गलातियों 3:8 - Garhwali

⁸ अर परमेस्वर न पवित्रशास्‍त्र का द्‍वारा हमतै पैलि ही इन बतै दिनी, कि जु लोग यहूदी जाति का नि छिन ऊं लोगु तैं पिता परमेस्वर बिस्वास का द्‍वारा धरमी ठैरालु। अर वे बगत मा परमेस्वर न हमरा पितर अब्राहम तैं इन शुभ समाचार दिनी कि, “अब्राहम, तेरा द्‍वारा धरती का सब लोग आसीस पाला।”

गढवली नयो नियम

⁸ अर पिता परमेश्वर का वचन मा वेल भौत पैली बोलि कि, पिता परमेश्वर अन्यजातियों तैं विश्वास का द्वारा धर्मी ठैरालो, यु ही कारण वचन मा, जब पिता परमेश्वर ल पैली ही अब्राहम तैं शुभ सन्देश प्रचार बतै त वेल वेकु बोलि, कि “तेरु द्वारा, मि ईं दुनिया का सभि जातियों तैं आशीष दयुलु।”

गलातियों 3:8 ပူးပေါင်းရင်းမြစ်များ

यूहन्ना 7:38

अर जु मि पर बिस्वास करदिन, जन कि पवित्रशास्‍त्र मा लिख्यूं च, उन्‍नि ऊंका मनों बटि भि जीवन देण वळा पाणि का गाड-गदिना बुगण लगि जाला।”

यूहन्ना 7:42

क्या पवित्रशास्‍त्र मा इन नि लिख्यूं च कि, ‘मसीह राजा दाऊद का वंश मदि अर बैतलहम गौं मा पैदा होलु, जख राजा दाऊद रौन्दु छौ?’”

खास चेलों 2:35

जबरि तक कि मि तेरा दुसमनों तैं हरै के तेरा अधीन नि कैरी द्‍यूं।’”

रोमियों 9:17

किलैकि मिस्र देस का राजा फिरौन का बारा मा पिता परमेस्वर न बोलि। अर पवित्रशास्‍त्र मा वा बात इन लिखीं च कि, “मिन त्वेतै इलै ही राजा बणै, ताकि मि अपणी ताकत त्वेतै दिखै सैकु। अर इन कैरिके मेरा नौ की चर्चा पूरि धरती पर हो।”

रोमियों 9:30

इलै हम इन बोलि सकद्‍यां, कि ईं बात को मतलब यू च कि जु लोग यहूदी जाति का नि छिन ऊंन जादा कोसिस नि कैरी, कि पिता परमेस्वर ऊंतैं अपणी नजर मा धरमी साबित कैरो, मगर जब ऊंन यीशु मसीह पर बिस्वास कैरी तब पिता परमेस्वर ऊंतैं अपणी नजर मा धरमी ठैरै दिनी।

गलातियों 3:16

अर जख तक करार की बात किये जौ, त करार पितर अब्राहम अर वेका वंश बटि किये गै छौ। अर पवित्रशास्‍त्र को यू करार हमतै वंश का भौत सा लोगु का बारा मा नि बतौन्दु, बल्किन मा सिरफ एक वंश का बारा मा बतौन्दु, जन कि लिख्यूं भि च कि, “तेरा वंश तैं” अर यां से या बात साफ ह्‍वे जान्दी कि वु वंशज मसीह च।

गलातियों 3:22

मगर सब लोग पाप का अधीन मा छिन येका बारा मा पवित्रशास्‍त्र हमतै बतौन्दु। इलै यीशु मसीह पर बिस्वास करण से सदनि को जीवन देण को जु करार किये गै, उ बिस्वास करण वळा लोगु खुणि ही दिये गै।

गलातियों 4:30

पर पवित्रशास्‍त्र मा इन लिख्यूं च कि, “अब्राहम अपणी नौकराणि अर वींका नौना तैं निकाळ दे, किलैकि नौकराणि को नौनु तेरी घरवळी का नौना का दगड़ा मा बिल्कुल भि हकदार नि होलु।”

इब्रानी 4:2

किलैकि हमुन भि ये शुभ समाचार तैं ठिक उन्‍नि सुणी जन हमरा पितरों न सुणी छौ, मगर जु रैबार ऊंन सुणी वामा बटि भौत सा लोगु तैं कुई फैदा नि ह्‍वे, किलैकि ऊंन बिस्वास नि कैरी।

दिब्य दरस 11:15

अर जब सातवां स्वर्गदूत न बिगुला बजै, त स्वर्ग बटि तेज आवाज ऐ अर वींन इन बोलि कि, “दुनियां पर राज करण को अधिकार अब हमरा परमेस्वर अर वेका मसीह को ह्‍वे गै। अर उ हमेसा-हमेसा तक राज करला।”