इब्रानी 2:9 - Garhwali

⁹ पर जब हम यीशु मसीह तैं दिखद्‍यां, त इन जणद्‍यां कि पिता परमेस्वर न वेतैं कुछ बगत खुणि ही स्वर्गदूतों से जरा कम कैरी। अर इन वेन इलै कैरी, किलैकि यीशु मसीह न सब मनखियों का खातिर मौत का स्वाद तैं चखी। अर ईं योजना का द्‍वारा पिता परमेस्वर न अपणी दया अर प्यार सब लोगु पर दिखै, मगर अब पिता परमेस्वर न यीशु तैं सबसे महान राजा का रुप मा आदर-सम्मान देके सबसे ऊँचो पद दियाली।

गढवली नयो नियम

⁹ पर हम प्रभु यीशु तैं दिखदियां, वे तैं कुछ बगत कु स्वर्गदूतों मा बट्टी थोड़ा सी कम करे गै, कि पिता परमेश्वर का दया ल उ सभियूं कु मोरि जौं अर इलै वेल यु दुःख उठै अर मोरि भि गै, पिता परमेश्वर ल वे तैं महिमा अर आदर द्ये।

इब्रानी 2:9 ပူးပေါင်းရင်းမြစ်များ

मत्ती 16:28

मि तुम बटि सच्‍च बोन्‍नु छौं कि जथगा लोग इख खड़ा छिन, ऊंमा बटि कुछ इन्द्रया भि छिन, जु कि तब तक नि मुरला जब तक की वु मनखि का पुत्र तैं वेका राज का दगड़ा मा औन्द देखि नि द्‍याला।”

मत्ती 6:28

त तुम अपणा कपड़ों खुणि किलै चिन्ता कना छाँ? अरे जंगळि फूलों तैं जरा ध्यान से त देखा कि ऊ कनकै खिल्दिन, नऽ त ऊ मेनत करदिन अर ना ही ऊ अफ खुणि कपड़ा बणौन्दिन।

मरकुस 9:1

अर यीशु न ऊंकू इन भि बोलि कि, “मि तुम से सच्‍च बोन्‍नु छौं कि जु इख खड़ा होयां छिन, ऊंमा बटि कुछ इन्द्रया भि छिन, जु की तब तक नि मुरला, जब तक की वु परमेस्वर तैं सामर्थ का दगड़ा मा राज करद देखि नि द्‍याला।”

लूका 9:27

“पर मि तुम बटि सच्‍च बोन्‍नु छौं, कि इख कुछ इन्द्रया भि खड़ा छिन, जु तब तक नि मुरला, जब तक की वु परमेस्वर का राज तैं देखि नि द्‍याला।”

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 10:17

“पिता मि बटि इलै प्यार करदु, किलैकि मि अपणी जान देन्दु छौं, ताकि मि वेतैं फिर से पै द्‍यूं।

यूहन्ना 12:32

अर जब मि ईं धरती मा बटि ऊँचा पर चड़ये जौलु, तब मि सभि लोगु तैं अफ जनै खैंचुलु।”

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

यूहन्ना 8:51

मि तुम बटि सच्‍चि ही बोन्‍नु छौं, कि अगर कुई मेरा वचनों का मुताबिक चलदु, त उ कभि नि मुरलु।”

यूहन्ना 8:52

तब यहूदियों न यीशु कू बोलि, “अब हमतै पूरु पता चलि गै, कि त्वे पर खबेस ही लग्यूं च। किलैकि अब्राहम त मोरि गै अर परमेस्वर का रैबर्या भि मोरि गैनी। पर तू बुल्दी कि, ‘अगर कुई मेरा वचनों का मुताबिक चलदु, त उ कभि नि मुरलु।’

खास चेलों 2:33

अर इन कैरिके यीशु न पिता परमेस्वर की दैंणी तरफा सबसे ऊँचो पद पै, अर पिता का कियां करार का मुताबिक पिता बटि पवित्र आत्मा तैं पैके वे करार तैं पूरु कैरी। अर आज वे ही करार का मुताबिक पवित्र आत्मा तैं वेन हम पर भि भरपूरी से दियाली। अर जु कुछ भि तुम दिखणा अर सुनणा छाँ, यू सब कुछ पवित्र आत्मा को काम च।

खास चेलों 3:13

अरे, यू सब आदर-सम्मान त हमरा पितरों का परमेस्वर याने कि अब्राहम का परमेस्वर, इसहाक का परमेस्वर अर याकूब का परमेस्वर न अपणा सेवक हमरा प्रभु यीशु तैं देई, हाँ, वे ही यीशु तैं जैतैं तुमुन पकड़वै दिनी। अर गवर्नर पिलातुस न वेतैं छुड़ण को विचार कैरी, पर तुमुन वेका समणि यीशु तैं नकारी दिनी।

रोमियों 5:18

इलै जन आदम का एक बार अपराध करण का द्‍वारा परमेस्वर न सब मनखियों तैं मौत की आज्ञा दिनी, ठिक उन्‍नि यीशु मसीह का द्‍वारा अपणु जीवन एक बार देण से ही सब लोगु तैं इन मौका मिली गै कि वु पिता परमेस्वर की नजर मा धरमी जीवन ज्या अर सदनि को जीवन तैं पै सैका।

रोमियों 5:8

मगर पिता परमेस्वर अपणा प्यार तैं हम मनखियों का खातिर दिखान्दु, किलैकि जब हम वेका खिलाप मा पाप पर पाप कना छा, त वे ही बगत मा यीशु मसीह मरे गै, ताकि वेकी मौत से हमतै फैदा हो।

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

रोमियों 8:32

अर यू सच्‍च च कि पिता परमेस्वर न हमरि खातिर अपणा पुत्र तैं भि नि छोड़ि, बल्किन मा वेन वेतैं भि हमरि खातिर दे दिनी, त वु ही परमेस्वर हमतै यीशु मसीह का दगड़ा मा सब कुछ द्‍यालु।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

1 तीमुथियुस 2:6

अर वेन हरेक मनखि तैं वेका पापों बटि छुटकारा देण खुणि, अफ तैं एक दाम का रुप मा दे दिनी। अर इन कैरिके वेन ठिक बगत पर इन गवै देई, कि वेकी मनसा इन च कि हरेक मनखि तैं बचयै जौ।

इब्रानी 1:9

मि परमेस्वर छौं मि वु परमेस्वर छौं जैकी सेवा तू करदी, अर तिन वेसे प्यार कैरी जु कि मेरी नजर मा सही च, अर जु गळत च वेसे तिन नफरत कैरी। इलै मिन तेरा सब दगड़्यों मा बटि तेरु अभिषेक कैरिके त्वेतै सबसे ऊँचो पद दियाली।”

इब्रानी 10:5

इलै जब यीशु मसीह ईं दुनियां मा औण वळु छौ, त वेन अपणा बारा मा इन बोलि जन कि पवित्रशास्‍त्र मा भि लिख्यूं च कि, “हे मेरा परमेस्वर, तुमुन बलिदान अर भेंट नि चै, पर तुमुन मि खुणि एक सरील तयार कैरी।

इब्रानी 11:5

अर बिस्वास का द्‍वारा ही पितर हनोक तैं परमेस्वर न ज्यून्द ही स्वर्ग मा उठे दिनी, अर ईं दुनियां का लोगु तैं इन पता ही नि चलि कि वु कख गै। अर परमेस्वर न इन इलै कैरी ताकि वेकी मौत नि हो, किलैकि वेका उठये जाण से पैलि परमेस्वर पितर हनोक से खुश ह्‍वे, अर वेतैं स्वीकार कैरी।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

इब्रानी 2:7

तुमुन वेतैं कुछ बगत खुणि ही स्वर्गदूतों से जरा कम कैरी, अर फिर वेतैं आदर-सम्मान को मुकुट पेनै के सब कुछ वेका हाथों मा सौंपी, ताकि सब कुछ वेका अधीन मा रौ।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

इब्रानी 8:3

अर हरेक महा पुरोहित तैं इलै ठैर्युं जान्दु ताकि उ पिता परमेस्वर का समणि अरपण मा चड़ईं भेंट अर बलिदान तैं लेके अऽ। अर ईं बात का मुताबिक हमरा महा पुरोहित यीशु का पास भि चड़ौणु खुणि कुछ ना कुछ होण चयेणु।

1 पतरस 1:21

अर यीशु मसीह ही च जैका द्‍वारा तुम पिता परमेस्वर पर बिस्वास करद्‍यां, जैन वेतैं मुरदो मा बटि ज्यून्द कैरी अर पिता परमेस्वर न ही वेतैं आदर-सम्मान दिनी। इलै तुमरि आस अर बिस्वास पिता परमेस्वर पर ही बणयूं रौ।

1 यूहन्ना 2:2

अर याद रखा की यीशु मसीह न अपणी इच्छा से हम खुणि अपणु बलिदान देई, ताकि वेका द्‍वारा पिता परमेस्वर हमरा पापों तैं माफ कैर द्‍यो, अर बस हमरा ही पापों तैं ना, बल्किन मा सरी दुनियां का लोगु का पापों तैं भि माफ कैरो।

दिब्य दरस 19:12

वेका आंखा आग की झौऽळ की तरौं छिन, अर वेका मुण्ड़ पर भौत सा मुकुट रख्यां छिन। अर वेको नौ वे पर लिख्यूं च, जैको मतलब वेका अलावा और कुई भि नि जणदु,

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”