इब्रानी 11:7 - Garhwali

⁷ अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।

गढवली नयो नियम

⁷ विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।

इब्रानी 11:7 ပူးပေါင်းရင်းမြစ်များ

मत्ती 2:12

तब परमेस्वर न जोतिसों तैं सुपन्या मा चितै के बोलि कि, “सुणा, हेरोदेस का पास फिर नि जयां।” इलै ऊ दुसरा ही बाटा बटि अपणा देस कू चलि गैनी।

मत्ती 24:15

अर यीशु न ऊंकू इन भि बोलि, “परमेस्वर का रैबर्या दानिय्येलळ न अपणी किताब मा एक खण्डर करण वळी खतरनाक अर भौत बुरी चीज का बारा मा लिख्यूं च। अर एक दिन तुम दिखल्या कि वा बुरी चीज परमेस्वर की पवित्र जगा तैं अशुद्ध करली (जु पढणु च उ ईं बात तैं समझि ल्यो)।

मत्ती 24:25

अर सुणा, यू सब कुछ मिन तुमतै पैलि ही बतैयालि।

मत्ती 24:38

अर नूह का दिनों मा जब तक जल परलय नि ह्‍वे गै छौ, अर जबरि तक नूह जाज मा नि चैड़ि छौ, वे दिन तक लोग खाणा-पीणा छा, अर अपणा आपस मा ब्यौ खुणि दिये जाणा छा।

मत्ती 3:7

अर जब यूहन्‍ना न भौत सरा फरीसी दल का लोगु तैं अर सदूकियों तैं बपतिस्मा लेण कू अपणा पास औन्द देखि, त वेन ऊंकू बोलि, “हे गुरौ का बच्‍चों, तुमतै कैन चितै की परमेस्वर का औण वळा परकोप से दूर भागा?

लूका 17:26

अर ठिक जन नूह का दिनों मा ह्‍वे छौ, उन्‍नि मनखि का पुत्र का दिनों मा भि होलु।

रोमियों 1:17

किलैकि मनखियों तैं धरमी बणौणु खुणि शुभ समाचार परमेस्वर का द्‍वारा ही मिलदु। अर जब मनखि शुरुवात बटि आखिरी तक बिस्वास करदु तब उ परमेस्वर की नजर मा धरमी साबित होन्दु। अर जन कि पवित्रशास्‍त्र मा भि लिख्यूं च कि, “जु मनखि परमेस्वर की नजर मा धरमी च, उ बिस्वास करण की वजै से ज्यून्द रालु।”

रोमियों 10:6

मगर बिस्वास का द्‍वारा पिता परमेस्वर की नजर मा धरमी साबित होण का बारा मा पवित्रशास्‍त्र मा कुछ इन लिख्यूं च कि, “तुम अपणा मन मा इन नि सोचा, कि कु च वु जु कि स्वर्ग जालु?” (अर ईं बात को मतलब यू च कि कु च वु, जु कि मसीह तैं धरती पर मूड़ी लेके आलु)।

रोमियों 3:22

अर यू सब कुछ तब होन्दु जब हम यीशु मसीह पर बिस्वास करद्‍यां, अर वेका द्‍वारा ही हम लोग धरमी ठैरैये जन्द्‍यां। अर जु कुई यीशु मसीह पर बिस्वास करदु, पिता परमेस्वर वे मनखि का दगड़ा मा कुई भेदभाव नि करदु।

रोमियों 4:11

हाँ, या बात सच्‍च च कि पिता परमेस्वर न वेतैं पैलि स्वीकार कैरिके धरमी ठैरै दिनी, जब कि वे बगत वेको खतना भि नि होयुं छौ। अर इन वेन इलै कैरी, किलैकि पितर अब्राहम न वे पर बिस्वास कैरी। इलै खतना करण हमरा पितर अब्राहम खुणि एक चिन्‍न छौ, ताकि पितर अब्राहम ऊं सभ्यों को बुबा बणि जौ, जु पिता परमेस्वर पर बिस्वास त करदा छिन, मगर अपणु खतना नि करौन्दिन। इलै वु सब लोग अपणा बिस्वास करण की वजै से ही पिता परमेस्वर की नजर मा धरमी मणै जनदिन।

रोमियों 4:13

अर यू सब कुछ मूसा का दियां नियम-कानून का मुताबिक नि ह्‍वे, बल्किन मा पिता परमेस्वर न त वेसे भि पैलि पितर अब्राहम का दगड़ा मा करार कैरी छौं, कि उ अर वेका वंश का लोग ईं दुनियां का वारिस होला। अर यू सब त इलै नि ह्‍वे, किलैकि वेन नियम-कानूनों को पालन कैरी, बल्किन मा यू त इलै ह्‍वे किलैकि पितर अब्राहम न पिता परमेस्वर पर बिस्वास कैरी। अर पिता परमेस्वर न भि वेतैं एक धरमी मनखि का रुप मा स्वीकार कैरी।

रोमियों 9:30

इलै हम इन बोलि सकद्‍यां, कि ईं बात को मतलब यू च कि जु लोग यहूदी जाति का नि छिन ऊंन जादा कोसिस नि कैरी, कि पिता परमेस्वर ऊंतैं अपणी नजर मा धरमी साबित कैरो, मगर जब ऊंन यीशु मसीह पर बिस्वास कैरी तब पिता परमेस्वर ऊंतैं अपणी नजर मा धरमी ठैरै दिनी।

गलातियों 5:5

मगर हम लोग यीशु मसीह पर बिस्वास करण का द्‍वारा परमेस्वर का समणि धरमी होण कि आसा रखद्‍यां। अर पवित्र आत्मा कि मददळ हम ईं बात को इंतजार बेसबरि से कना छां।

फिलिप्पी 3:9

अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।

इब्रानी 11:1

हे मेरा भै-बैंणो, सुणा, अब मि तुमतै बतै देन्दु की बिस्वास क्या च, बिस्वास ऊं बातों पर पक्‍कु यकीन च जौं बातों की आस हम रखदा छां, मगर वु दिखेन्दी नि छिन।

इब्रानी 12:25

इलै ईं बात तैं याद रखा कि, जब पितर मूसा न इस्राएली लोगु तैं परमेस्वर को रैबार सुणै त ऊं लोगु न आज्ञा को पालन नि कैरी अर वु लोग नि बचि सकिनी, इलै चौकस ह्‍वे जा किलैकि अब जब परमेस्वर सीदा स्वर्ग बटि हम से बात करदु, अर अगर अब हम भि आज्ञा नि मणद्‍यां त हम कनकै बचि सकुला।

इब्रानी 5:7

अर जब यीशु मसीह ईं धरती पर छौ त वे बगत वेन ऊँची आवाज मा परमेस्वर तैं बुलै अर रुवे-रुवे के वेसे बिन्ती कैरी जु की वेतैं मौत से बचै सकदु छौ। अर पिता परमेस्वर न वेकी प्रार्थना तैं सुणी, किलैकि यीशु न वे पर अपणी पूरि सरदा रखी के खुद तैं वेका सुपुर्द कैरी दिनी।

इब्रानी 8:5

अर असली पवित्र जगा स्वर्ग मा च अर ईं धरती का पुरोहित जख सेवा करदिन वु सिरफ वेको एक नमूना च। इलै जब मूसा रैबर्या ईं धरती पर पवित्र तम्बू तैं बणौण वळु छौ, त तम्बू बणौण से पैलि ही पिता परमेस्वर न वेतैं चितै दिनी कि, “ईं बात को ध्यान रखी कि जु नमूना त्वेतै सीनै पाड़ पर दिखये गै तू तम्बू तैं वेका मुताबिक ही बणै।”

1 पतरस 3:20

अर जै बगत पितर नूह, पिता परमेस्वर का बुलण का मुताबिक जाज बणौणु छौ, वे बगत का लोगु न परमेस्वर की आज्ञा को पालन नि कैरी, अर पिता परमेस्वर सबर रखी के इन इंतजार कनु छौ, कि ऊ अपणा चाल-चलन मा बदळौ लेके आला, मगर इन नि ह्‍वे। तब पिता परमेस्वर न जल परलय कैरी, अर वे बगत मा कुछ ही लोग जाज मा बैठि के बचयै गैनी, अर ऊं मनखियों की गिनती आठ छै।

2 पतरस 1:1

हे मेरा भै-बैंणो, मि शमौन पतरस यीशु मसीह को सेवक अर एक खास चेला छौं। मि या चिठ्‍ठी तुम सभ्यों खुणि लिखणु छौं, जौं तैं पिता परमेस्वर की तरफा बटि यू कीमती मौका मिल्यूं च, कि हम सब छुटकारा देण वळा यीशु मसीह पर बिस्वास कैरा। अर यीशु मसीह ही च, जु कि परमेस्वर की नजर मा धरमी च।

2 पतरस 2:5

अर परमेस्वर न पुरणा जमना मा भि दुनियां का बुरा लोगु तैं नि छोड़ि, वेन त ऊं अधरमी लोगु को जल परलय का द्‍वारा नास कैरी, मगर धरम को परचार करण वळा हमरा पितर नूह अर वेका परिवार का सात लोगु तैं बचै।

2 पतरस 3:6

अर येका द्‍वारा ही वे बगत मा या धरती पाणि का जल परलय से डुबी अर नास ह्‍वे गै।