गलातियों 6:9 - Garhwali

⁹ इलै हमतै भलै का काम करण मा पिछनै नि हटण चयेणु, किलैकि अगर जु हम सभ्यों का दगड़ा मा भलै कना रौला, त ठिक बगत पर लवै करुला।

गढवली नयो नियम

⁹ हम भला कामों तैं कन मा निराश नि हों, किलैकि जु हम कभी हार नि मांणा, त पिता परमेश्वर का अपड़ा बगत पर हम ईनाम पौला।

गलातियों 6:9 ပူးပေါင်းရင်းမြစ်များ

मत्ती 10:22

अर वु तुम से इलै नफरत करला, किलैकि तुम मेरा नौ पर बिस्वास करद्‍यां, पर जु मनखि आखिरी तक सबर रखलु वेतैं ही बचयै जालु।

मत्ती 24:13

पर जु कुई आखिरी तक बिस्वास मा टिक्यूं रालु, वेतैं ही बचयै जालु।

मत्ती 25:17

अर ठिक इन्‍नि जैतैं दुई हजार सिक्‍का मिल्यां छा, वेन भि दुई हजार सिक्‍का और कमै दिनी।

मत्ती 9:19

तब यीशु उठी अर वे अधिकारी का दगड़ा मा चलण लगि गै, अर वेका चेला भि वेका दगड़ा मा छा।

मरकुस 3:3

तब यीशु न वे सुख्यां हाथ वळा आदिम कू बोलि, “उठ, अर इख बीच मा खड़ु ह्‍वे जा।”

लूका 18:1

अर यीशु न अपणा चेलों तैं हमेसा प्रार्थना करण का बारा मा अर हिम्मत नि छुड़ण का बारा मा बतौणु खुणि ऊंतैं एक उदारण सुणै। वेन ऊंकू बोलि कि,

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

2 कुरिन्थि 4:1

इलै जब परमेस्वर न हम पर अपणी दया कैरी अर हमतै ये लैख बणै कि हम वेकी महान सेवा कैरी सैका, त हम पिछनै किलै हटा।

2 कुरिन्थि 4:16

इलै ही हम भि अपणी हिम्मत तैं नि छुड़द्‍यां अर ना ही हमुन वचन सुनौण बन्द कैरी, अर भले ही हमरा सरील कमजोर छिन, पर फिर भि पिता परमेस्वर हमतै हरेक दिन हिम्मत देन्दु अर हमतै मजबूत कनु रौन्दु।

2 कुरिन्थि 9:6

हे मेरा भै-बैंणो, जु मनखि कम बुतदु वेतैं कम ही कटण पोड़लु, अर जैन भौत जादा बूति वेतैं जादा फसल कटण पोड़लि।

इफिसुस 3:13

हे मेरा दगड़्यों, तुमरा खातिर जु दुख मि झिलणु छौं, मि तुम से बिन्ती करदु कि तुम मेरा दुख की वजै से निरास नि ह्‍वा। अर पिता परमेस्वर ये बगत मा तुमतै ताकत द्‍यो अर तुम वेमा और भि जादा बढदी जा, किलैकि दुख का ये बगत मा ही तुमरि बडै होन्दी।

2 थिस्सलुनीकी 3:13

पर हे मेरा भै-बैंणो, तुम भलै करण मा नि थका।

इब्रानी 12:3

हाँ, वे ही यीशु मसीह पर अपणी नजर रखा जैन पापि लोगु की बुरी-बुरी बातों तैं सै, इलै तुम ईं बात पर विचार कैरा, ज्यां से तुम परमेस्वर पर बिस्वास करण मा कभि भि निरास नि ह्‍वा।

इब्रानी 12:5

अर तुम हौसला देण वळा ये उपदेस तैं बिसरी ग्यां, ज्यां मा परमेस्वर तुमतै एक नौना का रुप मा बुल्दु कि, “हे मेरा नौना, प्रभु का अनुसासन को तिरिस्कार नि कैर, अर जब उ त्वेतै झिडकु त निरास नि हो।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

याकूब 5:7

इलै हे मेरा भै-बैंणो, प्रभु का फिर से औण वळा दिन तक सबर रखा। अर सुणा, जन किसान पुंगड़ों मा होण वळी कीमती फसल को पैदा होणु खुणि इंतजार करदु। अर अपणु सबर पैलि अर आखिरी बरखा का होण तक बणै के रखदु,

1 पतरस 2:15

किलैकि परमेस्वर की इच्छा या ही च कि तुम भलै का काम कैरा, अर भलै का काम कैरिके मूरख लोगु कि बोलती बन्द कैर द्‍या।

1 पतरस 3:17

अर अगर जु पिता परमेस्वर कि मनसा इन्‍नि हो कि तुम दुख झेला, त तुम भलै का कामों तैं कैरिके दुख तैं झेला, ना कि बुरै का काम तैं कैरिके।

1 पतरस 4:19

इलै जु लोग परमेस्वर की इच्छा का मुताबिक दुख उठाणा छिन, तुम भलै का काम कना रा, अर अपणा पराणों तैं वे भरोसामन्द पिता परमेस्वर का हाथों मा सौंपी द्‍या, जु कि दुनियां तैं बणौण वळु च।

दिब्य दरस 2:17

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, वेतैं मि वु खाणुक द्‍यूलु जु कि सदनि को जीवन देन्दु, अर एक सफेद ढुंगो भि द्‍यूलु जै पर एक नयू नौ लिख्यूं होलु, अर वेका अलावा वे नौ का बारा मा कैतैं भि पता नि होलु।”

दिब्य दरस 2:3

अर मि इन भि जणदु छौं, कि तुम सबर रखण जणदा छाँ अर मेरा नौ का खातिर तुमुन दुख-तकलीफ झिलनी, पर तुम नि थक्यां।

दिब्य दरस 2:7

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, मि वेतैं जीवन देण वळा डाळा को फल खाणु कू द्‍यूलु, जु कि स्वर्ग मा परमेस्वर का पास च।”