इब्रानी 11:3 - Garhwali

³ अर हम परमेस्वर पर बिस्वास करद्‍यां अर वां से इन जणद्‍यां कि परमेस्वर का वचन का द्‍वारा पूरि दुनियां बणयै गै, इलै जु कुछ हम दिखणा छा वु ऊं चीजों बटि बणि जु कि दिखेन्दु नि च।

गढवली नयो नियम

³ विश्वास ही ल हम जणदां, कि सैरी दुनिया की रचना पिता परमेश्वर का वचन का द्वारा हवे; इलै हम जु भि दिखदा उ वीं चीजों बट्टी नि बणयूं जौं तैं दिखै नि जै सकद।

इब्रानी 11:3 ပူးပေါင်းရင်းမြစ်များ

यूहन्ना 1:3

अर सब कुछ वेसे बणयै गै अर जु कुछ भि बणयै गै, उ सब कुछ वेका ही द्‍वारा बणयै गै।

खास चेलों 14:15

अरे भैयों, रुका-रुका, तुम यू क्या कना छाँ? हम भि त तुमरि तरौं मनखि छां। अर तुमतै यू शुभ समाचार सुनौणा छां ताकि तुम यों सब बेकार की चीजों से दूर रै सैका, अर ज्यून्दा परमेस्वर की तरफा ह्‍वे जा, जैन यू आसमान या धरती अर समुन्दर अर जु कुछ भि यों मा च उ सब कुछ बणै।

खास चेलों 17:24

कि जै परमेस्वर न पूरि धरती अर वेकी सब चीजों तैं बणै, उई परमेस्वर आसमान अर ईं धरती को मालिक च। अब बता वु परमेस्वर मनखि का द्‍वारा बणयां मन्दिर मा कनकै रै सकदु?

रोमियों 4:17

अर जन कि पवित्रशास्‍त्र मा भि लिख्यूं च कि, “मिन त्वेतै भौत सा जाति का लोगु खुणि ऊंको बुबा ठैर्युं च।” अर यू करार पिता परमेस्वर न पितर अब्राहम का दगड़ा मा इलै कैरी किलैकि वेन वे पर बिस्वास कैरी। हाँ, वे परमेस्वर पर जु की मुरदो तैं ज्यून्द करदु, अर अपणा बोन्‍न का मुताबिक सब कुछ बणौन्दु।

1 कुरिन्थि 2:7

अर जै ज्ञान का बारा मा हम बतौन्द्‍यां, उ पिता परमेस्वर का राज को ज्ञान च, जु कि पैलि ईं दुनियां का लोगु बटि छिप्यूं छौ, मगर ये ज्ञान तैं पिता परमेस्वर न दुनियां का बणण से भि पैलि बटि ठैरै के रख्युं छौ, ताकि हम वे बटि आदर-सम्मान पा।

1 तीमुथियुस 4:5

किलैकि परमेस्वर का दियां वचन अर प्रार्थना का द्‍वारा सब कुछ शुद्ध ह्‍वे जान्दु।

इब्रानी 1:2

मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

2 पतरस 3:5

अर वु जाणि बुजी के इन बिसरण चाणा छिन, कि भौत पैलि परमेस्वर का बुलण से ही आसमान अर धरती बणि, अर या धरती पाणि बटि बणि अर पाणि मा ही च।

दिब्य दरस 4:11

“हे हमरा प्रभु, अर हमरा परमेस्वर, तुमरि ही बडै हो, अर पूरु आदर-सम्मान तुमतै ही मिलु, अर तुमरि ताकत की तारीफ हो, किलैकि तुमुन ही सब चीजों तैं बणै, अर तुमरि मनसा से ही यू सब बणि अर यों सब चीजों को बजूद च।”