इब्रानी 13:6 - Garhwali

⁶ इलै हम हिम्मत रखी के बुल्द्‍यां कि, “प्रभु मेरु मददगार च, मि कभि नि डऽरलु, अब कुई भि मनखि मेरु कुछ नि बिगाड़ि सकदु।”

गढवली नयो नियम

⁶ इलै हम बगैर कै डौर का बोलि सकदा, “प्रभु, मेरू मददगार च; मि तैं कैकी डौर नि च, कुई भि आदिम मेरू कुछ नि कैरी सकद।”

इब्रानी 13:6 ပူးပေါင်းရင်းမြစ်များ

मत्ती 10:28

अर ऊं लोगु बटि नि डौऽरा जु तुमरि जान त ले सकदिन, मगर तुमरि आत्मा को नास नि कैरी सकदिन। पर मि तुमतै चितै देन्दु कि तुमतै परमेस्वर पर अपणी पूरि सरदा रखण चयेणी, अर वेसे डऽरण भि चयेणु, किलैकि उ तुमरा सरील अर आत्मा दुईयों तैं नरकलोक मा डालि के नास करण की ताकत रखदु।

रोमियों 8:31

हे मेरा भै-बैंणो, अब मि तुमतै इन बतौण चान्दु, कि यों सब बातों की एक ही बात च अर वा या च कि अगर जु पिता परमेस्वर हमरि तरफा च, त हमरु विरोध करण वळु कुई भि नि ह्‍वे सकदु।

इफिसुस 3:12

अर यीशु मसीह पर बिस्वास करण की वजै से ही हम लोग यकीन कैरिके, अर बिन डऽरयां पिता परमेस्वर का समणि ऐ-जै सकद्‍यां।

इब्रानी 10:19

इलै हे मेरा भै-बैंणो, अब हमरा पास पिता परमेस्वर का घौर मा एक बड़ु महा पुरोहित याने की यीशु मसीह च। हाँ, यीशु जैन हमरा खातिर अपणु जीवन देई अर अपणा ल्वे की ताकत से वेन मन्दिर का वे परदा तैं हटै दिनी जख आम लोगु नि जै सकदा छा। अर इनकै यीशु मसीह न एक नयू बाटु दिखै जु कि हमतै नया जीवन की तरफा लेके जान्दु। इलै अब एक यीशु मसीह ही च जु कि हमतै हिम्मत देन्दु की हम महा पवित्र जगा मा दाखिल ह्‍वे सैका।

इब्रानी 4:16

इलै आ, हम भि अपणा दया करण वळा पिता परमेस्वर की राजगद्‍दी का समणि निस फिकर ह्‍वेके जा, ताकि हम सभ्या का सभि वेसे मदद पौण खुणि वेकी दया अर किरपा तैं हासिल कैरी सैका।