इब्रानी 2:6 - Garhwali

⁶ अर पवित्रशास्‍त्र मा राजा दाऊद इन बुल्दु कि, “हे मेरा परमेस्वर, मनखि क्या च कि तुम वेकी चिन्ता करद्‍यां? या मनखि को पुत्र क्या च, कि तुम वेकी परवा करद्‍यां?

गढवली नयो नियम

⁶ जन परमेश्वर का वचन मा कखी, यु लिख्युं च, “मनिख क्य च, कि तू वेकी सुध लींदी? लोग की छिनी कि पिता परमेश्वर, ऊंकी चिंता कैरो या ऊंकी देखभाल कैरो? उ मनिख का नौंना बट्टी जादा कुछ भि नि च।

इब्रानी 2:6 ပူးပေါင်းရင်းမြစ်များ

लूका 1:68

अर बुलण लगि गै कि, “प्रभु जु की इस्राएली लोगु को परमेस्वर च, उ धन्य च। किलैकि उ अपणा लोगु की मदद करणु कू अयूं च, अर वेन ऊंतैं छुटकारा भि दियाली।

लूका 1:78

अर यू सब हमरा परमेस्वर की बड़ी दया से होलु। अर ईं दया का बाना मथि बटि हम पर सुबेर को उज्याळु चमकलु।

लूका 7:16

अर यू देखि के सब लोग डौऽरी गैनी, अर परमेस्वर की बडै कैरिके बोन्‍न लगि गैनी कि, “हमरा बीच मा परमेस्वर को एक बड़ु रैबर्या ऐ गै, अर परमेस्वर अपणा लोगु की मदद करण खुणि ऐ गै।”

1 थिस्सलुनीकी 4:6

इलै तुम मा बटि कुई भि कै बिस्वासी भै या बैंण तैं, अपणी बातों मा फंसै के गळत सम्बन्ध रखण को पाप नि कैरो। किलैकि हमुन तुमतै पैलि ही चितैयाली छौ, कि जु कुई भि इन पाप करदु उ प्रभु बटि दण्ड पालु।

इब्रानी 4:4

किलैकि हम यू जणद्‍यां छां कि पिता परमेस्वर न दुनियां बणौण का बगत मा अपणा सब काम तैं पूरु कैरी। अर पवित्रशास्‍त्र मा सातवां दिन का बारा मा कुछ इन लिख्यूं च कि, “परमेस्वर न अपणा सब काम करण का बाद सातवां दिन मा आराम कैरी।”

इब्रानी 5:6

अर पवित्रशास्‍त्र की दुसरि जगा मा परमेस्वर इन बुल्दु कि, “मलिकिसिदक की तरौं तू भि सदनि खुणि पुरोहित रैलि।”

1 पतरस 1:11

अर परमेस्वर का ऊं रैबर्यों मा मसीह को आत्मा छौ, जु कि यीशु मसीह का दुख-तकलीफो का बार मा पैलि बटि ऊंतैं बतौणु छौ। अर परमेस्वर का ऊं रैबर्यों न इन जनण की पूरि कोसिस कैरी, कि मसीह को आत्मा ऊंतैं क्या-क्या दिखौणु च, अर ऊंन सब बातों तैं जनण कि कोसिस कैरी, कि ऊ सब दुनियां मा कब अर कनकै होलि।