गलातियों 4:4 - Garhwali

⁴ पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

गढवली नयो नियम

⁴ पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

गलातियों 4:4 ပူးပေါင်းရင်းမြစ်များ

मत्ती 1:23

अर उ वचन इन च कि, “सुणा, एक कुंवारी नौनि गरवति होलि अर एक नौना तैं जनम द्‍याली, अर वेको नौ इम्मानुएल रखै जालु,” जैको मतलब च कि “परमेस्वर हमरा दगड़ा मा च।”

मत्ती 3:15

तब यीशु न वेतैं जबाब दिनी, “अबरि जन होणु च तू वेतैं होण दे, किलैकि हम खुणि यू जरुरी च, कि जन परमेस्वर की मनसा च हम वींतैं उन्‍नि पूरु कैरा।” तब यूहन्‍ना न वेकी बात माणी दिनी।

मत्ती 5:17

“अर यीशु न ऊंकू इन भि बोलि कि, ‘इन नि सोचा, कि मि मूसा का दियां नियम-कानूनों तैं या रैबर्यों का द्‍वारा लिखीं बातों तैं रद्‍द करणु खुणि अयूं छौं। अरे, मि ऊंतैं रद्‍द करणु खुणि ना, पर पूरु करणु खुणि अयूं छौं।

मरकुस 1:15

अर वेन बोलि कि, “सुणा, बगत पूरु ह्‍वे गै अर परमेस्वर को राज नजदीक ऐ गै, इलै अपणा-अपणा पापों से पस्ताप कैरा अर ये शुभ समाचार पर बिस्वास कैरा।”

लूका 1:31

अर देख, तू गरवति होलि, अर एक बच्‍चा तैं जनम दिली। अर तू वेकू नौ यीशु रखी।

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

लूका 2:7

तब वींन अपणा पैला नौना तैं जनम देई, अर वेतैं कपड़ा मा लपेटि के छन्‍नि की चौंर मा रखी। किलैकि ऊं खुणि धर्मशाळा मा जगा नि छै।

लूका 20:44

“अर जब राजा दाऊद ही मसीह कू ‘प्रभु’ बुल्दु, त फिर उ वेको नौनु कनकै ह्‍वे सकदु?”

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 10:36

अर मितैं पिता न पवित्र ठैरै के दुनियां मा भेजि च। इलै मिन बोलि कि ‘मि परमेस्वर को पुत्र छौं,’ क्या इलै ही तुम बुल्द्‍यां कि, ‘तू परमेस्वर की बुरै कनि छैई?’

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

यूहन्ना 6:38

किलैकि मि अपणी इच्छा तैं ना, बल्किन अपणा भेजण वळे की मनसा तैं पूरि करणु खुणि स्वर्ग बटि उतरयुं छौं।

यूहन्ना 8:42

तब यीशु न ऊंकू बोलि कि, “अगर परमेस्वर तुमरो पिता होन्दु, त तुम मि बटि प्यार करदा, किलैकि मि परमेस्वर मा बटि ही निकळि के इख अयूं छौं। अर मि अपणी तरफा बटि नि अयूं, पर वेन ही मितैं भेजि च।

खास चेलों 1:7

तब वेन ऊंकू बोलि, “वे बगत अर वे समौ का बारा मा जनण तुमरो काम नि च, किलैकि वु सब कुछ पिता न अपणा अधिकार मा रख्युं च।

रोमियों 1:3

अर यू शुभ समाचार वेका पुत्र यीशु मसीह का बारा मा च, अर उ सरील का रुप मा राजा दाऊद का वंश मा बटि पैदा ह्‍वे।

रोमियों 15:8

इलै मि तुमतै बतै देन्दु, कि तुमतै याद रखण चयेणु कि यीशु मसीह यहूदी लोगु को सेवक बणि, ताकि वेका द्‍वारा इन साबित ह्‍वे जौ कि जु करार पिता परमेस्वर न ऊंका पितरों का दगड़ा मा कैरी छौ उ सच्‍चु छौ।

रोमियों 5:6

अर जब हम पिता परमेस्वर से दूर छा, त वे ही बगत मा यीशु मसीह हम सभ्यों का खातिर मरे गै ताकि हमरु मेल-जोल परमेस्वर का दगड़ा मा ह्‍वे जौ।

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

रोमियों 9:5

अर हमरा सब पितर लोग, पितर अब्राहम का वंश मदि छा। अर अगर सरील का रिश्ता से देखा, त यीशु मसीह भि एक इस्राएली मनखि च। अर पिता परमेस्वर ही च जु कि सब लोगु पर राज करदु, वेकी तारीफ सदनि होणी रौ। आमीन।

इफिसुस 1:10

अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

कुलुसी 2:14

अर जु लेख नियम का मुताबिक हमरा खिलाप मा लिख्यां छा, ऊंतैं यीशु न रद्‍द कैरी दिनी अर क्रूस पर किलों का द्‍वारा छिदै के वेन हम पर लग्यां इळजामो तैं हटै दिनी।

1 तीमुथियुस 2:6

अर वेन हरेक मनखि तैं वेका पापों बटि छुटकारा देण खुणि, अफ तैं एक दाम का रुप मा दे दिनी। अर इन कैरिके वेन ठिक बगत पर इन गवै देई, कि वेकी मनसा इन च कि हरेक मनखि तैं बचयै जौ।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

इब्रानी 2:14

अर लोग अभि भि बच्‍चों का जन छिन, इलै यीशु मसीह ईं दुनियां मा सरील को रुप लेके ऐ। अर इन इलै ह्‍वे, ताकि वेकी मौत का द्‍वारा यीशु मसीह शैतान को नास कैरी सैको जैका पास मौत तैं लेके औण की ताकत च।

इब्रानी 9:10

अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।

1 यूहन्ना 4:14

अर पिता परमेस्वर न अपणा पुत्र यीशु मसीह तैं ईं दुनियां मा भेजि। अर हमुन वेतैं देखि, इलै ही हम लोगु का बीच मा इन गवै देन्द्‍यां कि यीशु ही बचौण वळु च।

1 यूहन्ना 4:2

अर तुमतै पिता परमेस्वर का पवित्र आत्मा का बारा मा इनकै पता चलण? कि ज्वा आत्मा इन स्वीकार कैरी देन्दु कि यीशु मसीह ईं दुनियां मा एक मनखि का रुप मा ऐ, त समझि जा कि वा आत्मा पिता परमेस्वर कि तरफा बटि च।