गलातियों 3:5 - Garhwali

⁵ अर मि तुम लोगु बटि इन भि पूछण चाणु छौं, कि जु पिता परमेस्वर तुमतै पवित्र आत्मा को दान देन्दु, अर तुमरा बीच मा सामर्थ का काम करदु, क्या उ यू सब इलै करदु, किलैकि तुम नियम-कानूनों को पालन करद्‍यां? ना इन नि च बल्किन मा वु त इलै करदु, किलैकि तुम लोगु न वेका शुभ समाचार पर बिस्वास कैरी।

गढवली नयो नियम

⁵ जु तुम तैं पवित्र आत्मा बहुतायत ल दान करदो अर तुम मा चमत्कार का काम करदु, क्य उ यु कारण च कि तुम ल मूसा की व्यवस्था कु पालन कैरी या उ यु कारण च किलैकि तुम ल मसीह का बारा मा शुभ संदेश तैं सूंणि अर वे पर विश्वास कैरी?

गलातियों 3:5 ပူးပေါင်းရင်းမြစ်များ

खास चेलों 14:3

तब पौलुस अर बरनबास एक लम्बा बगत तक उखि रैनी, अर प्रभु का बारा मा बड़ी हिम्मतळ परचार कना रैनी। अर प्रभु न ऊंका द्‍वारा अदभुत चिन्‍न अर चमत्कार का काम कैरिके इन साबित कैरी दिनी, कि वेकी किरपा का बारा मा जै वचन को परचार वु लोग कन छिन उ सच्‍च च।

रोमियों 10:17

अर इन कैरिके हमतै पता चलदु, कि शुभ समाचार का सुनण से मनखि का मन मा बिस्वास पैदा होन्दु। अर जु शुभ समाचार सुणये जान्दु, उ यीशु मसीह का बारा मा च।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

1 कुरिन्थि 12:10

अर कुछ लोग तैं चमत्कार का काम करण की ताकत मिली च, त कुछ लोगु तैं भविष्यबाणी करण की ताकत, अर कुछ लोगु तैं आत्माओं तैं परखण कि सामर्थ मिली च, अर कुछ लोगु तैं अलग-अलग भाषा मा बुलण को बरदान मिल्यूं च। अर जु लोग अलग-अलग भाषा मा बुल्दिन, कुछ लोगु तैं वीं भाषा तैं आम बोल-चाल मा समझौण को बरदान मिल्यूं च।

2 कुरिन्थि 10:4

अर जन एक सिपै लड़ै करण का बगत मा हथियारों को इस्तेमाल करदु, ठिक उन्‍नि मि भि विरोध करण वळा लोगु का दगड़ा मा परमेस्वर की ताकत को इस्तेमाल करदु अर वेका वचन से ऊंका झूठ्‍ठा विचारों को नास कैरी देन्दु।

2 कुरिन्थि 12:12

किलैकि मेरा द्‍वारा भि भौत सा चिन्‍न, चमत्कार अर सामर्थ का काम किये गैनी, अर यू सब काम इन साबित करदिन कि मि भि यीशु मसीह को एक खास चेला छौं। अर यू सब कुछ मिन तुमरा दगड़ा मा रै के कैरी अर वु भि बड़ु सबर रखी के।

2 कुरिन्थि 13:3

अर तुम लोग सबूत मंगद्‍यां, कि यीशु मसीह मेरा द्‍वारा बुल्दु भि च कि ना, मगर मि तुमतै बतै देन्दु कि जब उ तुमरा बीच मा काम करदु त अपणी कमजोरी से ना बल्किन मा अपणी ताकत से करदु।

2 कुरिन्थि 3:8

हे मेरा भै-बैंणो, त अब इन सोचा कि पवित्र आत्मा का द्‍वारा मिलण वळा कानून की दिब्य चमक कथगा जादा होलि?

2 कुरिन्थि 9:10

अर जन पिता परमेस्वर बुतण वळा किसानों तैं बीज अर खाणु खुणि रुट्‍टी देन्दु, ठिक उन्‍नि उ तुमतै भि हरेक चीज द्‍यालु अर इन उ हमेसा करलु, ताकि तुमरा पास सब कुछ हो अर तुम दुसरो की मदद कैरी सैका।

गलातियों 3:2

अर मि तुम बटि बस इथगा पूछण चाणु छौं, कि तुमुन पिता परमेस्वर का द्‍वारा दियां पवित्र आत्मा का दान तैं, मूसा का दियां नियम-कानूनों का कामों का मुताबिक पै, या शुभ समाचार पर बिस्वास कैरिके?

फिलिप्पी 1:19

किलैकि मि जणदु छौं कि तुम लोगु की प्रार्थनाओं का द्‍वारा अर यीशु की पवित्र आत्मा की मदद से मितैं छुटकारु मिललु।