुम क्या चीज छाँ?

1 कुरिन्थि 10:12

अर जु मनखि इन सुचदु कि मि अपणा बिस्वास मा मजबूत छौं, त वेतैं बड़ी साबधानी से अपणा बिस्वास मा और भि जादा मजबूत होण चयेणु, ताकि उ बिस्वास मा डगमगै नि जौ।

कुलुसी 2:8

अर चौकस रा, कखि कुई अपणी बेकार की बातों अर मन से बणईं शिक्षा का द्‍वारा तुमतै धोखा देके अपणु सिकार नि बणै द्‍यो, अर या शिक्षा मनखियों की बुलिं औखाणों अर दुनियां कि पुरणि शिक्षाओं का मुताबिक च, इन्दरि शिक्षा यीशु मसीह का मुताबिक नि च।

1 थिस्सलुनीकी 1:9

किलैकि वु सब लोग ईं बात तैं खुद ही बतौन्दिन, कि जब हम तुमरा इख ऐ छा, त तुमुन हमरु कथगा अच्छु तरीके से स्वागत कैरी छौ। अर इन भि कि कनकै तुमुन मूरत की भक्‍ति करण छोड़ि दिनी, अर ज्यून्दा अर सच्‍चा परमेस्वर की भक्‍ति करण लगि ग्यां।

इब्रानी 10:31

अर सुणा, ज्यून्दा परमेस्वर का हाथों मा पोड़ण बड़ी खतरनाक बात च।

इब्रानी 10:38

अर जु लोग मि पर बिस्वास करदिन वु अपणा बिस्वास करण की वजै से ज्यून्दु राला, पर जु पिछनै हटि जनदिन ऊंतैं देखि कर मि दुखी होन्दु।”

इब्रानी 12:15

अर बिस्वासी समुदाय मा तुम एक-दुसरा पर ध्यान द्‍या, ताकि तुम लोगु मा बटि कुई भि परमेस्वर कि किरपा पौण से दूर नि ह्‍वे जौ, अर ईं बात पर भि ध्यान द्‍या कि तुम लोगु मा कुई फूट पैदा नि हो, किलैकि इन्दरि बात दिक्‍कत करदी, अर भौत सा लोगु तैं बिगाड़ि देन्दी।

इब्रानी 12:22

हे मेरा भै-बैंणो, तुम कै इन्दरि जगा पर नि अयां छाँ, बल्किन मा सिय्योन नौ का ढौंडा का पास, ज्यून्द परमेस्वर का नगर याने की स्वर्गीय यरूशलेम का पास अयां छाँ, अर उख इथगा स्वर्गदूत छिन जौं की कुई गिनती नि च, अर वु सब उख आनन्द मणौन्दिन।

इब्रानी 12:25

इलै ईं बात तैं याद रखा कि, जब पितर मूसा न इस्राएली लोगु तैं परमेस्वर को रैबार सुणै त ऊं लोगु न आज्ञा को पालन नि कैरी अर वु लोग नि बचि सकिनी, इलै चौकस ह्‍वे जा किलैकि अब जब परमेस्वर सीदा स्वर्ग बटि हम से बात करदु, अर अगर अब हम भि आज्ञा नि मणद्‍यां त हम कनकै बचि सकुला।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

इब्रानी 3:10

इलै वे बगत का लोगु पर मितैं बड़ु गुस्सा ऐ, तब मिन बोलि, ‘यों लोगु का मन हमेसा मिसे दूर रौनदिन, अर जु कुछ मि ऊंतैं बतौण चान्दु, वेतैं वु स्वीकार नि करण चनदिन।’

इब्रानी 3:19

अर इनकै हमतै पता चलि जान्दु, कि वु लोगु परमेस्वर की आराम की जगा मा दाखिल नि ह्‍वे सकदिन, किलैकि ऊंन वे पर बिस्वास नि कैरी।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।