गलातियों 5:2 - Garhwali

² सुणा, मि पौलुस तुमतै बतै देन्दु कि अगर जु तुम खतना का रिवाज तैं पूरु करैल्या, त यीशु मसीह बटि तुमतै कुई फैदा नि मिलण।

गढवली नयो नियम

² जु मि पौलुस तुम बट्टी बुल्णु छो, वे तैं टक लगै के सूंणा, कि पिता परमेश्वर का संमणी धर्मी बनण कु खतना करिल्या, त मसीह ल जु कैरी, वां बट्टी तुम तैं कुई फैदा नि होलो।

गलातियों 5:2 ပူးပေါင်းရင်းမြစ်များ

खास चेलों 15:1

अर फिर यहूदिया मुलक बटि कुछ लोग अन्ताकिया नगर मा ऐनी, अर बिस्वासी भै-बैंणो तैं सिखौण लगि गैनी अर ऊंन बोलि, “सुणा, अगर तुम परमेस्वर का सेवक मूसा का दियां नियम-कानूनों का मुताबिक अगर खतना का रिवाज तैं पूरु नि करवैल्या, त तुम लोगु तैं बचयै नि जाण।”

खास चेलों 15:24

दगड़्यों, हमुन सुणी कि हमरा इख बटि कुछ लोगु न ऐके तुमतै अपणी बातों का द्‍वारा भरमै, अर तुमरा मनों तैं बड़ी उळझण मा डालियेली। पर सुणा, हम तुमतै बतै देन्द्‍यां कि हमुन ऊं लोगु तैं इन्द्रयो कुई भि आदेस नि दे छौ।

खास चेलों 15:5

मगर बिस्वासी फरीसी लोगु मा बटि कुछ लोग उठनि अर ऊंन बोलि, “जु लोग यहूदी जाति का नि छिन अर प्रभु पर बिस्वास करदिन ऊं लोगु तैं खतना का रिवाज तैं पूरु करण जरुरी च, अर ऊंतैं इन हुकम देण चयेणु कि ऊ मूसा का दियां नियम-कानून को पालन कैरा।”

1 कुरिन्थि 16:21

मि पौलुस खुद अपणा हाथळ अब तुमकु सलाम लिखणु छौं।

2 कुरिन्थि 10:1

हे मेरा दगड़्यों, मि पौलुस यीशु मसीह की तरौं दया करण वळु, अर दीन सभौ को बणि के हमेसा तुम से बिन्ती करदु, मगर तुमरा बीच मा कुछ लोग इन्द्रया छिन जु कि इन बुल्दिन कि, “अरे, जब पौलुस तुमरा बीच रौन्दु तब उ बिल्कुल सीदु-सादु बणि के रौन्दु, मगर जब उ तुम से दूर चलि जान्दु त अपणी चिठ्‍ठीयों मा इन लिखदु जन कि उ तुमतै धमकी देणु होलु।”

गलातियों 5:11

हे मेरा भै-बैंणो, अगर मि यहूदी रीति का मुताबिक खतना का रिवाज तैं पूरु करण का बारा मा परचार कनु रौन्दु, त मि पर जुलम नि किये जान्दु। मगर मि त यीशु तैं क्रूस पर चड़ये जाण को परचार करदु, इलै मितैं सतयै जाणु च।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

1 थिस्सलुनीकी 2:18

अर हमुन खुद इन चै छौ कि ऐके तुम बटि मिला, इख तक कि मि पौलुस न भि भौत कोसिस कैरी कि ऐके तुम से मिलु। अर या कोसिस मिन एक बार ना, बल्किन मा बार-बार कैरी मगर शैतान रुकावट डलणु रै।

फिलेमोन 1:19

अर मि पौलुस खुद अपणा हाथळ त्वे खुणि लिखणु छौं, कि मि ऐके सब कुछ चुकै द्‍यूलु। अर मितैं यू याद दिलौण कि कुई जरुरत नि च कि तेरु पराण ही मेरु करजदार च।

फिलेमोन 1:9

मेरा प्यारा भै, मि त्वेसे भौत प्यार करदु इलै मि त्वेसे बिन्ती करदु कि मि पौलुस जु कि अब बुढ्या ह्‍वे ग्यों, मि यीशु मसीह का खातिर इख जेलखाना मा छौं।

इब्रानी 4:2

किलैकि हमुन भि ये शुभ समाचार तैं ठिक उन्‍नि सुणी जन हमरा पितरों न सुणी छौ, मगर जु रैबार ऊंन सुणी वामा बटि भौत सा लोगु तैं कुई फैदा नि ह्‍वे, किलैकि ऊंन बिस्वास नि कैरी।