इब्रानी 11:1 - Garhwali

¹ हे मेरा भै-बैंणो, सुणा, अब मि तुमतै बतै देन्दु की बिस्वास क्या च, बिस्वास ऊं बातों पर पक्‍कु यकीन च जौं बातों की आस हम रखदा छां, मगर वु दिखेन्दी नि छिन।

गढवली नयो नियम

¹ जु लोग पिता परमेश्वर पर विश्वास करदींनि ऊं तैं यकीन च कि परमेश्वर ऊं तैं उ सभि कुछ दयालो ज्यांकी उ आस करदींनि; अर यु निश्चित च कि जूं चीजों तैं उ अभि तक नि दिखदींनि उ हकीकत मा छिनी।

इब्रानी 11:1 ပူးပေါင်းရင်းမြစ်များ

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

1 कुरिन्थि 13:13

इलै हे मेरा दगड़्यों, पिता परमेस्वर पर हमतै अपणी आस अर बिस्वास बणै के रखण चयेणु, अर हमेसा सब लोगु से प्यार करण चयेणु, किलैकि सब बात यों तीनों चीजों पर ही टिकी छिन। मगर यों तीनों मा बटि सबसे बड़ी बात या च कि, हमतै सब लोगु से प्यार करण चयेणु।

2 कुरिन्थि 11:17

अर ये मामला मा मि जु कुछ बोन्‍नु छौं उ प्रभु का दियां अधिकार से ना, बल्किन मा एक नासमझ मनखि का जन बड़ु मोन कैरिके बोन्‍नु छौं।

2 कुरिन्थि 4:18

इलै हमरि नजर दिखैण वळी चीजों पर नि लगि छिन, बल्किन मा हमरि नजर त ऊं चीजों पर लगीं छिन जु कि दिखैणी नि छिन, किलैकि जु चीज दिखेन्दी छिन वु कुछ देर खुणि ही छिन, मगर जु चीज दिखेन्दी नि छिन ऊ सदनि खुणि बणि रौनदिन।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

2 कुरिन्थि 5:7

अर हम दुनियां की बातों का मुताबिक ना, बल्किन मा यीशु मसीह पर बिस्वास कैरिके अपणु जीवन जीण छां।

2 कुरिन्थि 9:4

अर अगर जु मकिदुनिया का बिस्वासी लोग मेरा दगड़ा मा आला, त मि इन नि चान्दु कि ऊ ऐके देखा कि जै दान कि बात किये जाणि छै, उ त जमा ही नि च। अर अगर जु इन होलु, त तब मितैं बड़ी बेजती मैसूस होण अर तुमतै भि अफ पर बड़ी सरम आली।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

तीतुस 1:1

हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

इब्रानी 10:39

हे मेरा दगड़्यों, हम पिछनै हटि के नास होण वळा लोगु मा बटि नि छां। इलै जबरि तक हमतै पूरि तरौं से बचयै नि जौ तब तक हम बिस्वास मा बणयां रौला।

इब्रानी 11:13

अर पिता परमेस्वर न जु करार ऊंका दगड़ा मा कैरी वु ऊंका जीवन मा पूरु नि ह्‍वे, मगर एक बगत औण पर वु मोरि गैनी। फिर भि ऊंन बड़ी खुशी से इन स्वीकार कैरी कि, एक दिन वु करार जरुर पूरु होलु। अर ऊंन इन माणी कि हम लोग ईं दुनियां मा मुसाफिर छां, अर हमरु ठिकणा इख कुछ दिनों तक ही च।

इब्रानी 11:27

अर बिस्वास का द्‍वारा ही वेन राजा का गुस्सा तैं कुछ नि समझि, बल्किन मा मिस्र देस छोड़ि दिनी अर मजबूत बणयूं रै, किलैकि वेन नि दिखैण वळा परमेस्वर तैं देखि छौ।

इब्रानी 11:7

अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।

इब्रानी 2:3

त सोचा, अगर जु हम छुटकारा पौण वळा बाटा तैं स्वीकार नि करुला, त हम वेका दण्ड से बचण की उम्मीद कनकै कैरी सकद्‍यां? अर सबसे पैलि पिता परमेस्वर न ही ईं बात का बारा मा बतै, अर जौं लोगु न वेका रैबार तैं सुणी, ऊंन हमतै यू साबित कैरिके दिखै दिनी कि वा बात सच्‍चि छै।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

इब्रानी 6:12

इलै अळकसि नि बणा, बल्किन मा ऊं लोगु की तरौं बणा जु कि बिस्वास अर सबर रखण मा मजबूत छिन। अर इन्द्रया लोग ऊं चीजों तैं पौनदिन, जौं को करार पिता परमेस्वर न कैरी।

2 पतरस 1:1

हे मेरा भै-बैंणो, मि शमौन पतरस यीशु मसीह को सेवक अर एक खास चेला छौं। मि या चिठ्‍ठी तुम सभ्यों खुणि लिखणु छौं, जौं तैं पिता परमेस्वर की तरफा बटि यू कीमती मौका मिल्यूं च, कि हम सब छुटकारा देण वळा यीशु मसीह पर बिस्वास कैरा। अर यीशु मसीह ही च, जु कि परमेस्वर की नजर मा धरमी च।