इब्रानी 1:2 - Garhwali

² मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

गढवली नयो नियम

² पर यूं आखरी दिनों मा हम बट्टी अपड़ा नौंना का द्वारा बात कैरी। पिता परमेश्वर ल अपड़ा नौंना का द्वारा सैरी दुनिया की रचना कैरी अर सैरी सृष्टि कु वारिस ठैरे।

इब्रानी 1:2 ပူးပေါင်းရင်းမြစ်များ

मत्ती 13:39

अर जै दुसमन न वु बीज बूति उ शैतान च। अर लवै का बगत को मतलब दुनियां को अन्त होण से च, अर ईं लवै तैं करण वळा स्वर्गदूत छिन।

मत्ती 17:5

जब उ इन बोन्‍नु ही छौ, कि तबरि एक चमकदार बादळ न ऐके ऊंतैं घेरि दिनी। तब वे बादळ मा बटि एक आवाज ऐ, “यू मेरु लाडलु पुत्र च, अर येसे मि खुश छौं, येकी सुणा।”

मत्ती 21:38

अर जब ऊं किसानों न मालिक का नौना तैं देखि त आपस मा बुलण लगि गैनी, ‘अरे, यू त वारिस च। ऐ जा, हम येतैं मारी देन्द्‍यां, अर यू सब कुछ हम ले लिन्द्‍यां।’

मत्ती 26:63

पर यीशु चुप रै। तब महा पुरोहित न वेकू बोलि, “मि त्वेतै ज्यून्दा परमेस्वर की कसम देन्दु, हमतै बतौ कि क्या तू परमेस्वर को पुत्र मसीह छैई।”

मत्ती 28:18

तब यीशु न ऊंका पास ऐके बोलि, “स्वर्ग अर ईं धरती को पूरु अधिकार मितैं दियूं च।

मत्ती 3:17

अर सुणा, स्वर्ग बटि इन आवाज ऐ कि, “यू मेरु लाडलु पुत्र च, अर मि येसे भौत खुश छौं।”

मरकुस 1:1

परमेस्वर का पुत्र प्रभु यीशु मसीह का शुभ समाचार की शुरुवात कुछ इनकै ह्‍वे,

मरकुस 12:6

“अर अब वे मनखि का पास एक ही रै गै छौ जु कि वेको लाडलु नौनु छौ, अर आखिरी मा वेन अपणा नौना तैं इन सोची के ऊंका पास भेजि की ऊ लोग मेरा नौने की जरुर इज्‍जत करला, अर अंगूरों को हिस्सा द्‍याला।

मरकुस 12:7

मगर वे नौना तैं देखि के ऊं किसानों न अपणा आपस मा बोलि, ‘अरे, यू त वारिस च, ऐ जा, हम येतैं मारी देन्द्‍यां, ताकि यू सब कुछ हमरु ह्‍वे जौ।’

यूहन्ना 1:10

अर उ दुनियां मा छौ अर दुनियां वेका द्‍वारा ही बणयै गै, पर दुनियां का लोगु न वेतैं नि पछ्याणी।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 1:3

अर सब कुछ वेसे बणयै गै अर जु कुछ भि बणयै गै, उ सब कुछ वेका ही द्‍वारा बणयै गै।

यूहन्ना 13:3

अर यीशु न यू जाण्यालि छौ, कि पिता न सब कुछ मेरा हाथ मा सौंप्याली, अर मि परमेस्वर की तरफा बटि अयूं छौं, अर अब फिर से परमेस्वर का पास जाण वळु छौं।

यूहन्ना 13:32

अर इन होण से परमेस्वर की बडै ह्‍वेलि, तब परमेस्वर भि इन दिखै द्‍यालु, कि पुत्र कथगा महान च। अर इन उ जल्दी ही करलु।

यूहन्ना 15:15

अर अब से मि तुमकु नौकर नि बोललु किलैकि नौकर नि जणदु कि वेको मालिक क्या-क्या करदु, पर मिन त तुमकु दगड़्या बोलि किलैकि जु कुछ मिन अपणा पिता बटि सुणी, उ सब कुछ मिन तुमतै बतैयालि।

यूहन्ना 16:15

अर जु कुछ भि पिता को च उ सब मेरु च, इलै मिन बोलि कि, ‘जु कुछ भि मिन वेतैं बतै वु तुमतै उन्‍नि बतालु।’”

यूहन्ना 17:2

किलैकि तुमुन मितैं सभि मनखियों पर अधिकार दियूं च, ताकि जु लोग तुमुन मि मा सौंप्यां छिन, ऊं लोगु तैं मि सदनि को जीवन दे सैकु।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

यूहन्ना 3:25

फिर एक दिन एक यहूदी मनखि को यूहन्‍ना का चेलों का दगड़ा मा शुद्धिकरण का खातिर बहसबाजी ह्‍वे।

यूहन्ना 5:26

किलैकि जन पिता खुद जीवन देण वळु च, ठिक उन्‍नि वेन पुत्र तैं भि यू अधिकार दियूं च, कि उ भि जीवन दे सैको।

यूहन्ना 5:27

अर इख तक की वेन वेतैं न्याय करण को भि अधिकार दियूं च, किलैकि उई मनखि को पुत्र च।

यूहन्ना 9:29

अर हम जणदा छां कि, परमेस्वर न मूसा का दगड़ा मा बात कैरी, पर हम ये मनखि तैं नि जणद्‍यां, कि यू कख बटि अयूं च।”

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

खास चेलों 2:17

परमेस्वर इन बुल्दु कि, ‘आखिरी का दिनों मा इन होलु कि, मि अपणी पवित्र आत्मा सब मनखियों तैं भरपूरी से दूयुलु, अर तुमरा नौना अर नौनि भविष्यबाणी करला। अर तुमरा ज्वान लोग दरसन दिखला, अर तुमरा दाना-स्यांणा सुपन्या दिखला।

रोमियों 1:4

अर वेतैं पवित्र आत्मा की ताकत से मुरदो मा बटि ज्यून्द किये गै। अर इन कैरिके पिता परमेस्वर न साबित कैरी, कि हमरु प्रभु यीशु मसीह वेको पुत्र च।

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

1 कुरिन्थि 2:7

अर जै ज्ञान का बारा मा हम बतौन्द्‍यां, उ पिता परमेस्वर का राज को ज्ञान च, जु कि पैलि ईं दुनियां का लोगु बटि छिप्यूं छौ, मगर ये ज्ञान तैं पिता परमेस्वर न दुनियां का बणण से भि पैलि बटि ठैरै के रख्युं छौ, ताकि हम वे बटि आदर-सम्मान पा।

1 कुरिन्थि 8:6

मगर हम खुणि एक ही च जैतैं हम पिता परमेस्वर का रुप मा स्वीकार करद्‍यां, अर उ हमरु ही पिता परमेस्वर च जैन सभ्यों तैं बणै, अर हम वेकी सेवा करद्‍यां। अर हमरु एक ही प्रभु च जु कि यीशु मसीह च जैका द्‍वारा सब कुछ बणि, अर जु कुछ भि च वु वेका ही द्‍वारा बणि, अर जु जीवन वेन हमतै देई उ सदनि को च।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

इफिसुस 1:10

अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

इफिसुस 3:9

अर पिता परमेस्वर जैन सब चीजों तैं बणै, अर वेमा ही यू सब बात पैलि छिपी छिन वे ही परमेस्वर न मितैं यू काम सौंपी, कि मि सब लोगु तैं वीं महान योजना का बारा मा बतौ।

इब्रानी 1:5

हे मेरा भै-बैंणो, पिता परमेस्वर न कभि भि कै स्वर्गदूत कू वा बात नि बोलि, ज्वा कि वेन अपणा पुत्र का बारा मा बोलि। वेन इन बोलि कि, “तू मेरु पुत्र छैई, अर आज से मि तेरु पिता छौं।” अर फिर इन बोलि कि, “मि वेको पिता, अर उ मेरु पुत्र होलु।”

इब्रानी 1:8

मगर अपणा पुत्र का बारा मा उ इन बुल्दु, “हे परमेस्वर तुमरि राजगद्‍दी सदनि तक बणि रौ, अर तुमरा राज मा न्याय सच्‍चै का सासन से किये जौ।

इब्रानी 11:3

अर हम परमेस्वर पर बिस्वास करद्‍यां अर वां से इन जणद्‍यां कि परमेस्वर का वचन का द्‍वारा पूरि दुनियां बणयै गै, इलै जु कुछ हम दिखणा छा वु ऊं चीजों बटि बणि जु कि दिखेन्दु नि च।

इब्रानी 2:3

त सोचा, अगर जु हम छुटकारा पौण वळा बाटा तैं स्वीकार नि करुला, त हम वेका दण्ड से बचण की उम्मीद कनकै कैरी सकद्‍यां? अर सबसे पैलि पिता परमेस्वर न ही ईं बात का बारा मा बतै, अर जौं लोगु न वेका रैबार तैं सुणी, ऊंन हमतै यू साबित कैरिके दिखै दिनी कि वा बात सच्‍चि छै।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

इब्रानी 4:14

हे मेरा प्यारा भै-बैंणो, हम जणदा छां कि हमरा पास एक महा पुरोहित च जु की सबसे महान च। अर उ पिता परमेस्वर को पुत्र यीशु मसीह च, जु कि वेका पास आसमान मा मथि उठये गै।

इब्रानी 5:8

अर परमेस्वर को पुत्र होण पर भि वेन दुख-तकलीफो तैं सै अर आज्ञा मनण सिखी।

इब्रानी 7:28

ईं दुनियां को मनखि कमजोर अर पापि च फिर भि मूसा रैबर्या का द्‍वारा दियां नियम-कानूनों न ऊंतैं मुख्य पुरोहित का रुप मा चुणी, मगर बाद मा पिता परमेस्वर न कसम खै के अपणा पुत्र यीशु तैं पुरोहित ठैरै दिनी, अर यीशु मसीह हमेसा सब बातों मा खरु निकळदु।

इब्रानी 9:26

अर अगर ज्वा इन बात ही रौन्दी, त यीशु तैं दुनियां की शुरुवात से अभि तक बार-बार दुख उठौण पोड़दु, मगर वेन खुद तैं आखिरी का दिनों मा एक ही बार सदनि खुणि परगट कैरियाली, ताकि अपणा बलिदान का द्‍वारा उ पाप तैं मिटै सैको।

1 पतरस 1:20

अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

2 पतरस 3:3

अर सबसे पैलि तुमतै ईं बात का बारा मा जनण चयेणु, कि आखिरी का दिनों मा मजाक उड़ौण वळा लोग आला, अर वु अपणी बुरी इच्छाओं का मुताबिक अपणु जीवन चलला।

यहूदा 1:18

ऊंन तुमकु बोलि छौ कि, “आखिरी का बगत मा मजाक उड़ौण वळा आला, जु अपणी बुरी इच्छाओं का मुताबिक चलला।”