गलातियों 3:16 - Garhwali

¹⁶ अर जख तक करार की बात किये जौ, त करार पितर अब्राहम अर वेका वंश बटि किये गै छौ। अर पवित्रशास्‍त्र को यू करार हमतै वंश का भौत सा लोगु का बारा मा नि बतौन्दु, बल्किन मा सिरफ एक वंश का बारा मा बतौन्दु, जन कि लिख्यूं भि च कि, “तेरा वंश तैं” अर यां से या बात साफ ह्‍वे जान्दी कि वु वंशज मसीह च।

गढवली नयो नियम

¹⁶ उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।

गलातियों 3:16 ပူးပေါင်းရင်းမြစ်များ

मत्ती 1:1

प्रभु यीशु मसीह का पितरों का नौ की सूची इन च, कि यीशु जु की राजा दाऊद का वंश मदि, अर राजा दाऊद अब्राहम का वंश मदि छौ। अर पितर अब्राहम बटि यीशु मसीह तक जनम्यां लोगु का नौ कुछ इन छिन।

खास चेलों 3:25

अर परमेस्वर न रैबर्यों का द्‍वारा जु करार कैरी, वु तुम खुणि भि च। अर तुम ये समझौता का हकदार छाँ जु कि तुमरा पितरों का दगड़ा मा किये गै। अर वेन पितर अब्राहम कू बोलि छौ कि, ‘तेरा वंश का द्‍वारा धरती का सब कुटुम्ब आसीस पाला।’

रोमियों 12:5

ठिक उन्‍नि हम भि कई बिस्वासी लोग छां, मगर फिर भि हम सब एक ही यीशु का छां अर एक ह्‍वेके काम करद्‍यां।

रोमियों 4:13

अर यू सब कुछ मूसा का दियां नियम-कानून का मुताबिक नि ह्‍वे, बल्किन मा पिता परमेस्वर न त वेसे भि पैलि पितर अब्राहम का दगड़ा मा करार कैरी छौं, कि उ अर वेका वंश का लोग ईं दुनियां का वारिस होला। अर यू सब त इलै नि ह्‍वे, किलैकि वेन नियम-कानूनों को पालन कैरी, बल्किन मा यू त इलै ह्‍वे किलैकि पितर अब्राहम न पिता परमेस्वर पर बिस्वास कैरी। अर पिता परमेस्वर न भि वेतैं एक धरमी मनखि का रुप मा स्वीकार कैरी।

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

रोमियों 9:4

अर या बात मि इलै बोन्‍नु छौं, किलैकि हम लोग इस्राएली छां, अर पिता परमेस्वर न हमतै अपणी औलाद होणु खुणि चुण्यूं च। अर हमरा पितरों न निर्जन जगा मा पिता परमेस्वर का बड़ा-बड़ा कामों तैं होन्द देखि। अर वेन ऊंका दगड़ा मा कई करार करिनी, अर मूसा रैबर्या का द्‍वारा हमरा पितरों तैं नियम-कानून दिनी, अर इन भि सिखै की कै तरीका से हमतै पिता परमेस्वर की भक्‍ति करण चयेणी, जु कि वेकी नजर मा सही च। अर वेन ऊंका दगड़ा मा भौत सा करार भि करिनी।

1 कुरिन्थि 12:12

हे मेरा भै-बैंणो, जन कि हमरा सरील मा कई अंग छिन, फिर भि हमरु एक ही सरील च, ठिक उन्‍नि हम सभ्या का सभि लोग जौन यीशु मसीह पर बिस्वास कैरी वेका अंग छां।

1 कुरिन्थि 12:27

अर मि तुमतै बतै देन्दु, कि ठिक इन्‍नि तुम बिस्वासी लोग भि यीशु मसीह का सरील का अंग छाँ।

2 कुरिन्थि 11:22

क्या वु लोग ही इब्रानी छिन? अरे उ त मि भि छौं। अर क्या वु लोग इस्राएली छिन? नऽ रे ना मि भि एक इस्राएली छौं। अर क्या वु ही लोग पितर अब्राहम का वंश मदि छिन? अरे मि भि त पितर अब्राहम का वंश मदि छौं।

गलातियों 3:19

अब तुम सुचणा ह्‍वेल्या, कि फिर नियम-कानूनों तैं देण की क्या जरुरत रै होलि? अरे, यू सब त इलै ह्‍वे, ताकि नियम-कानूनों का द्‍वारा मनखियों तैं अपणा सब पापों को पता चलि जौ। अर जबरि तक करार को वंशज यीशु मसीह ऐ नि गै, नियम-कानून भि तबरि तक ही छा। अर वे बगत नियम-कानून स्वर्गदूत का द्‍वारा परमेस्वर का रैबर्या मूसा तैं दिये गैनी, अर वे बगत पितर मूसा न परमेस्वर अर मनखियों का बीच बिचलु होण को काम कैरी।

गलातियों 3:8

अर परमेस्वर न पवित्रशास्‍त्र का द्‍वारा हमतै पैलि ही इन बतै दिनी, कि जु लोग यहूदी जाति का नि छिन ऊं लोगु तैं पिता परमेस्वर बिस्वास का द्‍वारा धरमी ठैरालु। अर वे बगत मा परमेस्वर न हमरा पितर अब्राहम तैं इन शुभ समाचार दिनी कि, “अब्राहम, तेरा द्‍वारा धरती का सब लोग आसीस पाला।”

इफिसुस 5:32

अर यू राज तुम खुणि त बड़ु महान च, जैतैं पैलि छिपै के रखै गै छौ, मगर मि येको इस्तेमाल यीशु मसीह अर बिस्वासी समुदाय का बारा मा कनु छौं।

कुलुसी 2:19

किलैकि इन्द्रया लोग यीशु मसीह से जुड़यां नि रौनदिन, यीशु मसीह जु कि हमरु मुण्ड़ की तरौं च। अर हम जणदा छा कि हमरु सरील अर वेकी सब मांस-पेसियाँ अर सब जोड़ मुण्ड़ से ही जुड़यां रौनदिन, अर मुण्ड़ का द्‍वारा ही सब कुछ किये जान्दु। अर पिता परमेस्वर ही च जु कि पूरा सरील को विकास करदु।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।