गलातियों 4:18 - Garhwali

¹⁸ अर अगर कुई भला कामों का बानो तुमरा पिछनै पोड़्यूं च, त वेतैं दोस्त बणौण कुई गळत बात नि च पर ध्यान रखा कि वेको मकसद ठिक होण चयेणु। अर यू भि याद रखा कि वु भलै का काम हर बगत कैरो, ना कि केवल तब जब मि तुमरा दगड़ा मा रौन्दु।

गढवली नयो नियम

¹⁸ हमेशा ही भला उद्देश्य कु खुश हूंण अच्छो हूंद अर भस वे ही बगत न, जब मि तुम दगड़ी रौंदु।

गलातियों 4:18 ပူးပေါင်းရင်းမြစ်များ

यूहन्ना 2:17

तब पवित्रशास्‍त्र मा जु लिख्यूं च उ वेका चेलों तैं याद ऐ, कि “तेरा घौर की धुन का कारण मेरु नास किये जालु।”

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

गलातियों 4:13

अर तुमतै याद होलु जब मिन पैलि बार तुमतै शुभ समाचार सुणै छौ, अर वे बगत त मि बिमार छौ।

गलातियों 4:17

अर वु झूठ्‍ठा लोग तुमतै अफ दगड़ा मिलाणु खुणि बड़ा जोस से तुमरा पिछनै पोड़यां छिन, पर ऊंको मकसद ठिक नि च। अर वु तुमतै अलग करण चाणा छिन, ताकि तुम उन्‍नि कैरा जन वु चाणा छिन।

गलातियों 4:20

इलै मि तुमरा बानो बड़ी उळझण मा पोड़्यूं छौं, कि तुम लोग दुसरा ही बाटा पर चलण लगि ग्यां, अर मेरी या इच्छा च कि यों सब बातों का बारा मा मि ऐके तुमतै भौत अच्छे से समझौ। मगर अभि मि कुछ नि कैरी सकदु किलैकि मि तुम से भौत दूर छौं।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

फिलिप्पी 2:12

इलै हे मेरा प्यारा भै-बैंणो, मि जणदु छौं कि जब मि तुमरा दगड़ा छौ त तुम हमेसा से आज्ञा को पालन करदी औणा छाँ। अर अब जब मि तुम से दूर छौं, इलै अब या बात और भि जादा ध्यान रखण वळी ह्‍वे जान्दी कि तुम ऊं सब बातों को पालन और भि जादा कैरा, जु कि बिस्वासी लोगु खुणि सही छिन जैतैं पिता परमेस्वर न बचैयालि।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

दिब्य दरस 3:19

“जौं लोगु से मि प्यार करदु ऊं सभ्यों तैं मि डांटदु अर अनुसासन मा लेके औन्दु, इलै पस्ताप कैरा अर बिस्वास मा गरम ह्‍वे जा।