इब्रानी 1:6 - Garhwali

⁶ अर फिर जब पिता परमेस्वर अपणा इकलौता पुत्र तैं ईं दुनियां मा भेजण वळु छौ, त वेका बारा मा उ इन बुल्दु कि, “मेरा सब स्वर्गदूत वेकी भक्‍ति कैरा।”

गढवली नयो नियम

⁶ अर यां से पैली कि, पिता परमेश्वर ल अपड़ा बड़ा महान अर पैला नौंना तैं दुनिया मा भेजि, त बुल्द, “पिता परमेश्वर का सभि स्वर्गदूत वे तैं दण्डवत् कैरी के वेकी आराधना कैरा।”

इब्रानी 1:6 ပူးပေါင်းရင်းမြစ်များ

मत्ती 24:14

अर परमेस्वर का राज का ये शुभ समाचार को परचार पूरि दुनियां मा किये जालु, ताकि सब जातियों पर गवै हो, अर येका बाद अन्त ऐ जालु।”

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 1:18

अर परमेस्वर तैं कैन कभि नि देखि, पर वेकू इकलौतु पुत्र, जु पिता की गोद मा बैठदु च, वेन ही वेतैं परगट कैरी।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

रोमियों 8:29

किलैकि पिता परमेस्वर जौं लोगु तैं दुनियां की शुरुवात से भि पैलि बटि जणदु, ऊं खुणि वेन इन योजना बणै कि वु सब लोग वेका पुत्र यीशु मसीह का जन ह्‍वे जा, ताकि उ सब लोगु मा सबसे पैलु बणि जौ, अर वेका बाद सब वेका भै-बैंणा ह्‍वे जा।

कुलुसी 1:15

हे मेरा भै-बैंणो, कभि नि दिख्यौण वळा परमेस्वर को एक साक्षात रुप यीशु च, अर हरेक चीज का बणयै जाण मा भि सबसे पैलु यीशु ही च।

कुलुसी 1:18

अर जन सरील खुणि मुण्ड़ होन्दु, ठिक उन्‍नि बिस्वासी समुदाय को मुखिया यीशु मसीह च। अर वु ही शुरुवात च अर वु ही सबसे पैलि मुरदो मा बटि ज्यून्दु किये गै, ताकि वु ही सब चीजों मा सबसे पैलु हो।

इब्रानी 1:5

हे मेरा भै-बैंणो, पिता परमेस्वर न कभि भि कै स्वर्गदूत कू वा बात नि बोलि, ज्वा कि वेन अपणा पुत्र का बारा मा बोलि। वेन इन बोलि कि, “तू मेरु पुत्र छैई, अर आज से मि तेरु पिता छौं।” अर फिर इन बोलि कि, “मि वेको पिता, अर उ मेरु पुत्र होलु।”

इब्रानी 10:5

इलै जब यीशु मसीह ईं दुनियां मा औण वळु छौ, त वेन अपणा बारा मा इन बोलि जन कि पवित्रशास्‍त्र मा भि लिख्यूं च कि, “हे मेरा परमेस्वर, तुमुन बलिदान अर भेंट नि चै, पर तुमुन मि खुणि एक सरील तयार कैरी।

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

1 यूहन्ना 4:9

अर जु प्यार परमेस्वर हम बटि करदु, उ वेन हम पर कुछ इनकै दिखै कि वेन अपणा इकलौता पुत्र यीशु मसीह तैं हम खुणि ईं दुनियां मा भेजि, ताकि हम वेका द्‍वारा सदनि को जीवन पा।

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।