इब्रानी 13:2 - Garhwali

² अर अणजाण लोगु की भि सेवा-भगत करण नि बिसरयां, किलैकि तुमतै पता होण चयेणु कि सेवा-भगत का खातिर कुछ लोगु न बिना जणयां ही स्वर्गदूतों को भि बड़ु आदर-सम्मान कैरी।

गढवली नयो नियम

² जु विश्वासी लोग तुम तैं पैली कभी भि नि मिलिनि, ऊं तैं अपड़ा घौर मा स्वागत कन नि भूला, किलैकि यांका द्वारा कथगों ल अनजाना मा स्वर्गदूतों कु आदर-सत्कार कैरी।

इब्रानी 13:2 ပူးပေါင်းရင်းမြစ်များ

मत्ती 25:35

किलैकि जब मि भूकि छौ त तुमुन मितैं खाणु खिलै, अर जब मि तिसलु छौ, त तुमुन मेरी तीस बुझै, अर मि तुम खुणि अणजाण छौ, पर फिर भि तुमुन मितैं अपणा घौर मा जगा दिनी।

मत्ती 25:40

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु भलै तुमुन मि पर बिस्वास करण वळा लोगु का दगड़ा मा करिनी जौं तैं लोग कुछ नि समझदिन, वु सब भलै तुमुन मेरा दगड़ा मा ही करिनी।’

मत्ती 25:43

अर जब मि तुम खुणि अणजाण छौ, त तुमुन मितैं अपणा घौर मा जगा नि दिनी। अर जब मि बिन कपड़ों को छौ, त तुमुन मितैं कपड़ा नि दिनी, अर जब मि बिमार छौ, अर जेलखाना मा छौ तब तुम मितैं मिलण कू नि अयां।’

खास चेलों 16:15

अर जब वींन अपणा घौर का सब लोगु समेत बपतिस्मा ले दिनी, त वींन हम से बिन्ती कैरी कि, “अगर तुम सच्‍चि मा मितैं प्रभु पर बिस्वास रखण वळी समझद्‍यां त आज मेरा घौर मा चलि के बासा रा।” अर वींन अपणा घौर औणु खुणि हमतै मणै दिनी।

रोमियों 12:13

अर पिता परमेस्वर का लोगु का दगड़ा मा अपणी चीजों को साझा कैरा, अर अणजाण लोगु को भि अपणा घौर मा स्वागत कैरा।

रोमियों 16:23

अर गयुस भै न मितैं अर समुदाय का सब लोगु तैं अपणु घौर इस्तेमाल करणु खुणि दियूं च, अर वु सब लोग भि तुम खुणि सलाम बोन्‍ना छिन। अर ये नगर का कोष अध्यक्ष इरास्तुस भै अर हमरु क्‍वारतुस भै भि तुम खुणि सलाम बोन्‍नु च। [

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

तीतुस 1:8

पर उ त मैमानों की सेवा-भगत करण वळु, अर भलै तैं पसन्द करण वळु, सबर रखण वळु, ठिक न्याय करण वळु हो, अर खुद पर वस रखण वळु, अर पवित्र हो।

1 पतरस 4:9

अर बिना कचर-कचर कर्यां, एक-दुसरा की मैमानदारी कैरा।

3 यूहन्ना 1:5

हे मेरा प्यारा भै गयुस, तू भै-बैंणो की भलै खुणि भौत कुछ कनि छैई, अर ठिक उन्‍नि तू अणजाण लोगु खुणि भि कनि छैई, अर या ही बात तेरी वफादारी को सबूत च।