इब्रानी 1:4 - Garhwali

⁴ अर इन कैरिके उ सब स्वर्गदूतों मा सबसे महान ह्‍वे गै, किलैकि पिता परमेस्वर न वेतैं वु नौ दिनी जु कि सब नौ मा सबसे महान च।

गढवली नयो नियम

⁴ इलै पिता परमेश्वर ल नौंना तैं एक इन नौं दींनि जु स्वर्गदूतों बट्टी भि भौत जादा महान च, जैका द्वारा हम देख सकदां कि नौंनो ऊं बट्टी भौत जादा महान च।

इब्रानी 1:4 ပူးပေါင်းရင်းမြစ်များ

इफिसुस 1:21

अर हरेक सासन करण वळु या अधिकार रखण वळु, या जौं का पास कुछ ताकत हो या कुई खास आदिम जैका पास कै मुलक या जगा को अधिकार हो, यों सभ्यों का मथि पिता परमेस्वर न यीशु मसीह तैं सबसे बड़ु पद दिनी, अब चै ये युग मा हो या औण वळा युग मा।

कुलुसी 1:18

अर जन सरील खुणि मुण्ड़ होन्दु, ठिक उन्‍नि बिस्वासी समुदाय को मुखिया यीशु मसीह च। अर वु ही शुरुवात च अर वु ही सबसे पैलि मुरदो मा बटि ज्यून्दु किये गै, ताकि वु ही सब चीजों मा सबसे पैलु हो।

2 थिस्सलुनीकी 1:7

अर ज्वा खैरि तुम अर हम अभि खाण छां ऊं सभ्यों बटि उ हमतै जरुर छुटकारु द्‍यालु। अर यू तब होलु, जब प्रभु यीशु अपणा ताकतबर दूतों का दगड़ा मा स्वर्ग बटि खतरनाक आग का दगड़ा मा आलु, अर ऊं लोगु बटि बदला ल्यालु।

इब्रानी 1:9

मि परमेस्वर छौं मि वु परमेस्वर छौं जैकी सेवा तू करदी, अर तिन वेसे प्यार कैरी जु कि मेरी नजर मा सही च, अर जु गळत च वेसे तिन नफरत कैरी। इलै मिन तेरा सब दगड़्यों मा बटि तेरु अभिषेक कैरिके त्वेतै सबसे ऊँचो पद दियाली।”

इब्रानी 12:17

तुम जणदा ही छाँ कि वेका बाद मा जब वेन विरासत की वीं आसीस तैं पौण चै, त फिर वु वीं आसीस का लैख नि रै। हालांकि वेन रुवे-रुवे के अपणा बुबा इसहाक का फैसला तैं बदलण की पूरि कोसिस कैरी, मगर इन नि ह्‍वे सैकी।

इब्रानी 2:9

पर जब हम यीशु मसीह तैं दिखद्‍यां, त इन जणद्‍यां कि पिता परमेस्वर न वेतैं कुछ बगत खुणि ही स्वर्गदूतों से जरा कम कैरी। अर इन वेन इलै कैरी, किलैकि यीशु मसीह न सब मनखियों का खातिर मौत का स्वाद तैं चखी। अर ईं योजना का द्‍वारा पिता परमेस्वर न अपणी दया अर प्यार सब लोगु पर दिखै, मगर अब पिता परमेस्वर न यीशु तैं सबसे महान राजा का रुप मा आदर-सम्मान देके सबसे ऊँचो पद दियाली।

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।