गलातियों 5:3 - Garhwali

³ फिर भि मि हरेक खतना करण वळो तैं चितै देन्दु, कि अगर कुई खतना करौन्दु त वेतैं मूसा का दियां सब नियम-कानूनों तैं मनण ही पोड़लु।

गढवली नयो नियम

³ मि फिर से तुम तैं चितौंणु छौं कि जु आदिम इन सोच की खतना कन पिता परमेश्वर की नजरों मा ठिक समझे जांद, त वे तैं जु मूसा की व्यवस्था बुल्दी उ सब कुछ कन चयणु च।

गलातियों 5:3 ပူးပေါင်းရင်းမြစ်များ

मत्ती 23:16

“हे सच्‍चै का बाटा तैं दिखौण वळा अन्धा लोगु, तुम पर हाय च, किलैकि तुम लोगु तैं इन सिखौन्द्‍यां, कि अगर कुई मनखि मन्दिर की कसम खालु, त कुई बड़ी बात नि च, पर अगर जु तुम परमेस्वर का मन्दिर का सोने की कसम खन्द्‍यां, त तुमतै वा कसम पूरि भि करण पोड़लि।

मत्ती 23:18

अर फिर तुम जु इन भि सिखौन्द्‍यां, कि अगर कुई मनखि मन्दिर मा रखी वेदी की कसम खालु, त कुई बड़ी बात नि च, पर अगर जु तुम वेदी मा रखी भेंट की कसम खन्द्‍यां, त तुमतै वा कसम पूरि भि करण पोड़लि।

लूका 16:28

किलैकि मेरा पांच भै और भि छिन अर कखि इन नि हो कि वु भि ईं जगा मा ऐके खैरि खा, इलै लाजर तैं ऊंका पास भेजा ताकि वु यों बातों तैं बतै सैको।’

खास चेलों 15:1

अर फिर यहूदिया मुलक बटि कुछ लोग अन्ताकिया नगर मा ऐनी, अर बिस्वासी भै-बैंणो तैं सिखौण लगि गैनी अर ऊंन बोलि, “सुणा, अगर तुम परमेस्वर का सेवक मूसा का दियां नियम-कानूनों का मुताबिक अगर खतना का रिवाज तैं पूरु नि करवैल्या, त तुम लोगु तैं बचयै नि जाण।”

खास चेलों 2:40

अर पतरस न भौत सरी बातों की गवै देके लोगु तैं समझै, अर ऊंतैं चितै के बोलि, “ईं दुष्‍ट पीढ़ी का लोगु बटि बचि के रा।”

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

रोमियों 2:25

अगर जु तुम यहूदी लोग नियम-कानून का मुताबिक चलद्‍यां, त खतना का रिवाज तैं पूरु करौण को फैदा च, पर अगर जु तुम नियम-कानून का मुताबिक नि चलद्‍यां त तुमरो खतना करौण को कुई फैदा नि च।

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

गलातियों 5:2

सुणा, मि पौलुस तुमतै बतै देन्दु कि अगर जु तुम खतना का रिवाज तैं पूरु करैल्या, त यीशु मसीह बटि तुमतै कुई फैदा नि मिलण।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।

1 थिस्सलुनीकी 4:6

इलै तुम मा बटि कुई भि कै बिस्वासी भै या बैंण तैं, अपणी बातों मा फंसै के गळत सम्बन्ध रखण को पाप नि कैरो। किलैकि हमुन तुमतै पैलि ही चितैयाली छौ, कि जु कुई भि इन पाप करदु उ प्रभु बटि दण्ड पालु।

1 यूहन्ना 4:14

अर पिता परमेस्वर न अपणा पुत्र यीशु मसीह तैं ईं दुनियां मा भेजि। अर हमुन वेतैं देखि, इलै ही हम लोगु का बीच मा इन गवै देन्द्‍यां कि यीशु ही बचौण वळु च।