इब्रानी 2:2 - Garhwali

² अर ज्वा शिक्षा पिता परमेस्वर न स्वर्गदूतों का द्‍वारा दिनी वा सच्‍च छै, अर जैन भि वेको पालन नि कैरी वेतैं दण्ड मिली।

गढवली नयो नियम

² उ व्यवस्था जैका बारा मा पिता परमेश्वर ल स्वर्गदूतों का द्वारा बोलि वे तैं सच दिखै गै, अर जु कुई भि वे तैं नि मंणदु, वे तैं पिता परमेश्वर दण्ड दयालो।

इब्रानी 2:2 ပူးပေါင်းရင်းမြစ်များ

खास चेलों 7:53

तुम त उई छाँ, जौन नियम-कानूनों तैं परमेस्वर का स्वर्गदूतों का द्‍वारा पै, मगर फिर भि तुमुन ऊंको पालन नि कैरी।’”

गलातियों 3:19

अब तुम सुचणा ह्‍वेल्या, कि फिर नियम-कानूनों तैं देण की क्या जरुरत रै होलि? अरे, यू सब त इलै ह्‍वे, ताकि नियम-कानूनों का द्‍वारा मनखियों तैं अपणा सब पापों को पता चलि जौ। अर जबरि तक करार को वंशज यीशु मसीह ऐ नि गै, नियम-कानून भि तबरि तक ही छा। अर वे बगत नियम-कानून स्वर्गदूत का द्‍वारा परमेस्वर का रैबर्या मूसा तैं दिये गैनी, अर वे बगत पितर मूसा न परमेस्वर अर मनखियों का बीच बिचलु होण को काम कैरी।

इब्रानी 1:1

हे मेरा दगड़्यों, जन कि तुम जणदा ही छाँ, कि पुरणा जमना मा पिता परमेस्वर न हमरा पितरों का दगड़ा मा रैबर्यों का द्‍वारा कई बार अलग-अलग तरीका से बात कैरी।

इब्रानी 10:28

किलैकि जु मनखि मूसा रैबर्या का दियां नियम-कानून तैं मनण से इनकार कैरी देन्दु छौ, वे पर दया नि किये गै बल्किन मा दुई या तीन लोगु का द्‍वारा देई गवै से वेतैं मरे जान्दु छौ।

इब्रानी 10:35

इलै प्रभु यीशु पर अपणु बिस्वास बणै के रखा किलैकि वेका बदला मा तुमतै एक बड़ु इनाम मिलण वळु च।

इब्रानी 11:26

किलैकि पितर मूसा न ईं बात तैं स्वीकार कैरियाली छौ, कि अगर जु मसीह का खातिर वेकी बेजती भि ह्‍वे जालि तभि भि वा बेजती मिस्र देस की धन-दौलत से भौत जादा बढी के च। अर इन किलैकि मूसा को ध्यान वे इनाम की तरफा छौ, जु कि आखिरी मा परमेस्वर वेतैं देण वळु छौ।

इब्रानी 11:6

अर बिस्वास का बगैर परमेस्वर तैं खुश करण नामुमकिन च, किलैकि जु परमेस्वर का पास औन्दु, वेतैं इन बिस्वास करण जरुरी च कि परमेस्वर सच्‍चि मा च अर वु ऊं लोगु तैं इनाम देन्दु जु पूरि तरौं से वेतैं खुज्यौदिन।

इब्रानी 12:25

इलै ईं बात तैं याद रखा कि, जब पितर मूसा न इस्राएली लोगु तैं परमेस्वर को रैबार सुणै त ऊं लोगु न आज्ञा को पालन नि कैरी अर वु लोग नि बचि सकिनी, इलै चौकस ह्‍वे जा किलैकि अब जब परमेस्वर सीदा स्वर्ग बटि हम से बात करदु, अर अगर अब हम भि आज्ञा नि मणद्‍यां त हम कनकै बचि सकुला।

2 पतरस 1:19

अर इन कैरिके भविष्यबाणी का जु वचन हमरा पास छिन, ऊं पर भि छाप लगये गै। अर तुम ऊं वचनों पर अपणु मन लगै के अच्छु काम कना छाँ, किलैकि जब तक सुबेर नि होन्दी, तब तक सूरज नि निकळदु, अर यू वचन वे जळ्दा द्‍यू का जन च जु अन्धेरा मा चमकदु, याने कि जु आज तुमरा दिलों मा चमकणु च।

यहूदा 1:5

हालांकि, यों सब बातों का बारा मा तुम पैलि बटि जणद्‍यां, मगर फिर भि मि तुमतै याद दिलौण चान्दु कि प्रभु न अपणा लोगु तैं मिस्र देस बटि छुड़ै, अर मिस्र देस बटि निकळण का बाद जौं लोगु न बिस्वास नि कैरी, ऊंको नास कैर दिनी।