गलातियों 3:18 - Garhwali

¹⁸ किलैकि अगर वारिस होण को अधिकार नियम-कानून का द्‍वारा ठैरैये जान्दु, त यू अधिकार करार का द्‍वारा नि मिलदु, पर परमेस्वर न वारिस होण को यू अधिकार पितर अब्राहम तैं करार का द्‍वारा ही दिनी।

गढवली नयो नियम

¹⁸ पिता परमेश्वर ल हम तैं आशीष इलै नि द्ये कि हम ल मूसा की व्यवस्था कु पालन कैरी छों, बल्कि वीं दया से, जु पिता परमेश्वर ल अब्राहम तैं द्ये किलैकि पिता परमेश्वर ल वे दगड़ी करार कैरी छै।

गलातियों 3:18 ပူးပေါင်းရင်းမြစ်များ

गलातियों 2:21

मि परमेस्वर की किरपा तैं नकरणु नि छौं, किलैकि अगर मूसा का दियां नियम-कानूनों का द्‍वारा धरमी बणयै जान्दु, त यीशु मसीह को मुरण बेकार ह्‍वे जान्दु।

गलातियों 3:29

अर अगर जु तुम यीशु मसीह का छाँ, त अब्राहम का वंश मदि, अर वे करार का मुताबिक वारिस भि छाँ, जु कि वेका दगड़ा मा किये गै छौ।

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

गलातियों 3:26

अर यीशु मसीह पर बिस्वास करण का द्‍वारा ही तुम सब लोग परमेस्वर की औलाद छाँ।

गलातियों 3:16

अर जख तक करार की बात किये जौ, त करार पितर अब्राहम अर वेका वंश बटि किये गै छौ। अर पवित्रशास्‍त्र को यू करार हमतै वंश का भौत सा लोगु का बारा मा नि बतौन्दु, बल्किन मा सिरफ एक वंश का बारा मा बतौन्दु, जन कि लिख्यूं भि च कि, “तेरा वंश तैं” अर यां से या बात साफ ह्‍वे जान्दी कि वु वंशज मसीह च।

गलातियों 3:12

पर नियम-कानून को मनखि का बिस्वास का दगड़ा मा कुई लेण-देण नि च, किलैकि इन भि लिख्यूं च कि, “जु मनखि यों बातों को पालन करलु, उ वेकी वजै से जीवन पालु।”

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”